தற்போதைய செய்திகள்

கண்ணமங்கலத்தில் ரூ1.01 கோடி மதிப்பீட்டில் வளர்ச்சி திட்டப்பணிகள் – அமைச்சர் சேவூர் எஸ்.இராமச்சந்திரன் துவக்கி வைத்தார்

திருவண்ணாமலை

திருவண்ணாமலை மாவட்டம் கண்ணமங்கலம் பகுதியில் 1.01 கோடி மதிப்பீட்டில் வளர்ச்சி திட்டப் பணிகளை இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் துவக்கி வைத்தார்

திருவண்ணாமலை மாவட்டம் ஆரணி அடுத்த கண்ணமங்கலத்தில் ரூ. 55 லட்சம் மதிப்பீட்டில் ஒருங்கிணைந்த நகர்ப்புற வளர்ச்சி திட்டத்தின் கீழ் குடிநீர் திட்ட மேம்பாட்டுப் பணிகள், ரூ. 20 லட்சம் மதீப்பீட்டில் மூலதன மானிய நிதி திட்டத்தின் கீழ் நல்ல தண்ணீர் குளம் மேம்பாட்டுப் பணிகள், ரூ. 26 லட்சம் மதிப்பீட்டில் 14-வது நிதிக்குழு மானிய திட்டம் பழைய கடலூர் சித்தூர் ரோடு தார்சாலை அமைக்கும் பணிகளை துவக்கிட பூமிபூஜை நடைபெற்றது. இந்த வளர்ச்சி திட்டப்பணிகள் துவக்கிட நடைபெற்ற பூமி பூஜையில் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் பங்கேற்று பணிகளை துவக்கி வைத்தார்.

இந்நிகழ்ச்சியில் விழாவில் மாவட்ட ஆவின் துணைத்தலைவர் பாரி பி.பாபு, ஒன்றிய செயலாளர்கள் பிஆர்ஜி.சேகர், எம்.வேலு, பாசறை மாவட்ட செயலாளர் ஜி.வி.கஜேந்திரன், மேற்கு ஆரணி ஒன்றிய குழுத்தலைவர் பச்சையம்மாள், மாவட்ட கவுன்சிலர் பூங்கொடி திருமால், மாவட்ட கழக இணை செயலாளர் நளினிமனோகரன், ஒன்றிய குழுத் துணைத்தலைவர் ஆ.வேலாயுதம், கண்ணமங்கலம் நகர செயலாளர் பாண்டியன், கூட்டுறவு சங்க தலைவர் கே.டி.குமார் உள்ளிட்டோர் கலந்து கொண்டனர்.