வேலூர்

கழக அரசின் சாதனைகளை விளக்கும் துண்டு பிரசுரங்கள்- அமைச்சர் கே.சி.வீரமணி வழங்கினார்

வேலூர்

கழக அரசின் சாதனைகளை விளக்கும் துண்டு பிரசுரங்களை சோலையார்பேட்டையில் பொதுமக்களிடம் அமைச்சர் கே.சி.வீரமணி வழங்கினார்.

இதயதெய்வம் புரட்சித்தலைவி அம்மா வழியில், முதலமைச்சர் எடப்பாடி கே.பழனிசாமி தலைமையில் முத்திரைப் பதித்த கழக அரசின் மூன்று ஆண்டுகள் சாதனை விளக்க துண்டுப்பிரசுரங்கள் வழங்கும் நிகழ்ச்சி மாவட்ட தகவல் தொழில்நுட்பப் பிரிவின் சார்பில் வேலூர் மேற்கு மாவட்ட தகவல் தொழில்நுட்ப பிரிவு செயலாளர் ஜனனி பி. சதீஷ்குமார் தலைமையில் நடைபெற்றது. இந்நிகழ்ச்சிக்கு மாவட்ட தகவல் தொழில்நுட்ப பிரிவு தலைவர் வி.எல்.ராஜன், துணைத்தலைவர்கள் ஆனந்த்பாபு, சரவணன், இணைச் செயலாளர்கள் பவளராஜன், யுவராஜ், பிரகாஷ் ஆகியோர் முன்னிலை வகித்தனர்.

இதில் வேலூர் மேற்கு மாவட்ட கழக செயலாளரும், வணிகவரி மற்றும் பத்திரப் பதிவுத்துறை அமைச்சருமான கே.சி.வீரமணி கலந்து கொண்டு அம்மா அரசின் சாதனைகளை விளக்கும் துண்டு பிரசுரங்களை பொதுமக்கள், வியாபாரிகள், விவசாயிகளிடம் வழங்கினார். நிகழ்ச்சியில் வேலூர் மேற்கு மாவட்ட கழக துணைச் செயலாளர் ஏ.ஆர்.ராஜேந்திரன், முன்னாள் சட்டமன்ற உறுப்பினர் கே.ஜி.ரமேஷ், ஒன்றிய கழகச் செயலாளர்கள் செல்வம், ஜோதி ராமலிங்க ராஜா, நகர கழக செயலாளர் எஸ்.பி.சீனிவாசன் மற்றும் நிர்வாகிகள் பலர் கலந்து கொண்டனர். நிகழ்ச்சி ஏற்பாடுகளை வேலூர் மேற்கு மாவட்ட தகவல் தொழில்நுட்ப பிரிவு செயலாளர் ஜனனீ பி.சதீஷ்குமார் செய்திருந்தார்.