தற்போதைய செய்திகள்

தமிழ் வழியில் படித்திருந்தால் அரசு பணியில் முன்னுரிமை – சட்டப்பேரவையில் மசோதா தாக்கல்

சென்னை

தமிழ் வழியில் படித்திருந்தால் அரசு பணியில் முன்னுரிமை வழங்க வழிவகை செய்யும் திருத்த மசோதா பேரவையில் நேற்று தாக்கல் செய்யப்பட்டது.

தமிழக சட்டபேரவையில் தமிழ்வழி கல்விக்கு முன்னுரிமை அளிக்கும் திருத்த மசோதாவை தமிழக அரசு பணியாளர், நிர்வாக சீர்திருத்தத்துறை அமைச்சர் டி.ஜெயக்குமார் பேரவையில் தாக்கல் செய்தார். முன்னதாக தமிழ்வழியில் பட்டப்படிப்பு படித்திருந்தால் தமிழக அரசு பணிகளில் 20 சதவீதம் முன்னுரிமை வழங்கப்பட்டது.

தாக்கல் செய்யப்பட்டுள்ள மசோதாவின்படி, இனி பட்டப்படிப்பு மட்டுமின்றி 10, 12-ம் வகுப்புகளிலும் தமிழ் வழியில் படித்திருந்தால் மட்டுமே அரசு பணியில் முன்னுரிமை வழங்கப்படும் .பட்டப்படிப்பு தகுதிக்கான அரசு பணிக்கு, பட்டப்படிப்புடன் 10 மற்றும் 12-ம் வகுப்புகளையும் தமிழ்வழியில் படித்திருக்க வேண்டும். அதேபோன்று 10-ம் வகுப்பு தகுதியுள்ள அரசு பணிக்கு 6-ம் வகுப்பு முதல் 10-ம் வகுப்பு வரை தமிழ்வழி கல்வியில் பயின்றிருக்க வேண்டும் என்று மசோதாவில் குறிப்பிடப்பட்டுள்ளது.