மதுரை

மதுரை வடக்குத் தொகுதியில் ரூ.1.44 கோடியில் புதிய சாலைகள் – வி.வி.ராஜன் செல்லப்பா எம்.எல்.ஏ. திறந்து வைத்தார்

மதுரை

மதுரை மாநகராட்சி வடக்குத் சட்டமன்ற உறுப்பினர் தொகுதிக்கு உட்பட்ட பகுதிகளில் ரூ.1.44 கோடி மதிப்பீட்டில் புதிய சாலைகளை பொதுமக்கள் பயன்பாட்டிற்கு வி.வி.ராஜன் செல்லப்பா எம்.எல்.ஏ. திறந்து வைத்தார்.

மதுரை மாநகராட்சி வடக்குத் சட்டமன்ற தொகுதிக்கு உட்பட்ட 5, 6 மற்றும் 7 -வது வார்டு ஆகிய பகுதிகளில் ரூ.1.44 கோடி மதிப்பீட்டில் மேற்கொள்ளப்பட்டுள்ள சாலைப்பணிகளை ஆணையாளர் ச.விசாகன் தலைமையில் வடக்கு தொகுதி சட்டமன்ற உறுப்பினர் வி.வி.ராஜன் செல்லப்பா திறந்து வைத்தார்.

5-வது வார்டு முல்லை நகர் மெயின் சாலையில் வடக்கு சட்டமன்ற உறுப்பினர் தொகுதி மேம்பாட்டு நிதியிலிருந்து ரூ.10 லட்சம் மதிப்பீட்டில் புதிதாக அமைக்கப்பட்டுள்ள தார் சாலை, சேக்கிழார் வீதியில் ரூ.17.50 லட்சம் மதிப்பீட்டில் புதிதாக அமைக்கப்பட்டுள்ள தார் சாலை, அழகாபுரி தெருவில் ரூ.16.40 லட்சம் மதிப்பீட்டில் புதிதாக அமைக்கப்பட்டுள்ள தார் சாலை, இந்திரா நகர் 1-வது தெரு மற்றும் 2வது தெருவில் ரூ.34.70 லட்சம் மதிப்பீட்டில் புதிதாக அமைக்கப்பட்டுள்ள தார் சாலை,

6-வது வார்டு சத்திய மூர்த்தி 6-வது தெரு மற்றும் மெயின் சாலையில் மாநகராட்சி பொதுநிதியிலிருந்து ரூ.13.50 லட்சம் மதிப்பீட்டில் புதிதாக அமைக்கப்பட்டுள்ள தார் சாலை, பட்டுக்கோட்டை கல்யாணசுந்தரம் தெருவில் வடக்கு சட்டமன்ற உறுப்பினர் தொகுதி மேம்பாட்டு நிதியின் கீழ் ரூ.11.60 லட்சம் மதிப்பீட்டில் புதிதாக அமைக்கப்பட்டுள்ள தார் சாலை, பூந்தமல்லி மெயின் தெருவில் ரூ.27.60 லட்சம் மதிப்பீட்டில் புதிதாக அமைக்கப்பட்டுள்ள தார் சாலை,

7-வது வார்டு ஜீவானந்தம் வடக்கு தெரு பகுதியில் வடக்கு சட்டமன்ற உறுப்பினர் தொகுதி மேம்பாட்டு நிதியின் கீழ் ரூ.13.40 லட்சம் மதிப்பீட்டில் புதிதாக அமைக்கப்பட்டுள்ள தார் சாலை என மொத்தம் ரூ.144.70 லட்சம் மதிப்பீட்டில் மேற்கொள்ளப்பட்டுள்ள சாலைப் பணிகள் பொதுமக்களின் பயன்பாட்டிற்காக திறந்து வைக்கப்பட்டது.

இந்நிகழ்ச்சியில் நகரப்பொறியாளர் அரசு, உதவி ஆணையாளர் சேகர், உதவி செயற்பொறியாளர் ஆரோக்கிய சேவியர், மக்கள் தொடர்பு அலுவலர் சித்திரவேல், சுகாதார அலுவலர் விஜயகுமார், உதவிப் பொறியாளர் பாஸ்கரன், சுகாதார ஆய்வாளர் நாகராஜ், முரளிதரன் உள்பட மாநகராட்சி அலுவலர்கள் கலந்து கொண்டனர்.