சிறப்பு செய்திகள்

மத்திய அரசு ஊழியர்களுக்கு 5 சதவீத அகவிலைப்படி உயர்வு..

சென்னை:-

மத்திய அரசு ஊழியர்கள் மற்றும் ஓய்வூதிய தாரர்களுக்கு 5 சதவீதம் அகவிலைப்படி உயர்வு வழங்கப்படும் எனமத்திய அமைச்சர் பிரகாஷ் ஜவடேகர் அறிவித்துள்ளார்.

டெல்லியில் பிரதமர் மோடி தலைமையில்  அமைச்சரவை கூட்டம் நடைபெற்றது. இக்கூட்டத்தில் பல்வேறு விவகாரங்கள் குறித்து விவாதிக்கப்பட்டு முடிவெடுக்கப்பட்டு உள்ளது. கூட்டம் முடிவடைந்ததும் மத்திய அமைச்சர் பிரகாஷ் ஜவடேகர் செய்தியாளர்களை சந்தித்தார்.

அப்போது அமைச்சரவை கூட்டத்தில் எடுக்கப்பட்ட முடிவுகள் குறித்து அவர் கூறியதாவது:-

மத்திய அரசு ஊழியர்களுக்கு அகவிலைப்படி 5 சதவீதம் உயர்த்தப்பட்டு உள்ளது. அகவிலைப்படி 12 சதவீதத்தில் இருந்து 17 சதவீதமாக உயர்த்தப்படும். இதன் மூலம் 50 லட்சம் மத்திய அரசு ஊழியர்கள், சுமார் 65 லட்சம் ஓய்வூதியதாரர்கள் பயனடைவார்கள்.

இந்த அகவிலைப்படி உயர்வு ஜூலை மாதத்தில் இருந்து கணக்கிடப்பட்டு வழங்கப்படும்.

இவ்வாறு மத்திய அமைச்சர் பிரகாஷ் ஜவடேகர் கூறினார்.