தற்போதைய செய்திகள்

8 மாவட்டங்களில் புதிதாக மாவட்ட கூட்டுறவு ஒன்றியங்கள் – சட்டப்பேரவையில் அமைச்சர் செல்லூர் கே.ராஜூ அறிவிப்பு

சென்னை

8 மாவட்டங்களில் புதிதாக மாவட்ட கூட்டுறவு ஒன்றியங்களில் தொடங்கப்படும் என்று சட்டப்பேரவையில் அமைச்சர் செல்லூர் கே.ராஜூ அறிவித்தார்.

சட்டப்பேரவையில் கூட்டுறவுத்துறை மானியக் கேேரிக்கை மீதான விவாதத்திற்கு அமைச்சர் பதிலளித்த போது கீழ்க்கண்ட அறிவிப்புகளை வெளியிட்டார்.

1) 15 கூட்டுறவு நிறுவனங்களின் கட்டடங்களை ரூ.5.10 கோடி மதிப்பீட்டில் விரிவாக்கப்படும்.

2) 10 மத்தியக் கூட்டுறவு வங்கிகளில் ரூ.3.26 கோடி மதிப்பீட்டில் 19 புதிய கிளைகள் துவக்கப்படும்.

3) 24 கூட்டுறவு நிறுவனங்களில் ரூ.1.06 கோடி மதிப்பீட்டில் பாதுகாப்பு வசதிகளை மேம்படுத்தப்படும்.

4) 9 தொடக்க வேளாண்மைக் கூட்டுறவுக் கடன் சங்கங்களில் ரூ.3.69 கோடி மதிப்பீட்டில் வணிக வளாகங்களும், 3 தொடக்க வேளாண்மைக் கூட்டுறவுக் கடன் சங்கங்களில் ரூ.2.80 கோடி மதிப்பீட்டில் திருமண மண்டபங்களும் கட்டப்படும்.

5) 4 வேளாண்மை உற்பத்தியாளர்கள் கூட்டுறவு விற்பனைச் சங்கங்களில் உட்கட்டமைப்பு வசதிகள்
ரூ.3.28 கோடி மதிப்பீட்டில் மேம்படுத்தப்படும்.

6) கோயம்புத்தூர் மாவட்டம், பொள்ளாச்சி வேளாண்மை உற்பத்தியாளர்கள் கூட்டுறவு விற்பனைச் சங்கத்தில் 10,100 சதுர அடியில் ரூ.2.75 கோடி மதிப்பீட்டில் கல்யாண மண்டபம் கட்டப்படும்.

7) சென்னை நடேசன் கூட்டுறவு மேலாண்மை நிலையத்தில் இரண்டு படுக்கைகள் மற்றும் குளியல் அறையுடன் கூடிய 30 அறைகள் கொண்ட மகளிர் விடுதி ரூ.1.83 கோடி மதிப்பீட்டில் கட்டப்படும்.

8) 8 மாவட்டங்களில் புதிதாக மாவட்டக் கூட்டுறவு ஒன்றியங்கள் ரூ.1.20 கோடி மதிப்பீட்டில் துவக்கப்படும்.

9) காஞ்சிபுரம், புதுக்கோட்டை மற்றும் தூத்துக்குடி ஆகிய மூன்று மாவட்டக் கூட்டுறவு அச்சகங்களை
ரூ.73 இலட்சம் மதிப்பீட்டில் நவீனமயமாக்கப்படும்.

10) 6 வேளாண்மை உற்பத்தியாளர்கள் கூட்டுறவு விற்பனைச் சங்கங்களில் பதனிடும் அலகுகள் மற்றும் உலர்களம் ரூ.96.27 இலட்சம் மதிப்பீட்டில் அமைக்கப்படும்.

11) 4 பெரும்பலநோக்குக் கூட்டுறவுச் சங்கங்களில் பதனிடும் அலகுகள் அமைக்கப்படும் மற்றும் உட்கட்டமைப்பு வசதிகளை ரூ.67.50 இலட்சம் மதிப்பீட்டில் மேம்படுத்தப்படும்.

12) கோயம்புத்தூர் மாவட்டம், துடியலூர் கூட்டுறவு விவசாய சேவா ஸ்தாபனத்தில், கலப்பு உரம் மற்றும் நவீன வேப்பம் பிண்ணாக்கு தயாரிக்கும் அலகுகள் ரூ.30.50 இலட்சம் மதிப்பீட்டில் அமைக்கப்படும்.

13) 3 வேளாண்மை உற்பத்தியாளர்கள் கூட்டுறவு விற்பனைச் சங்கங்கள் மூலம் 4 பெட்ரோல் மற்றும் டீசல் விற்பனை நிலையங்கள் அமைக்கப்படும்.

14) சிவகங்கை மற்றும் பெரம்பலூர் மாவட்ட நுகர்வோர் கூட்டுறவு மொத்த விற்பனை பண்டகசாலைகளில் 2 சுயசேவைப்பிரிவுகள் ரூ.1.40 கோடி மதிப்பீட்டில் துவக்கப்படும்.

15) இராமநாதபுரம் மாவட்ட நுகர்வோர் கூட்டுறவு மொத்த விற்பனை பண்டகசாலையில் வாகன நிறுத்துமிடம் ரூ.30 இலட்சம் மதிப்பீட்டில் அமைக்கப்டும்.

16) தூத்துக்குடி மாவட்ட நுகர்வோர் கூட்டுறவு மொத்த விற்பனை பண்டகசாலைக்கு ரூ.12.04 இலட்சம் மதிப்பீட்டில் வாகனம் வாங்கப்படும்.

17) ஈரோடு மாவட்ட நுகர்வோர் கூட்டுறவு மொத்த விற்பனை பண்டகசாலையில் ரூ.8.97 இலட்சம் மதிப்பீட்டில் பேக்கிங் இயந்திரம் நிறுவப்படும்.

18) திருவள்ளூர், சிவகங்கை, காஞ்சிபுரம், கன்னியாகுமரி, கடலூர், புதுக்கோட்டை மற்றும் விழுப்புரம் ஆகிய 7 மண்டலங்களில் ரூ.1.88 கோடி மதிப்பீட்டில் புதியதாக 21 அம்மா மருந்தகங்கள் தொடங்கப்படும்.

19) காஞ்சிபுரம் மாவட்டம், நங்கநல்லூர் தொடக்க கூட்டுறவு பண்டகசாலையில் பெட்ரோல் / டீசல் வழங்கு நிலையம் அமைக்கப்படும்.

20) கொடைக்கானல் நுகர்வோர் கூட்டுறவு பண்டகசாலையின் காலியிடத்தில் ரூ.1.06 கோடி மதிப்பீட்டில் விருந்தினர் இல்லம் கட்டப்படும்.

21) புதியதாக உருவாக்கப்பட்ட இராணிபேட்டை, திருப்பத்தூர், கள்ளக்குறிச்சி, தென்காசி, செங்கல்பட்டு ஆகிய 5 மாவட்டங்களில் புதிய மாவட்ட நுகர்வோர் கூட்டுறவு மொத்த விற்பனை பண்டகசாலைகள் தொடங்கப்படும்.

22) நீலகிரி, உடுமலைப்பேட்டை மற்றும் புதுக்கோட்டை ஆகிய மூன்று நுகர்வோர் கூட்டுறவு பண்டகசாலைகளில் 4 வணிக வளாகங்கள் ரூ.6.49 கோடி மதிப்பீட்டில் கட்டப்படும்.
23) தமிழ்நாடு நுகர்வோர் கூட்டுறவு இணையத்திற்கு ரூ.7.12 கோடி மதிப்பீட்டில் புதிய அலுவலகம் கட்டப்படும்.

இவ்வாறு அமைச்சர் செல்லூழ் கே.ராஜூ அறிவித்தார்.