தற்போதைய செய்திகள்

இளம் வழக்கறிஞர்களுக்கு மாதம் ரூ.3000 உதவித்தொகை – சட்டப்பேரவையில் அமைச்சர் சி.வி.சண்முகம் அறிவிப்பு

சென்னை

இளம் வழக்கறிஞர்களுக்கு மாதம் ரூ.3000 உதவித்தொகை வழங்கப்படும் என்று சட்டப்பேரவையில் அமைச்சர் சி.வி.சண்முகம் அறிவித்தார்.

சட்டப்பேரவையில்  நீதி நிர்வாகம் மானியக்கோரிக்கை மீதான விவாதத்திற்கு பதிலளித்து பேசிய அமைச்சர் சி.வி. சண்முகம் வெளியிட்ட அறிவிப்புகள் வருமாறு:-

இதய தெவம் அம்மா அவர்களின் ஆசியுடன் முதலமைச்சர் ஆணைப்படி, தமிழகத்தில் உள்ள 260 நீதிமன்ற வளாகங்களில் ( இரண்டு வீதம்) மின்னணு பெயர் பலகைகள் ரூபாய் 10.26 கோடி செலவில் வாங்கி நிறுவப்படும். நாமக்கல் மாவட்டம் திருச்செங்கோட்டில் ஒரு கூடுதல் மாவட்ட நீதிமன்றம் அமைக்கப்படும்.

திருவள்ளூர் மாவட்டம் திருவொற்றியூரில் ஒரு சார்பு நீதிமன்றம் அமைக்கப்படும்.அரியலூர் மாவட்டம்ஜெயங்கொண்டத்தில் கூடுதலாக ஒரு கூடுதல் மாவட்ட உரிமையியல் நீதிமன்றம் அமைக்கப்படும்.

கரூர் மாவட்டம் குளித்தலையில் ஒரு கூடுதல் மாவட்ட உரிமையியல் நீதிமன்றம் அமைக்கப்படும்.திருவண்ணாமலை மாவட்டம் வந்தவாசியில் உள்ள மாவட்ட உரிமையியல் மற்றும் குற்றவியல் நடுவர் நீதிமன்றம் மற்றும் கோயம்புத்தூர் மாவட்டம், கோயம்புத்தூரில் உள்ள மாவட்ட உரிமையியல் நீதிமன்ற கட்டடங்களை பாதுகாப்பதற்கென ரூ. 10 கோடி செலவில் மறுசீரமைப்புப் பணிகள் மேற்கொள்ளப்படும்.

சென்னை உயர்நீதிமன்றம் மற்றும் அதன் மதுரை கிளையில் உள்ள நீதியரசர்களின் பயன்பாட்டிற்காக உறையுடன் கூடிய 60 ஆப்பிள் ஐ பாட்கள் ரூ. 80.93 லட்சம் செலவில் வாங்கப்படும்.கிருஷ்ணகிரி மாவட்டத்தில் உள்ள ஒருங்கிணைந்த நீதிமன்ற வளாகத்தில் பாதிக்கப்படக்கூடிய சாட்சி மற்றும் சிறார்கள் சாட்சி ஆகியோரை
விசாரிக்கும் மையம் மற்றும் நீதிமன்ற அறைகள் ரூ. 288.28 லட்சம் செலவில் கட்டப்படும்.புதுக்கோட்டை மாவட்டம் கீரனூரில் ஒரு சார்பு நீதிமன்றம் அமைக்கப்படும்.குற்றவழக்கு தொடர்வுத் துறையில் பணிபுரியும் 16 குற்ற வழக்குத் தொடர்வு உதவி இயக்குநர்களுக்கு ரூ. 6.50 லட்சம் மதிப்பில் தலா ஒரு ஈர்ப்பு வழங்கப்படும்.

திண்டுக்கல் மாவட்டம் நிலக்கோட்டையில் ஒரு சார்பு நீதிமன்றம் அமைக்கப்படும்.

கள்ளக்குறிச்சி மாவட்டம் திருக்கோவிலூரில் ஒரு சார்பு நீதிமன்றம் அமைக்கப்படும்.

தருமபுரி மாவட்டம் அரூரில் ஒரு கூடுதல் மாவட்ட நீதிமன்றம் அமைக்கப்படும்.

விழுப்புரம் மாவட்டம் விக்கிரவாண்டியில் உள்ள மாவட்ட உரிமையியல் மற்றும் குற்றவியல் நடுவர் நீதிமன்றத்திற்கு கட்டடம் மற்றும் நீதிபதிகளுக்கான குடியிருப்புகள் ரூ. 8.60 கோடி செலவில் கட்டப்படும்.

தருமபுரி மாவட்டம், நல்லம்பள்ளி, கடலூர் மாவட்டம், ஸ்ரீமுஷ்ணம், விழுப்புரம் மாவட்டம், திருவெண்ணெய்நல்லூர், திருப்பத்தூர் மாவட்டம், நாட்ரம்பள்ளி மற்றும் நாமக்கல் மாவட்டம் மோகனூர் ஆகிய இடங்களில் புதிய மாவட்ட உரிமையியல் மற்றும் குற்றவியல் நடுவர் நீதிமன்றங்கள் அமைக்கப்படும்.

வழக்குரைஞர் எழுத்தர்களின் சேநலநிதியினை ரூ.2 லட்சத்திலிருந்து ரூ. 4 லட்சமாக உயர்த்தி வழங்கப்படும்.
இளம் வழக்குரைஞர்களுக்கு மாதம் ரூ, 3,000 வீதம் இரண்டு ஆண்டுகளுக்கு உதவித்தொகை வழங்கப்படும்.

ராணிப்பேட்டை மாவட்டம் அரக்கோணத்தில் ஒரு கூடுதல் மாவட்ட நீதிமன்றம் அமைக்கப்படும்.