தற்போதைய செய்திகள்

கழக ஆட்சியில் தமிழகம் வளர்ச்சி பாதையில் பீடுநடை – அமைச்சர் சேவூர் எஸ்.இராமச்சந்திரன் பெருமிதம்

திருவண்ணாமலை

தமிழகம் கழக ஆட்சியில் அனைத்து துறைகளிலும் வளர்ச்சி பாதையில் முன்னேற்றம் அடைந்துள்ளது என்று அமைச்சர் சேவூர் எஸ்.இராமச்சந்திரன் பெருமிதத்துடன் கூறினார்.

விக்கிரவாண்டி சட்டமன்ற தொகுதி இடைத்தேர்தலில் போட்டியிடும் கழக வேட்பாளர் முத்தமிழ்செல்வனை ஆதரித்து இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் காணை ஒன்றியத்திற்கு உட்பட்ட நல்லாம்பாளையம், கடையம் அண்ணா நகர், பழைய கருவாச்சி ஆகிய பகுதிகளில் வீடு வீடாக சென்று வாக்கு சேகரித்தார். அப்போது அவர் பொதுமக்களிடம் கழக அரசின் சாதனை விளக்க துண்டு பிரசுரங்களை வழங்கி இரட்டை இலை சின்னத்திற்கு வாக்களிக்குமாறு கேட்டுக் கொண்டார்.

பிரச்சாரத்தின்போது அமைச்சர் சேவூர் எஸ்.இராமச்சந்திரன் பேசியதாவது:-

புரட்சித்தலைவி அம்மா அவர்களின் நல்லாசியுடன் நடைபெறும் நல்லாட்சியில் இந்தியாவிலேயே முன்னோடியாக தமிழகம் திகழ்கிறது. சுகாதாரத்துறை, கல்வித் துறை, வேளாண்மை துறை, உள்ளாட்சித் துறை உள்ளிட்ட பல்வேறு துறைகளில் இந்தியாவின் முன்னோடி மாநிலமாக தமிழகம் திகழ்கிறது. தமிழகத்தை மேலும் முன்னேற்ற அம்மாவின் வழியில் முதல்வர் எடப்பாடி கே.பழனிசாமி சிறப்பாக ஆட்சி செய்து வருகிறார். மேலும் மக்களுக்கு பல்வேறு சிறப்பான திட்டங்களை செயல்படுத்திட கழக வேட்பாளர் முத்தமிழ்ச்செல்வனை அதிக வாக்குகள் வித்தியாசத்தில் வெற்றி பெற வேண்டும்.

இவ்வாறு அமைச்சர் சேவூர் எஸ்.இராமச்சந்திரன் பேசினார்.

பிரச்சாரத்தின்போது செய்யாறு தொகுதி சட்டமன்ற உறுப்பினர் தூசி மோகன், திருவண்ணாமலை மாவட்ட ஆவின் பால்வள தலைவர் அக்ரி கிருஷ்ணமூர்த்தி, மாநில எம்.ஜி.ஆர். மன்ற துணை செயலாளர் ராமச்சந்திரன், முன்னாள் எம்.எல்.ஏ. ஜெயசுதா, மாவட்ட துணை செயலாளர் அமுதா அருணாசலம், கழக நிர்வாகிகள் பாரி பாபு, டிஸ்கோ குணசேகரன், பீரங்கி வெங்கடேசன், வக்கில்சங்கர், கூட்டுறவு சங்கத் தலைவர் அசோக் குமார், ரமேஷ், ஒன்றிய செயலாளர்கள் பி.ஆர்.ஜி.சேகர், ராஜா (எ ) தேவராஜன், திருநாவுக்கரசு, ஜெயப்பிரகாஷ், பாஷ்யம், மற்றும் மாவட்ட ஒன்றிய பேரூர் பகுதி நிர்வாகிகள் மற்றும் கூட்டணி கட்சி நிர்வாகிகள் உடன் சென்றனர்.