திருப்பூர்

எடப்பாடியார் தலைமையில் மீண்டும் நல்லாட்சி மலர்ந்திட பாடுபடுவோம் – துணை சபாநாயகர் பொள்ளாச்சி வி.ஜெயராமன் சூளுரை

திருப்பூர்

அரசின் சாதனை திட்டங்கள் குறித்து மக்களுக்கு விழிப்புணர்வு ஏற்படுத்தி எடப்பாடியார் தலைமையில் மீண்டும் நல்லாட்சி மலர்ந்திட பாடுபடுவோம் என்று துணை சபாநாயகர் பொள்ளாச்சி வி.ஜெயராமன் சூளுரைத்தார்.

திருப்பூரில் மாவட்ட அண்ணா தொழிற்சங்கங்கள் மற்றும் தமிழ்நாடு அரசு போக்குவரத்துக்கழக திருப்பூர் மண்டல அண்ணா தொழிற்சங்களின் ஆய்வு மற்றும் ஆலோசனை கூட்டம் மாநில அண்ணா தொழிற்சங்க செயலாளர் கமலக்கண்ணன் தலைமையில் நடைபெற்றது. இக்கூட்டத்தில் சட்டப்பேரவை துணைத்தலைவரும், கழகத் தேர்தல் பிரிவு செயலாளரும், திருப்பூர் மாநகர் மாவட்ட கழக செயலாளருமான பொள்ளாச்சி வி.ஜெயராமன் ஆலோசனை வழங்கி பேசியதாவது:-

புரட்சித்தலைவி அம்மாவின் அரசு தமிழக மக்களுக்கு எண்ண்ற்ற திட்டங்களை வழங்கி வருகிறது. கழக அரசின் திட்டங்கள் குறித்து மக்கள் மத்தியில் விழிப்புணர்வு ஏற்படுத்த அயராது பாடுபட வேண்டும். வருகிற சட்டமன்ற தேர்தலில் அனைவரும் ஒற்றுமையுடன் செயல்பட்டு முதலமைச்சர் எடப்பாடியார் தலைமையில் மீண்டும் நல்லாட்சி மலர பாடுபட வேண்டும். இதற்காக அரசின் திட்டங்களை மக்களிடம் எடுத்து செல்ல வேண்டும். ஒவ்வொரு பகுதியிலும் உள்ள போக்குவரத்து தொழிலாளர் மட்டுமன்றி அனைத்து தொழிலாளர்களின் வீடுகளில் இருப்பவர்கள் அனைவரும் அண்ணா தொழிற் சங்கத்தின் வளர்ச்சியில் முழு அக்கறையுடன் செயல்பட வேண்டும்.

இவ்வாறு துணை சபாநாயகர் பொள்ளாச்சி வி.ஜெயராமன் பேசினார்.

கூட்டத்தில் திருப்பூர் தெற்கு தொகுதி சட்டமன்ற உறுப்பினர் சு.குணசேகரன், மாநில அண்ணா தொழிற்சங்க தலைவர் தாடி ம.ராசு, மாநில பொருளாளர் அப்துல் ஹமீது, இணைச்செயலாளர் துளசிதாஸ், மாநகர் மாவட்ட அண்ணா தொழிற்சங்க செயலாளர் கண்ணப்பன், போக்குவரத்துக் கழக மண்டல செயலாளர் தங்கவேல், புறநகர் மாவட்ட அண்ணா தொழிற்சங்க செயலாளர் சுந்தர்ராஜ், ரவீந்திரன், பொன்னுச்சாமி, நகர அண்ணா தொழிற்சங்க செயலாளர் கண்ணபிரான், தேவராஜ் பேச்சிமுத்து, விஸ்வநாதன், ராஜேந்திரன், தமிழ்வாணன், சக்திவேல் மற்றும் திருப்பூர் மண்டலம் 1, 2, பல்லடம் உடுமலைப்பேட்டை தாராபுரம் பழனி 1, 2 கிளை நிர்வாகிகள், போக்குவரத்து கழக நிர்வாகிகள் பலர் கலந்து கொண்டனர்.