தற்போதைய செய்திகள்

சாதனை படைத்த முதலமைச்சர், துணை முதலமைச்சருக்கும் நன்றி -அமைச்சர் ஆர்.பி.உதயகுமார் தீர்மானம் நிறைவேற்றம்

மதுரை

இந்தியாவில் ஏற்றுமதிக்கேற்ற மாநிலங்களில் தமிழகத்தை மூன்றாவது இடத்தை பெற்றுத்தந்து சாதனை படைத்திட்ட முதலமைச்சர், துணை முதலமைச்சருக்கும் நன்றி கழக அம்மா பேரவை சார்பில் அமைச்சர் ஆர்.பி.உதயகுமார் தீர்மானம் நிறைவேற்றினார்.

திருமங்கலத்தில் கழக அம்மா பேரவை சார்பில் ஆலோசனை கூட்டம் நடைபெற்றது. கழக அம்மா பேரவை செயலாளரும், மதுரை மேற்கு மாவட்ட கழக செயலாளரும், அமைச்சருமான ஆர்.பி.உதயகுமார் தலைமை தாங்கினார்.

இக்கூட்டத்தில் கீழ்கண்ட தீர்மானத்தை அமைச்சர் ஆர்.பி.உதயகுமார் நிறைவேற்றினார். அதன் விவரம் வருமாறு

இந்த கொரோனா காலத்திலும் நமது முதலமைச்சர் தமிழகத்தில் வேலைவாய்ப்பு வாய்ப்பினை உருவாக்கும் வகையில் தொழில் முதலீட்டாளர்களை நேரில் சந்தித்து அவர்களுக்கு ஆக்கமும், ஊக்கமும் மற்றும் அனைத்து உதவிகளையும் வழங்கி இந்தியாவிலே தொழில் முதலீட்டில் தமிழகத்தை முதன்மை மாநிலமாக உருவாக்கி தமிழகத்தின் பொருளாதார வளர்ச்சியை முதன்மையாகக் உருவாக்கி சரித்திர சாதனையை சாமானிய முதல்வராய் நமது முதலமைச்சர் வரலாற்றுச் சாதனை நிகழ்த்தி வருகிறார்.

அவருக்கு துணையாக நின்று துணை முதலமைச்சரும் சாதனை படைத்து வரும் நிலையில் டெல்லியில் உள்ள நிதி ஆயோக் துணைத்தலைவர் ராஜ்குமார் வெளியிட்டுள்ள அறிக்கையில் அரசின் கொள்கை, வர்த்தக நிலவரம், ஏற்றுமதி சூழல், ஏற்றுமதி செயல்பாடு ஆகிய 4 முக்கிய அம்சங்களில் அடிப்படையில் மாநிலங்கள் தேர்வு செய்யப்பட்டு வருகின்றன.

அந்த அடிப்படையில் ஏற்றுமதி ஊக்குவிப்பு கொள்கை அடிப்படை கட்டமைப்பு வசதி உள்ளிட்ட 11 பிரிவுகள் அடிப்படையில் மாநில செயல்பாடு செய்யப்பட்டுள்ளன அனைத்து அம்சங்களிலும் ஏற்றுமதி தயாராக உள்ள கடலோர மாநிலங்களில் குஜராத், மகாராஷ்டிரா, தமிழகம் ஆகியவை மூன்று இடங்களில் பிடித்துள்ளன என்று கூறியுள்ளார்.

இதன் மூலம் தமிழகத்தை கடலோர மாநிலங்களில் ஏற்றுமதியில் மூன்றாம் இடத்தை தமிழகத்துக்கு பெற்றுத்தந்து தொடர்ந்து தமிழகத்தை தொழில் துறையில் முன்னேற்றப்பாதையில் கொண்டு சென்ற முதலமைச்சருக்கும், துணை முதலமைச்சருக்கும், இதற்கு உறுதுணையாக இருந்த தொழில்துறை அமைச்சர் சம்பத் ஆகியோருக்கும் கழக அம்மா பேரவை கோடான கோடி நன்றியை தெரிவித்து கொள்கிறது.

மேலும் இந்த ஊரடங்கு காலத்திலும் நாட்டின் முதுகெலும்பான விவசாயத்திற்கு பல்வேறு சலுகைகளை வழங்கி இதன் மூலம் தமிழகத்தில் உணவு, தானிய உற்பத்தியை தொடர்ந்து 100 மெட்ரிக் டன் அளவில் உற்பத்தி செய்து தொடர்ந்து மத்திய அரசுகளால் விருது பெற்று விவசாய மக்களை காத்து வருவது மட்டுமல்லாது இதன்மூலம் விலைவாசி உயர்வை கட்டுக்குள் வைத்து மக்களுக்கு தேவையான பொருள்களை தங்கு தடையின்றி கிடைக்க செய்து ஒட்டுமொத்த தமிழக மக்களின் பாராட்டை பெற்று சாதனை படைத்துவரும் முதலமைச்சருக்கும், துணை முதலமைச்சருக்கும் இதற்கு உறுதுணையாக இருந்த வேளாண்மை துறை அமைச்சர் துரைக்கண்ணு ஆகியோருக்கும் கழக அம்மா பேரவை கோடான கோடி நன்றி தெரிவிப்பதோடு இந்த சாதனையை திட்டத்தை மக்களிடத்தில் எடுத்துச் சொல்வோம் என்று சூளுரை ஏற்கிறது.

அம்மாவின் கனவு திட்டத்தை நனவாக்கும் வகையில் தமிழக முதலமைச்சர் தாயுள்ளத்தோடு மதுரையில் அமையவுள்ள எய்ம்ஸ் மருத்துவமனைக்கு கடந்த 2019ம் ஆண்டு பாரத பிரதமரை அழைத்து அடிக்கல் நாட்டினார் அதைத் தொடர்ந்து வருகின்ற டிசம்பர் மாதத்தில் ஜப்பான் ஜெய்கா நிறுவனம் மூலம் டிசம்பர் மாதம் புரிந்துணர்வு ஒப்பந்தம் செய்யப்படுகிறது. இது மிக விரைவில் மக்கள் பயன்பாட்டிற்கு வர உள்ளது என்பதை பெருமையுடன் கூறிக் கொள்வதோடு தென்மாவட்ட மக்களுக்கு இதை வழங்கிய முதலமைச்சர் மற்றும் துணை முதலமைச்சர் இதற்கு உறுதுணையாக இருந்த சுகாதாரத்துறை அமைச்சர் விஜயபாஸ்கர் ஆகியோருக்கும் கழக அம்மா பேரவை கோடான கோடி நன்றியை தெரிவித்துகொள்கிறது.

இவ்வாறு தீர்மானங்கள் நிறைவேற்றப்பட்டன.

இந்நிகழ்ச்சியில் கழக அம்மா பேரவை துணைச் செயலாளர் வெற்றிவேல், மாவட்ட கழக நிர்வாகிகள் ஐயப்பன், திருப்பதி, பஞ்சம்மாள், பஞ்சவர்ணம், ஒன்றிய கழக செயலாளர்கள் அன்பழகன், ராமசாமி, மகாலிங்கம், ரவிச்சந்திரன், ராஜா, பிச்சை ராஜன், பேரூர் கழக செயலாளர்கள் பாப்புரெட்டி, கொரியர் கணேசன், நெடுமாறன், பாலசுப்ரமணி, குமார், அழகுராஜா, மாவட்ட அணி நிர்வாகிகள் தமிழழகன், வக்கீல் தமிழ்ச்செல்வன், பால்பாண்டி, காசிமாயன், லட்சுமி, சிங்கராஜ பாண்டியன், சரவணன், ராஜா உட்பட பலர் கலந்து கொண்டனர்.