தற்போதைய செய்திகள்

திமுக எம்.எல்.ஏ.வால் புறக்கணிக்கப்பட்ட திருப்பரங்குன்றம் பகுதியில் ரூ.1.40 கோடி மதிப்பில் சாலைப்பணி – வி.வி.ராஜன் செல்லப்பா எம்.எல்.ஏ. ஏற்பாடு

மதுரை

திருப்பரங்குன்றம் திமுக சட்டமன்ற உறுப்பினரால் புறக்கணிக்கப்பட்ட பகுதியில் மதுரை புறநகர் கிழக்கு மாவட்ட கழக செயலாளர் வி.வி.ராஜன் செல்லப்பா எம்.எல்.ஏ ஏற்பாட்டில் ரூ.1.40 கோடி மதிப்பில் சாலைப்பணி நடைபெற்று வருகிறது.

திருப்பரங்குன்றம் சட்டமன்ற உறுப்பினராக சரவணன் உள்ளார். இவர் நடைபெற்ற இடைத்தேர்தலின்போது நிலையூர் பகுதியில் தனக்கு மக்கள் சரியாக வாக்களிக்கவில்லை என்று அப்பகுதி மக்களின் கோரிக்கைகளை புறக்கணித்து வருகிறார்.

இதனைத் தொடர்ந்து நிலையூர் பகுதி மக்கள் சாலையை புதிப்பிக்க மனு கொடுத்தும் நிராகரிக்கப்பட்ட வேளையில் அப்பகுதியில் உள்ள திருப்பரங்குன்றம் ஒன்றிய கழகச் செயலாளரும், ஒன்றிய கவுன்சிலராக நிலையூர் முருகனிடம் மக்கள் கோரிக்கை வைத்தனர்.

இதனைத் தொடர்ந்து மக்களின் கோரிக்கைகளை மதுரை புறநகர் கிழக்கு மாவட்டச் செயலாளரும், சட்டமன்ற உறுப்பினரான வி.வி.ராஜன் செல்லப்பாவிடம் நிலையூர் முருகன் மனுவாக அளித்தார்.

இதனைத்தொடர்ந்து முதலமைச்சர், துணை முதலமைச்சர் ஆகியோரின் கவனத்திற்கு மாவட்ட கழக செயலாளர் வி.வி.ராஜன் செல்லப்பா எடுத்து சென்றார். அதன்படி உடனடியாக தீர்வு கண்டு தற்போது 1 கோடியே 40 லட்ச ரூபாய் மதிப்பில் ரெண்டு கிலோ மீட்டர் வரை நிலையூர் இருந்து திருப்பரங்குன்றம் செல்லும் சாலை அகலபடுத்தப்பட்டு சீரமைக்கப்பட்டு வருகிறது.

இதனைத் தொடர்ந்து அப்பகுதி மக்கள் எங்கள் கோரிக்கையை நிறைவேற்றி தந்த முதலமைச்சர், துணை முதலமைச்சருக்கும், இதற்கு பரிந்துரை செய்த மாவட்ட கழக செயலாளர் ராஜன் செல்லப்பா எம்.எல்.ஏ.வுக்கும் நன்றியை தெரிவித்துக் கொள்வதோடு வருகின்ற தேர்தலில் இரட்டை இலைக்கு மகத்தான வெற்றியை பரிசாக கொடுப்போம் என்று கூறினர்.