தி.மு.க. கொடியை மாற்றம் செய்து விட்டார்களோ -சமூக வலைத்தளங்களில் வைரல்

கோவை,

தமிழக முதல்வர் ஸ்டாலின் இன்று 24-ம் தேதி பொள்ளாச்சி வருவதையொட்டி அவரை வரவேற்பதற்காக கோவை தெற்கு மாவட்ட பொறுப்பாளர் வரதராஜன் வரவேற்பு போஸ்டர் அடித்துள்ளார். அதில் திமுக கட்சியினுடைய கொடி தலைகீழாக பிரிண்ட் செய்யப்பட்டுள்ளது. இதுகூட கவனிக்காமல் பொள்ளாச்சி நகரெங்கும் போஸ்டர் ஒட்டப்பட்டுள்ளது.

திமுகவின் கட்சிக்கொடியை சரியாக பிரிண்ட் செய்யாமல் உள்ளதையே கவனிக்காத திமுகவினர் இவர்கள் எப்படி தமிழக மக்களுக்கு நலத் திட்டங்களையும் முன்னேற்றத்திற்கும் பாடுபடுவார்கள் என பொதுமக்கள் கேலியாக பேசி செல்கின்றனர்.

மேலும் போஸ்டரில் திமுகவின் கட்சி கொடியை தலைகீழாக பிரிண்ட் செய்யப்பட்டுள்ளது படம் சமூக வலைத்தளங்களில் கேலியும் கிண்டலுக்கும் உள்ளாகி வருவது குறிப்பிடத்தக்கது.

இந்த போஸ்டரை பார்த்த சிலர் தி.மு.க. கட்சி கொடியை மாத்திட்டாங்கா என்ன என்று காமாண்ட் செய்து விட்டு செல்வதை கேட்க முடிந்தது. கட்சி கொடி எப்படி இருக்கும் என்பது தெரியாமல் இருக்கும் தொண்டர்களை வைத்து கட்சி நடத்துகிறார்கள். அது கட்சியாக இருந்தால் தானே தெரிந்திருக்கும். அது குடும்ப கம்பெனி அல்லவா என்றும் மக்கள் ஜாலியாக பேசிவிட்டு செல்கிறார்கள்.