தற்போதைய செய்திகள்

மக்களின் குறைகளை தீர்க்க பாடுபடுவோம்-வி.வி.ராஜன்செல்லப்பா எம்.எல்.ஏ. உறுதி

மதுரை,

மக்களின் குறைகளை தீர்க்க பாடுபடுவோம் என்று வி.வி.ராஜன் செல்லப்பா எம்.எல்.ஏ. உறுதி அளித்தார்.

மதுரை மாவட்டம் திருப்பரங்குன்றம் தாலுகா சாமநத்தம் பகுதியில் கழிவுநீர் வடிகால் மற்றும் சிமெண்ட் சாலை, பேவர் பிளாக் சாலை அமைக்க வேண்டும் என பொதுமக்கள் கோரிக்கை விடுத்திருந்தனர்.

இதனைத் தொடர்ந்து வி.வி.ராஜன்செல்லப்பா எம்.எல்.ஏ. பரிந்துரையின் பேரில் கடந்த அம்மா அரசின் போது எடப்பாடியார், மகாத்மா காந்தி தேசிய ஊரக வேலை திட்டத்தின் கீழ் நிதி ஒதுக்கி பணிகள் நடைபெற்று வருகிறது. இப்பணிகளை திருப்பரங்குன்றம் தொகுதி சட்டமன்ற உறுப்பினர் வி.வி.ராஜன் செல்லப்பா நேரில் பார்வையிட்டு ஆய்வு செய்தார்.

பின்னர் அவர் செய்தியாளர்களிடம் கூறியதாவது:-

ரூ.16 லட்சம் ம திப்பீட்டில் கழிவு நீர் வடிகால், சிமெண்ட் சாலை மற்றும் பேவர் பிளாக் கல் பதிக்கும் பணிகள் நடைபெற்று வருகின்றன. இப்பணிகளை விரைந்து முடிக்க அறிவுறுத்தப்பட்டுள்ளது. தொகுதி மக்களின் குறைகளை தீர்க்க பாடுபடுவேன். இது தொடர்பாக மக்களிடம் மனுக்களை பெற்று உரிய நடவடிக்கை எடுக்கப்படும்.

இவ்வாறு அவர் கூறினார்.