தற்போதைய செய்திகள்

அயப்பாக்கம் காவல்நிலையம் புனரமைப்பு பணி – அமைச்சர் பா.பென்ஜமின் தொடங்கி வைத்தார்

அம்பத்தூர்

அயப்பாக்கம் காவல் நிலையம் புனரமைக்கும் பணியை அமைச்சர் பா.பென்ஜமின் பூமி பூஜை செய்து துவக்கி வைத்தார் வைத்தார்.

திருவள்ளூர் மாவட்டம் மதுரவாயல் சட்டமன்ற தொகுதிக்குட்பட்ட அயப்பாக்கம் முதல் நிலை ஊராட்சியில் தமிழ்நாடு வீட்டு வசதி வாரிய வீட்டு மனை பிரிவில் கடந்த 18 வருடத்திற்கு முன் காவல் நிலையத்திற்கு என கட்டிடம் கட்டப்பட்டு தற்போது வரை செயல்படாமல் உள்ளது. தமிழ்நாடு வீட்டு வசதி வாரியம் குடியிருப்பு பகுதி 26 வருடங்களுக்கு முன் அப்போதைய முதல்வர் புரட்சித்தலைவர் எம்.ஜி.ஆரின் சீரிய முயற்சியில் அமைக்கப்பட்டது.

அப்பொழுது மக்கள் பயன்பாட்டிற்கு என பள்ளி, கல்லூரி, சினிமா, காய்கறி சந்தை பொழுதுபோக்கு பூங்கா என தனித்தனி இடங்கள் ஒதுக்கப்பட்டுள்ளது அதில் காவல் நிலையத்திற்கு என வடிவமைக்கப்பட்ட கட்டிடம் கட்டப்பட்டு தற்போது வரை உபயோகப்படுத்தாமல் உள்ளது. மேலும் தற்போது 1.50 லட்சம் மக்கள் தொகை உள்ள அயப்பாக்கம் வீட்டுவசதி வாரிய பகுதி அயப்பாக்கம் கிராமம் என தனியாக உள்ளது.

இப்பகுதி மக்கள் அயப்பாக்கம் காவல் நிலையத்தை மக்கள் பயன்பாட்டிற்கு கொண்டு வர பல ஆண்டுகளாக அரசுக்கு கோரிக்கை வைத்தனர் இதையடுத்து திருவள்ளூர் மத்திய மாவட்ட கழக செயலாளரும் ஊரகத் தொழில் துறை அமைச்சருமான பா.பென்ஜமின் தமிழக முதல்வர் எடப்பாடி கே.பழனிசாமிக்கு கோரிக்கையாக வைத்தார். இதையடுத்து உடனடியாக கோரிக்கையை நிறைவேற்றும் வகையில் முதலமைச்சர் எடப்பாடி கே.பழனிசாமி, துணைமுதலமைச்சர் ஓ.பன்னீர்செல்வம் ஆகியோரின் ஆணைக்கிணங்க தற்பொழுது 18 வருடங்கள் பழமையான இந்த கட்டிடத்தை சரி செய்யும் பணியில் பஞ்சாயத்து ஊழியர்கள் தமிழ்நாடு வீட்டு வசதி வாரியம் சார்பில் மேற்கொள்ளப்பட்டு வருகிறது. முழுவீச்சில் பணிகள் துவங்கியுள்ளனர்.

இதற்காக ஊரகத் தொழில்துறை அமைச்சர் பா.பென்ஜமின் பூமிபூஜை செய்து பணிகளை துவக்கி வைத்தார் இதையடுத்து தமிழக முதலமைச்சர் எடப்பாடி கே.பழனிசாமி, துணைமுதலமைச்சர் ஓ.பன்னீர்செல்வம் மற்றும் தொகுதியின் சட்டமன்ற உறுப்பினர் ஊரகத் தொழில்துறை அமைச்சர் பா.பென்ஜமினுக்கும்அயப்பாக்கம் கிராம மக்கள் தங்களது நெஞ்சார்ந்த நன்றியினை தெரிவித்துக் கொண்டுள்ளனர்