பெரம்பலூர்

பெரம்பலூரில் ஆட்டோ ஓட்டுநர்களுக்கு நிவாரணம் – ஆர்.டி.இராமச்சந்திரன் எம்.எல்.ஏ வழங்கினார்

பெரம்பலூர்

பெரம்பலூரில் 250க்கும் மேற்பட்ட சென்னை ஆட்டோ ஓட்டுனர்களுக்கு நிவாரணஉதவிகளை குன்னம் தொகுதி சட்டமன்ற உறுப்பினர் ஆர்.டி இராமச்சந்திரன் வழங்கினார்.

தமிழகம் முழுவதும் கொரோனா வைரஸ் நோய் தொற்று முன்னெச்சரிக்கை நடவடிக்கையாக ஊரடங்கு உத்தரவு அமலில் உள்ளது. இந்நிலையில் பெரம்பலூர் மாவட்டம் குன்னம் சட்டமன்ற தொகுதி வேப்பூர் வடக்கு ஒன்றியத்திற்குட்பட்ட ஆண்டிக்குரும்பலூர் , பரவாய், வைத்தியநாதபுரம், சிறுகன்பூர், குரும்பபாளையம் ஆகிய கிராமங்களை சேர்ந்த 250க்கும் மேற்பட்டோர் சென்னையில் ஆட்டோ ஓட்டி வருகின்றனர்.

கொரோனா வைரஸ் நோய் தொற்று காரணமாக சொந்த ஊர் வந்த ஆட்டோ ஓட்டுநர்கள் வேலை இன்றி சிரமப்பட்டு வந்தனர். இதனையறிந்த பெரம்பலூர் மாவட்ட கழக செயலாளரும், குன்னம் சட்டமன்ற உறுப்பினருமான ஆர்.டி.இராமச்சந்திரன் தாமாகவே முன்வந்து 250க்கும் மேற்பட்ட ஆட்டோ ஓட்டுநர்களுக்கு தலா 10 கிலோ அரிசி மற்றும் 500 ரூபாய் ரொக்கம் ஆகியவற்றை நிவாரணமாக பெரம்பலூர் மாவட்ட தலைமைக்கழக அலுவலகத்தில் வழங்கினார்.

இந்நிகழ்ச்சியில் வேப்பூர் வடக்கு ஒன்றிய கழக செயலாளர் செல்வமணி, ஒன்றிய பொருளாளர் வெற்றிசெல்வன், ஒன்றிய துணை செயலாளரும், அரசு கூடுதல் வழக்கறிஞருமான செந்தில்ராஜன், ஒன்றிய இணை செயலாளர் அமுதா கொளஞ்சிநாதன், மேலவை பிரதிநிதி சின்ன பிள்ளை இளங்கோவன், கார்த்திக் பூவை செழியன், கிளை செயலாளர்கள், சிலம்பரசன், செல்ல கருப்பு, குமார், தொட்டி, மகேந்திரன், ரமேஷ், அருணாசலம், சீமான், தண்டபாணி உள்ளிட்ட பலர் கலந்து கொண்டனர்.