தற்போதைய செய்திகள்

65 வயதிற்கு மேல், 10 வயதிற்கு கீழ் உள்ளவர்கள் கோவில்களுக்கு வருவதை தவிர்க்க வேண்டும் – அமைச்சர் சேவூர் எஸ்.இராமச்சந்திரன் வேண்டுகோள்

திருவண்ணாமலை

65 வயதிற்கு மேல் உள்ளவர்களும், 10 வயதிற்கும் கீழ் உள்ளவர்கள் என்று இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் ஆய்வு செய்தார்.

தமிழக அரசு பல்வேறு தளர்வுகளை அறிவித்தது. இதில் கோவில்கள் திறக்கப்படுவதையும் அறிவித்த நிலையில் கோவில்களில் பல்வேறு விதிமுறைகளுடன் பக்தர்கள் சுவாமி தரிசனம் செய்ய வேண்டும் என உத்தரவிட்டது.

திருவண்ணாமலை மாவட்டம் ஆரணி அடுத்த முனுக்கப்பட்டில் உள்ள இந்து சமய அறநிலையத்துறை கட்டுப்பாட்டில் உள்ள பச்சையம்மன் ஆலயமும் 1-ம்தேதி பக்தர் தரிசனத்திற்கு அனுமதியளித்தனர். இந்நிலையில் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் பச்சையப்பன் ஆலயத்திற்கு சென்று அரசு விதிகளை பின்பற்றுகிறார்களா என ஆய்வு செய்தார்.

அப்போது அமைச்சர் சேவூர் எஸ்.இராமச்சந்திரன் செய்தியாளர்களிடம் கூறியதாவது:-

கடந்த 5மாதமாக கொரோனா வைரஸ் பரவாமல் இருக்க ஆலயங்களில் பொதுமக்கள் தரிசனம் தடை செய்யப்பட்டிருந்தது இந்நிலையில் அரசின் பொதுமுடக்க தளர்வின் படி ஆலயத்திலும் பொதுமக்கள் சுவாமி தரிசனத்திற்கு அனுமதி என்று அறிவித்து மேலும் ஆலயத்திற்கு வரும் பக்தர்கள் கட்டம் போட்டுள்ளவாறு சுவாமியை தரிசனம் செய்ய செல்ல வேண்டும்.

பக்தர்கள் தெர்மல் ஸ்கேனர் மூலம் சோதனை செய்யப்பட்ட பின்பே அனுமதிக்கப்படுவர், பக்தர்கள் கிருமிநாசினி மூலம் கைகளை சுத்தம் செய்தபின்னர் தான் ஆலயத்திற்குள் அனுமதிக்கப்படுவர். கால்களை கழுவிக்கொண்டு செல்ல வேண்டும். பக்தர்கள் கட்டாயம் முக கவசம் அணிய வேண்டும். கோவில்களில் உள்ள சுவாமிகளை தொடக்கூடாது. பக்தர்கள் தேங்காய் பூ கொண்டு வருவதை தவிர்க்க வேண்டும். 65 வயதிற்கு மேல் உள்ளவர்களும். 10 வயதிற்குள் இருப்பவர்களும் கோவில்களுக்கு வருவதை தவிர்க்க வேண்டும்.

இவ்வாறு அமைச்சர் சேவூர் எஸ்.இராமச்சந்திரன் கூறினார்.

இந்த ஆய்வின்போது மேற்கு ஆரணி ஒன்றிய செயலாளர்கள் வக்கீல் க.சங்கர், கொளாத்தூர் திருமால், மாவட்ட ஆவின் துணைத்தலைவர் பாரி பி.பாபு, செய்யாறு ஒன்றிய செயலாளர்கள் அரங்கநாதன். எம்.மகேந்திரன், முனுகப்பட்டு பாஸ்கர், கோவில் அதிகாரி திவாகர் ஆகியோர் உடனிருந்தனர்.