திருவண்ணாமலை

பல்வேறு கட்சிகளில் இருந்து 200க்கும் மேற்பட்டோர் பேர் விலகி வி.பன்னீர்செல்வம் எம்.எல்.ஏ முன்னிலையில் கழகத்தில் இணைந்தனர்

திருவண்ணாமலை

கலசப்பாக்கம் ஒன்றியம் காப்பலூர் பகுதியில் நடைபெற்ற கிளை கழகங்களுக்கு நிதியுதவி வழங்கும் நிகழ்ச்சியில் பல்வேறு கட்சிகளிலிருந்து விலகி 200க்கும் மேற்பட்டோர் அந்தந்த கட்சிகளில் இருந்து விலகி வி.பன்னீர்செல்வம் எம்எல்ஏ முன்னிலையில் கழகத்தில் இணைந்தனர்.

திருவண்ணாமலை மாவட்டம் கலசப்பாக்கம் சட்டமன்ற தொகுதியில் உள்ள 495 கிளை கழகங்களுக்கும் தலா 5000 ரூபாய் நிதியுதவியை வி.பன்னீர்செல்வம் எம்எல்ஏ வழங்கி வருகிறார். நேற்று காப்பலூர் பகுதியில் 35 கிளை கழகங்களுக்கு தலா 5000 ரூபாய் வழங்கும் நிகழ்ச்சி நடைபெற்றது. இதில் வி.பன்னீர்செல்வம் எம்எல்ஏ பங்கேற்று 35 கிளை கழகங்களுக்கு தலா 5000 ரூபாய் வீதம் வழங்கினார்.

இந்நிகழ்ச்சியில் அப்பகுதியை சேர்ந்த முஸ்லீம்கள் உட்பட 200பேர் பல்வேறு கட்சிகளிலிருந்து விலகி வி.பன்னீர்செல்வம் எம்எல்ஏ முன்னிலையில் கழகத்தில் இணைந்தனர்.

இந்நிகழ்ச்சியில் பன்னீர் செல்வம் எம்எல்ஏ பேசுகையில், தமிழக முதல்வரும், துணை முதல்வரும் மக்களின் தேவைகளை அறிந்து திட்டங்களை செயல்படுத்தி வருகின்றனர். கலசப்பாக்கம் தொகுதியில் வரும் சட்டமன்ற தேர்தலில் யார் வேட்பாளராக நிற்கிறார்களோ அவரை தமிழகத்திலேயே அதிகப்படியான வாக்கு வித்தியாசத்தில் வெற்றி பெறசெய்ய வேண்டும், கழக அரசின் சாதனைகளை மக்களிடம் எடுத்து சென்று நம் வெற்றியை உறுதி செய்ய வேண்டும், கலசப்பாக்கம் தொகுதி என்றும் அதிமுகவின் கோட்டை என்பதை நிருபிக்க வேண்டும். முஸ்லீம்கள் உட்பட 200க்கும் மேற்பட்டவர்கள் கழகத்தில் இணைந்தது மகிழ்ச்சியளிக்கிறது.

மேலும் இளைஞர் இளம்பெண்கள் பாசறையில் அதிக அளவில் உறுப்பினர்கள் சேர்ந்து கழகப் பணியாற்றுங்கள். வரும் தேர்தலில் பூத் கமிட்டி அமைக்க கழகம் ஆணையிட்டதின் பேரில் தொகுதி முழுவதும் பாசறை சார்பில் உறுப்பினர்களை சேர்த்து பூத் கமிட்டி அமைத்து வருகிறோம். இப்பகுதியிலும் ஏராளமானோர் பாசறையில் உறுப்பினர்களாக சேர்ந்திருப்பது மகிழ்ச்சியளிக்கிறது என்றார்.

நிகழ்ச்சியில் ஒன்றிய செயலாளர் திருநாவுக்கரசு, பொதுக்குழு உறுப்பினர் பொய்யாமொழி, அவைத்தலைவர் கருணாமூர்த்தி, ஊராட்சி தலைவர்கள் செல்வராஜ், சண்முகப்பிரியா, அருள், முருகன், கூட்டுறவு சங்கத்தலைவர் பத்மாவதி ஜீவரத்தினம் உள்ளிட்டோர் கலந்து கொண்டனர்.