கன்னியாகுமரி

சொந்தநிதி ரூ.2.50 லட்சம் செலவில், கட்டப்பட்ட எம்.ஜி.ஆர் இல்லம் – மீனவரிடம், என்.தளவாய்சுந்தரம் வழங்கினார்

கன்னியாகுமரி

தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் கன்னியாகுமரி மாவட்டம், மணக்குடியில் தனது சொந்தநிதி ரூ.2.50 லட்சம் செலவில், கட்டப்பட்ட எம்.ஜி.ஆர் இல்லத்தை, மீனவருக்கு ஒப்படைத்தார்.

கன்னியாகுமரி மாவட்டம், ராஜாக்கமங்கலம் ஊராட்சி ஒன்றியம், மணக்குடி ஊராட்சி பகுதியை சார்ந்த, எம்.ஜி.ஆரின் தீவிர விசுவாசியும், கழக அடிமட்ட தொண்டருமான மீனவர் ப.கிறிஸ்டோபரின் வீடு பழுதடைந்து, இடிந்த நிலையில் இருந்தது. அதனை அப்பகுதியை சேர்ந்த கழக மாவட்ட மீனவரணி செயலாளர், ராஜாக்கமங்கலம் ஒன்றிய கழக பொருளாளர், மணக்குடி ஊராட்சி கழக பொறுப்பாளர் ஆகியோர், தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் கவனத்திற்கு எடுத்துச் சென்று, மீனவர் ப.கிறிஸ்டோபருக்கு வீடு கட்டி, கொடுக்க வேண்டுமென கோரிக்கை வைத்தனர்.

இக்கோரிக்கையினை, தமிழ்நாடு அரசின் டெல்லி சிறப்புப் பிரதிநிதி என்.தளவாய்சுந்தரம் , ஏற்று, மீனவர் ப.கிறிஸ்டோபரின் வீட்டை நேரில் சென்று பார்வையிட்டு, தனது சொந்த நிதியிலிருந்து வீடு கட்டி தருவேன் என வாக்குறுதி அளித்திருந்தார்.

அதனடிப்படையில், தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம், தனது சொந்த நிதியிலிருந்து, ரூ.2.50 லட்சம் செலவில் மணக்குடி மீனவர் கிராமத்தில் புதிதாக கட்டி கொடுக்கப்பட்டுள்ள, ‘ எம்.ஜி.ஆர் இல்ல”- த்தை மணக்குடி மீனவ நண்பர் ப.கிறிஸ்டோபருக்கு, நேரில் வழங்கினார்.

அப்போது அவர் பேசியதாவது:-

மீனவ நண்பன், புரட்சித்தலைவர் பாரத ரத்னா டாக்டர் எம்.ஜி.ஆர் வழியில், புரட்சித்தலைவி அம்மா அவர்களின் நல்லாசியுடன் நமது இயக்கம், முதலமைச்சர், துணை முதலமைச்சர் வழிகாட்டுதலின்படி சீரோடும், சிறப்போடும் நடைபெற்று கொண்டிருக்கிறது. மீனவர்களுக்கு உற்ற தோழனாக செயல்பட்டு வந்த புரட்சித்தலைவர் பாரதரத்னா டாக்டர் எம்.ஜி.ஆரின் நினைவாக, கட்டப்பட்டுள்ள எம்.ஜி.ஆர் இல்லத்தினை நான் நமது கழகத்தை சார்ந்த, மூத்த உறுப்பினர் ப.கிறிஸ்டோபருக்கு வழங்குவதில் நான் மகிழ்ச்சியடைகிறேன்.

உள்ளாட்சி தேர்தலுக்கு முன்பாக, இப்பகுதியில் இருக்ககூடிய உறுப்பினர்கள் அனைவரும் ஒன்று சேர்ந்து, மணக்குடி மீனவர் கிராமத்தில் வசித்து வரும் நண்பர் ப.கிறிஸ்டோபர், மனைவி இழந்து, குழந்தைகள் இல்லாமல் பாழடைந்துள்ள கட்டிடத்தில் இருக்கிறார்கள் என்று என்னிடம் தகவல் கூறி, அதனடிப்படையில், கழக முன்னோடி மீனவர் ப.கிறிஸ்டோபருக்கு, வீடு கட்டி தர வேண்டுமென்ற கோரிக்கையை வைத்தனர்.

ஊராட்சி மன்றம் வாயிலாக பசுமை வீடு திட்டத்தின்கீழ், மீனவர் ப.கிறிஸ்டோபருக்கு, வீடு கட்டி தர ஏற்பாடு செய்யலாம் என்று கூறினார்கள். பசுமை வீடு திட்டத்தின்கீழ், வீடு கட்டி கொடுப்பதற்கு, காலதாமதமாகும் என்பதை நாங்கள் அறிந்தோம். அப்போதைய சூழ்நிலையில், ப.கிறிஸ்டோபர், மனைவியை இழந்து தனியாக, மிகவும் வறுமையான சூழ்நிலையில் பழுதடைந்துள்ள இந்த வீட்டில் வசித்து வருகிறார் என்பதை நாங்கள் பார்வையிட்டபோது, அறிய முடிகிறது.

அப்போது, நமது கழக நிர்வாகிகள் அனைவரும் என்னிடம், நீங்கள் நிறைய நல்ல விஷயங்கள் செய்து வருகிறீர்கள், அதனடிப்படையில், ஒட்டுமொத்த இப்பகுதி மீனவ சமுதாயத்தின் சார்பில், இவர் ஒருவருக்கு வீடு கட்டி தந்தால், அது எங்களுக்கெல்லாம் வீடு கட்டியது போல் இருக்கும் என அனைவரும் என்னிடம் மனமார கோரிக்கை வைத்தார்கள்.
அப்போது. தெங்கம்புதூர் பேரூர் கழக செயலாளர் சி.முத்துகுமார் வீடு கட்டி கொடுப்பதற்கான, முழு பொறுப்பினையும் தானே எடுத்துக்கொள்வதாக கூறி, இதனை கட்டி முடித்துள்ளார்.

1972-ல் ஆரம்பித்த இந்த இயக்கத்தின் சமுதாய பணியினை, இந்தியாவில் எந்த ஒரு இயக்கமும் தொடர்ந்து செய்ததாக வரலாறு இல்லை. அனைத்திந்திய அண்ணா திராவிட முன்னேற்றக் கழகத்தின் ஒவ்வொரு தொண்டனும், தனது மூச்சு இருக்கும்வரை எம்.ஜி.ஆர் என்று மட்டுமே சொல்லக்கூடிய அளவிற்கு, மாபெரும் தலைவர் பெயரில், எம்.ஜி.ஆர் இல்லம் என்று வைக்க வேண்டும் என்று கோரிக்கை வைத்தார்கள். அதனடிப்படையில், இன்று எம்.ஜி.ஆர். இல்லம் திறப்பு விழாவில் நான் கலந்து கொள்வதில் மகிழ்ச்சியடைகிறேன்.

எம்.ஜி.ஆர் இல்லம் கட்டுவதற்கு, அனைத்து உறுப்பினர்களும் ஒற்றுமையாக இருந்ததுபோல், அரசின் திட்டங்களை, அதன் பலன்களை எந்தவொரு இடையூறு இல்லாமல் பெற்று, மக்களின் வாழ்வாதாரத்தை உயர்த்துவதில், இந்த ஒற்றுமை ஓங்க வேண்டும். இதன் வாயிலாக, நமது இயக்க உறுப்பினர்கள் ஒற்றுமையாக அனைவருக்கும் முன்மாதிரியாக, இருக்க வேண்டும்.

இந்த நல்ல நேரத்தில், பாரதரத்னா புரட்சித்தலைவர் டாக்டர் எம்.ஜி.ஆர் அவர்களை மனதார, வணங்குகிறேன். பாரதரத்னா புரட்சித்தலைவர் எம்.ஜி.ஆர் இல்லையென்றால் நான் இல்லை, அவர் இல்லையென்றால் இந்த இயக்கம் இல்லை, அவர் இல்லையென்றால் இரட்டை இலை சின்னம் இல்லை, அவர் இல்லையென்றால் கழக கொடி இல்லை, கழக இயக்கத்தில் இருக்கும் ஒவ்வொரு தனிப்பட்ட மனிதனும், தொண்டனும், சட்டமன்ற உறுப்பினராக, நாடாளுமன்ற உறுப்பினராக, அமைச்சராக, ஏன் முதலமைச்சராக கூட ஆக முடியும்.

பாரதரத்னா புரட்சித்தலைவர் அவர்களால் துவங்கப்பட்ட, அ.இ.அ.தி.மு.க – இயக்கத்தினுடைய ஆட்சி தற்போது நடைபெற்று கொண்டிருக்கிறது. கழக தொண்டர்கள் அனைவரும் எம்.ஜி.ஆர் வழிகாட்டுதலின்படி, கொள்கையின்படி, வாழ்க்கையில் நாம் நமது நிலைமையை ஒருபோதும் மறந்துவிடக் கூடாது. 1972- ல் தொடங்கிய இந்த இயக்கம் எம்.ஜி.ஆர் பிறந்தநாள் நூறு ஆண்டுகள் கழிந்த பிறகும், ஒரு தொண்டன் தன்னுடைய இல்லத்திற்கு எம்.ஜி.ஆர் இல்லம் என்று இந்த பெயரை வைக்க வேண்டும் என்று, ஆசைப்படுகிறார்கள். ஆகவே, பாரத ரத்னா புரட்சித்தலைவர் டாக்டர் எம்.ஜி.ஆர் அவர்களின் பெயர் இன்னும் பல நூறு ஆண்டுகளுக்கு தொடர வேண்டும், அன்னாரின் புகழ் ஓங்க வேண்டும்.

இவ்வாறு தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் தெரிவித்தார்.

நிகழ்ச்சியில், மாவட்ட ஊராட்சி உறுப்பினர் எம்.ஜாண்சிலின் விஜிலா வரவேற்புரையாற்றினார்.

எம்.ஜி.ஆர் இல்லத்தை பெற்றுக்கொண்ட மீனவர் ப.கிறிஸ்டோபர், தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரத்துக்கு நன்றி தெரிவிக்கையில், வாயால் சொல்ல வார்த்தைகள் இல்லை, தமிழ்நாடு அரசின் டெல்லி சிறப்புப் பிரதிநிதி என்.தளவாய்சுந்தரத்ை்த வணங்குகிறேன். இதுபோன்ற உதவிகளை மீனவர்களுக்கு, குறிப்பாக என்னைபோல் பாதிக்கப்பட்டவர்களுக்கு அவர் மேலும் உதவி செய்ய வேண்டும் என்று கடவுளை வணங்கி கொள்கிறேன் என கூறினார்.