தற்போதைய செய்திகள்

அமைச்சர் சேவூர் எஸ்.இராமச்சந்திரன், தூசி கே.மோகன் எம்.எல்.ஏ முன்னிலையில் இளைஞர், இளம்பெண்கள் பாசறையில் 1500 பேர் இணைந்தனர்

திருவண்ணாமலை

திருவண்ணாமலை மாவட்டம் ஆரணி அடுத்த தேவிகாபுரம், தச்சூர் ஆகிய கிராமங்களில் 1500 பேர் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன், மாவட்ட கழக செலயலாளர் தூசி கே.மோகன் ஆகியோர் முன்னிலையில் இளைஞர் இளம்பெண்கள் பாசறையில் இணைந்தனர்.

தமிழக முதல்வர், துணைமுதல்வர் ஆகியோரின் ஆணைக்கிணங்க இளைஞர் இளம்பெண்கள் பாசறை அமைப்பில் உறுப்பினர் சேர்க்கை ஆரணி சட்டமன்ற தொகுதியில் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் முன்னிலையில் நடைபெற்று வருகிறது.

இந்நிலையில் திருவண்ணாமலை மாவட்டம் ஆரணி சட்டமன்ற தொகுதி மேற்கு ஆரணி தெற்கு ஒன்றியம் சார்பில் தேவிகாபுரம், தச்சூர் ஆகிய பகுதிகளில் உள்ள 13 பூத்துகள் சார்பில் இளைஞர் இளம்பெண்கள் பாசறை சார்பில் உறுப்பினர் சேர்க்கை நடைபெற்றது. இதில் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன், மாவட்ட கழக செயலாளர் தூசி கே.மோகன் எம்.எல்.ஏ ஆகியோர் சிறப்பு விருந்தினர்களாக பங்கேற்றனர். நிகழ்ச்சிக்கு மேற்கு ஆரணி ஒன்றிய செயலாளர் வக்கீல் க.சங்கர் தலைமை தாங்கினார்.

இதில் தேவிகாபுரம் தச்சூர் ஆகிய பகுதிகளிலிருந்து 1500 பேர் அமைச்சர் சேவூர் எஸ்.இராமச்சந்திரன், மாவட்ட செயலாளர் தூசி கே.மோகன் எம்.எல்.ஏ ஆகியோர் முன்னிலையில் பாசறையில் இணைந்தனர்.

நிகழ்ச்சியில் அமைச்சர் சேவூர் எஸ்.இராமச்சந்திரன் பேசியதாவது: –

தமிழகத்தில் முதல்வர், துணை முதல்வர் ஆகியோரின் தலைமையில் சிறப்பான ஆட்சி நடைபெற்று வருகிறது, மக்களின் தேவைகளை அறிந்து பல்வேற திட்டங்களை செயல்படுத்தி வருகின்றனர். தேவிகாபுரம் பகுதியில் சுமார் 15 கோடி ரூபாய் மதிப்பீட்டில் வளர்ச்சி திட்டப்பணிகள் செய்யப்பட்டுள்ளது. அம்மன் ஆலயத்திற்கு ரூ.25 லட்சம் மதிப்பீட்டில் புதியதாக தேர்வு செய்து தரப்பட்டுள்ளது.

மகளிர் மேல்நிலைப்பள்ளிக்கு 1.5 கோடி ரூபாய் மதிப்பீட்டில் பள்ளி கட்டடம், ஆண்கள் மேல்நிலைப்பள்ளிக்கு 1.5 கோடி ரூபாய் மதிப்பீட்டில் கட்டடம், சந்தை வளாகம் 45 லட்சம் ரூபாய் மதிப்பீட்டில் கட்டப்பட்டுள்ளது. காட்டங்குளம் பூங்கா 25 லட்சம் ரூபாய் மதிப்பில் புதுப்பிக்கப்பட்டுள்ளது, காட்டாங்குளத்தில் இரண்டு புதிய மேல்நிலைநீர் தேக்கதொட்டி கட்டப்பட்டுள்ளன. கூட்டுறவு நியாயவிலைக்கடை கட்டப்பட்டு திறக்கப்பட்டது. அங்கன்வாடி பள்ளிக் கட்டடம், மேலும் சமுதாய கூடம் கட்டப்பட்டுள்ளது. பல்வேறு பணிகள் இப்பகுதியில் செய்யப்பட்டுள்ளது.

மேலும் ஆரணி சட்டமன்ற தொகுதியில் எண்ணற்ற வளர்ச்சி திட்டப்பணிகள் செய்யப்பட்டுள்ளது. புதியதாக பாசறையில் சேர்ந்துள்ள இளைஞர் மற்றும் இளம்பெண்களை வரவேற்கிறோம். வரும் சட்டமன்ற தேர்தலில் உங்கள் பணி முக்கியமானது உங்களை வைத்து தான் பூத் கமிட்டி அமைக்கிறோம். ஆகையால் கழகத்திற்கு சிறப்பாக செயல்படுங்கள். என்றும் கழகத்தால் உங்களுக்கு நன்மை உண்டு.

இவ்வாறு அமைச்சர் சேவூர் எஸ்.இராமச்சந்திரன் பேசினார்.

பின்னர் தூசி கே.மோகன் எம்.எல்.ஏ. பேசியதாவது:-

திருவண்ணாமலை வடக்கு மாவட்டத்தில் உள்ள ஆரணி, செய்யாறு, கலசப்பாக்கம், வந்தவாசி, ஆகிய நான்கு தொகுதிகளிலும் இளைஞர் மற்றம் இளம்பெண்கள் பாசறையில் உறுப்பினர் சேர்க்கை பணி நடைபெற்று வருகிறது, ஆரணி சட்டமன்ற தொகுதி மேற்கு ஆரணி ஒன்றியம் தெற்கு பகுதியை சேர்ந்த தேவிகாபுரத்தில் உறுப்பினர் சேர்க்கை பணி நடைபெற்று வருகிறது. இன்று மட்டும் 1500 பேருக்கு மேல் உறுப்பினராக சேர்ந்திருப்பது பெருமகிழ்ச்சியளிக்கிறது, குறிப்பாக பெண்கள் ஏராளமானோர் உறுப்பினராக வந்துள்ளீர்கள் வரவேற்கிறோம்.

வரும் தேர்தலில் உங்கள் பணி ரொம்ப முக்கியம் பாசறையில் 18 வயது முதல் 30 வயதுடையவர்கள் மட்டும் உறுப்பினராக சேர வேண்டும், 10ம் வகுப்பு படித்தவராக இருக்க வேண்டும். நீங்கள் உங்கள் பகுதி குறை எதுவாக இருந்தாலும் உடன் எங்கள் கவனத்திற்கு எடுத்து வாருங்கள். உடன் தீர்க்கப்படும், சுறுசுறுப்பாக பணியாற்றுங்கள். உங்களுக்கு எதிர்காலம் உண்டு. கட்சியால் மட்டுமே அங்கீகாரம் நமக்கு கிடைக்கும். ஆகையால் வரும் தேர்தலை மனதில் வைத்து சிறப்பாக செயல்படுங்கள்.

இவ்வாறு தூசி கே.மோகன் எம்.எல்.ஏ. பேசினார்.

முன்னதாக தேவிகாபுரம். தச்சூர் ஆகிய இடங்களில் உள்ள பஸ் நிறுத்தம் பகுதியில் கழக கொடியேற்றப்பட்டு இனிப்பு வழங்கப்பட்டது. நிகழ்ச்சியில் ஒன்றிய செயலாளர்கள் பிஆர்ஜி.சேகர். ஜி.வி.கஜேந்திரன், மாவட்ட கவுன்சிலர் அ.கோவிந்தராசன், நகர செயலாளர் எ.அசோக்குமார், முன்னாள் ஒன்றிய செயலாளர் அரையாளம் எம்.வேலு, மேற்கு ஆரணி ஒன்றியக் குழுத்தலைவர் பச்சையம்மாள் சீனிவாசன், மாவட்ட கழக துணைசெயலாளர் டி.கருணாகரன், முன்னாள் மாவட்ட கவுன்சிலர் ஜெயசங்கரமூர்த்தி, கூட்டுறவு சங்கத்தலைவர் சகாயம், ஒன்றியகுழு உறுப்பினர்கள் கணேசன், ஏழுமலை, தச்சூர் நிர்மல்குமார், தேவிகாபுரம் மணிகண்டன், சீனிவாசன், கல்வியாளர் வந்தவாசி விஜய், உள்ளிட்டோர் கலந்து கொண்டனர்.