தற்போதைய செய்திகள்

தமிழகத்தின் உரிமையை நிலைநிறுத்திய முதலமைச்சர், துணைமுதலமைச்சருக்கு நன்றி கழக அம்மா பேரவை சார்பில் அமைச்சர் ஆர்.பி.உதயகுமார் தீர்மானம் நிறைவேற்றினார்

மதுரை

புரட்சித்தலைவி அம்மாவின் அருளாசியுடன் முதலமைச்சர் மற்றும் துணை முதலமைச்சர் ஆகியோர் ஆணைக்கிணங்க திருமங்கலத்தில் கழக அம்மா பேரவையின் சார்பில் நடைபெற்ற கூட்டத்தில் முதுநிலை மருத்துவ பட்டப்படிப்பில் 50 சகவீத உள் ஒதுக்கீட்டை பாதுகாக்கும் வகையில் உச்சநீதிமன்றத்தில் அம்மா வழியில் சட்டப்போராட்டம் நடத்தி உரிமையை நிலைநிறுத்தி சாதனை படைத்துள்ள அம்மாவின் அரசை தலைமை தாங்கி நடத்தி வரும் முதலமைச்சருக்கும், அவருக்கு உறுதுணையாக இருக்கும் துணை முதலமைச்சருக்கும் கழக அம்மா பேரவை சார்பில் அமைச்சர் ஆர்.பி.உதயகுமார் நன்றி தெரிவித்து தீர்மானத்தை நிறைவேற்றினார்.

மக்களால் நான் மக்களுக்காகவே நான் என்று வாழ்ந்த அம்மாவின் வழியில் தொடர்ந்து தமிழக மக்களின் உரிமைகளைக் காக்கும் அரசாக அம்மாவின் அரசு திகழ்கிறது. முதுநிலை மருத்துவ பட்டம் படிப்பில் 50 சதவீத ஒதுக்கீட்டை பாதுகாக்கும் வகையில் நீதிமன்றத்தில் சட்டப் போராட்டம் நடத்தி உரிமையை நிலைநிறுத்தி சாதனை படைக்கும் வகையில் முதலமைச்சர் இந்த வழக்கில் மூத்த வழக்கறிஞரை நியமித்து உச்ச நீதிமன்றத்தில் வாதாடி முதுநிலை மருத்துவ பட்டப்படிப்பில் தமிழகத்தில் ஏற்கனவே இருக்கும் நடைமுறையில் உள்ள உள் ஒதுக்கீடு முறையே தொடர வேண்டும் என்று ஆணித்தரமாக வாதாடி உச்சநீதிமன்றத்தில் ஒரு வரலாற்று சிறப்புமிக்க தீர்ப்பை அம்மா அரசு பெற்றுத் தந்துள்ளது.

அதில் மாநில அரசு மருத்துவர்களின் உள் ஒதுக்கீடு வழங்குவது முதுநிலை மருத்துவக் கல்வி ஒழுங்கு முறைகளுக்கு எதிரானது அல்ல. மேலும் அரசு மருத்துவர்களுக்கு மாநில அரசுகள் முதுநிலை மருத்துவ பட்டப்படிப்பில் உள் ஒதுக்கீடு வழங்கலாம் என்று வரலாற்று சிறப்புமிக்க தீர்ப்பை பெற்று தந்து உரிமைகளை நிலைநாட்டி இதன்மூலம் ஊரகப்பகுதி மக்கள் மற்றும் மலைவாழ் மக்கள் மற்றும் ஏழை எளிய சாமானிய மக்களுக்கு மருத்துவ சேவையாற்றி வரும் அரசு மருத்துவர்களுக்கு வழங்கப்பட்டு வந்த முதுநிலை மருத்துவ படிப்பில் வழங்கப்பட்டு வந்த உள் ஒதுக்கீட்டை பாதுகாக்கும் வகையில் உச்சநீதிமன்றத்தில் போராடி உரிமையை நிலைநாட்டிய மருத்துவர்களின் பாதுகாவலர், சரித்திரம் போற்றும் சாமானியர் முதலமைச்சருக்கும், அவருக்கு துணையாக நிற்கும் துணை முதலமைச்சருக்கும் கோடான கோடி நன்றியினை உரித்தாக்கி கழக அம்மா பேரவை வணங்குகிறது.

மேலும் இந்தியாவிலே 29 மாநிலங்களில் மக்களின் உயிர்காக்கும் மருத்துவ துறையை முதன்மையாக உருவாக்கும் வண்ணம் தமிழகத்தில் 11 மருத்துவக் கல்லூரிகளை உருவாக்கி, அதனை தொடர்ந்து தென் மாவட்ட தலைநகரமாக திகழும் மதுரையில் எய்ம்ஸ் மருத்துவமனையை உருவாக்கியும், உடல் உறுப்பு மாற்று அறுவை சிகிச்சையில் தமிழகம் தொடர்ந்து தேசிய அளவில் ஐந்து வருடங்களாக விருது பெற்றுவருவதுடன், மேலும் தமிழகத்தில் அரசு மருத்துவமனைகளில் அதிகமான மருத்துவர்கள் மற்றும் செவிலியர்கள் உருவாக்கிட மருத்துவ பணியிட தேர்வாணையம் மூலம் 12,823 மருத்துவர்களும்,14,588 செவிலியர்களும் ஆக மொத்தம் 32,660 மருத்துவ பணியிடங்கள் நிரப்பப்பட்டுள்ளது.

உலகத்தை மிரட்டும் கொரோனா நோயை தடுக்கும் வண்ணம் முதலமைச்சர் பல்வேறு நோய் தடுப்புபணிகளை மேற்கொண்டார். இதன் மூலம் தமிழகத்தில் இந்த நோயினால் இதுவரை 85 சதவீதத்திற்கும் மேல் குணமடைந்து இல்லம் திரும்பி உள்ளனர் என்பதை கழக அம்மா பேரவை பெருமையோடு சுட்டிக்காட்டி மக்களின் நலனை கருத்தில் கொண்டு செயல்பட்டு வரும் மனிதநேயப் பண்பாளர் முதலமைச்சருக்கும் அவருக்கு உறுதுணையாக இருக்கும் துணை முதலமைச்சருக்கும் கழக அம்மா பேரவை மீண்டும் நன்றியை தெரிவித்து கொள்கிறோம் என்று தீர்மானம் நிறைவேற்றப்பட்டது.

அதனைத் தொடர்ந்து அம்மா சேரிடபில் டிரஸ்ட் சார்பில் திருமங்கலம் தொகுதியில் உள்ள 280 பெண்களுக்கு சுயதொழிலை கற்றுத் தரும் வண்ணம் பல்வேறு தொழில் சார்ந்த பயிற்சி வழங்கி தையல் இயந்திரங்களை கழக அம்மா பேரவை செயலாளரும், மதுரை புறநகர் மேற்கு மாவட்ட கழக செயலாளரும் அமைச்சருமான ஆர்.பி.உதயகுமார் வழங்கினார்.

பின்னர் அமைச்சர் ஆர்.பி.உதயகுமார் பேசியதாவது:-

புரட்சித்தலைவி அம்மாவின் திருநாமத்தில் இயங்கும் இந்த டிரஸ்ட் சார்பில் முதலமைச்சர் மற்றும் துணை முதலமைச்சர் ஆகியோரின் நல்வழி காட்டுதல்படி அம்மாவிற்கு என்றைக்கும் அழியாத புகழை உருவாக்கும் வண்ணம் கிராமப்புறங்களில் இருக்கும் பெண்களின் வாழ்க்கையை முன்னேற்றும் வகையில் அவர்களுக்கு சுய தொழிலை கற்றுக் கொடுத்து அதனை தொடர்ந்து அவருக்கு வேண்டிய தொழில் சார்ந்த உபகரணங்களை கடந்த ஒரு ஆண்டு காலமாக வழங்கப்பட்டு வருகிறது.

இதன் மூலம் இந்த ஒரே ஆண்டில் பல ஆயிரக்கணக்கான மக்கள் பயன்பெற்று இன்றைக்கு சுய தொழிலை கற்று அறிந்து அதன் மூலம் சுய தொழிலை செய்து அவரின் வாழ்க்கை மேன்மையடைந்துள்ளது. தொடர்ந்து மக்களை முன்னேற்ற பாதையில் அழைத்துச் செல்லும் வண்ணம் இதுபோன்ற நற்செயல்கள் மூலம் மக்கள் பணிசெய்ய முதலமைச்சர் மற்றும் துணைமுதலமைச்சர் ஆகியோரின் ஆசிகளோடு தொடர்ந்து செயல்படும்.

இவ்வாறு அமைச்சர் ஆர்.பி.உதயகுமார் பேசினார்.

இந்நிகழ்ச்சியில் அம்மா சேரிடபில் டிரஸ்ட் செயலாளர் யு.பிரியதர்ஷினி, இயக்குனர் யு.தனலெட்சுமி, மற்றும் கழக அம்மா பேரவை துணைச் செயலாளர் வெற்றிவேல், மாவட்ட கழக நிர்வாகிகள் ஐயப்பன், திருப்பதி, ஒன்றியக் கழகச் செயலாளர்கள் அன்பழகன் ,ராமசாமி, மகாலிங்கம், மாவட்ட அம்மா பேரவை செயலாளர் தமிழழகன், மாவட்ட வழக்கறிஞர் பிரிவு செயலாளர் தமிழ்செல்வன்,மாவட்ட இளைஞரணி செயலாளர் காசிமாயன், மாவட்ட மீனவர் பிரிவுச் செயலாளர் சரவணன், பேரூர் கழகச் செயலாளர்கள் நெடுமாறன் ,பாலசுப்ரமணி உட்பட பலர் கலந்து கொண்டனர்.