தற்போதைய செய்திகள்

கொரோனா நோய்த்தொற்றை தடுக்க முன் களப்பணியாளர்கள் தீவிர பணியாற்ற வேண்டும் – மாவட்ட செயலாளர் ஆர்.எஸ்.ராஜேஷ் வேண்டுகோள்

சென்னை

கொரோனா நோய்த்தொற்றை தடுக்க முன்களப்பணியாளர்கள் தீவிர பணியாற்ற வேண்டும் என்று வடசென்னை வடக்கு கிழக்கு மாவட்ட கழக செயலாளரும், தமிழ்நாடு நுகர்வோர் கூட்டுறவு இணையத்தின் தலைவருமான ஆர்.எஸ்.ராஜேஷ், வேண்டுகோள் விடுத்துள்ளார்.

ஆர்.கே.நகர் தொகுதிக்குட்பட்ட தண்டையார்பேட்டை 40-வது வட்டம் வ..உ.சி.நகர் குடியிருப்பு பகுதியில் கொரோனா நோய் தடுப்பு பணியில் ஈடுபட்டு வரும் முன் களப்பணியாளர்கள் 300 பேருக்கு தலா 5 கிலோ அரிசி, ரவை, மைதா, சர்க்கரை, உள்ளிட்ட 5 வகையான மளிகை சாமான்கள் அடங்கிய நிவாரண பொருட்களை வடசென்னை வடக்கு கிழக்கு மாவட்ட கழக செயலாளரும், தமிழ்நாடு நுகர்வோர் கூட்டுறவு இணையத்தின் தலைவருமான ஆர்.எஸ்.ராஜேஷ், வழங்கினார்.

அப்போது ஆர்.எஸ்.ராஜேஷ் பேசியதாவது:-

முதலமைச்சர் வழிகாட்டுதலின்படி தண்டையார்பேட்டை பகுதியில் கொரோனா தடுப்பு பணிகளில் ஈடுபட்டுள்ள முன் களப்பணியாளர்களின் பணிகள் மிகவும் சிறப்பு வாய்ந்தவை. அவர்களின் இன்றியமையாத பணியால் சென்னையில் தற்போது கொரோனா வைரஸ் தொற்று பரவல் குறைந்து விட்டது. அரசின் விதிகளுக்குட்பட்டு ஊரடங்கு உத்தரவு படிப்படியாக தளர்ந்தப்பட்டு தற்போது சென்னை இயல்பு நிலைக்கு திரும்பி வருகிறது.

இனிவரும் காலங்களில் கொரோனாவை முழுமையாக ஒழிக்க முன் களப்பணியாளர்கள் வீடு வீடாக செல்லும் போது காய்ச்சல் தோன்றிய அன்றே உடனடியாக மருத்துவரிடம் அணுகி பரிசோதனை மேற்கொண்டால் கொரோனா தொற்றில் இருந்து விடுபடலாம். தமிழக அரசின் கொரோனா தடுப்பு நெறிமுறைகளை பின்பற்றி பொதுமக்களுக்கு விழிப்புணர்வை ஏற்படுத்தி முன் களப்பணியாளர்கள் செயலாற்ற வேண்டும். அவ்வகையில் செயல்பட்டால் கொரோனாவை முற்றிலுமாக தடுக்க முடியும்.

கொரோனாவை கண்டு பொதுமக்கள் பயம் கொள்ள தேவையில்லை. நானும் எனது குடும்பமும் கொரோனாவால் பாதிக்கப்பட்டு இன்று முழுமையாக குணமடைந்தோம் என்பதையும் முன் களப்பணியாளர்கள் புரிந்து தங்களின் துரித பணிகளை சிறப்பாக செயல்படுத்த வேண்டும்.

கொரோனா நிவாரண தடுப்பு பணிகள் கடந்த ஜூன் மாதம் தொடங்கி இன்று ஆறாவது மாதமாக மாவட்ட கழகத்தின் சார்பில் தொடர்ந்து நிவாரண பணிகளை மேற்கொண்டு வருகிறோம். அவ்வகையில் முன் களப்பணியாளர்களின் பணிகளை கௌரவப்படுத்தும் வகையில் அவர்களுக்கு அரிசி, மளிகை பொருட்கள் வழங்கி ஊக்கப்படுத்தி வருகிறோம்.

இவ்வாறு அவர் பேசினார்.

இந்நிகழ்ச்சியில் பகுதி செயலாளர் ஆர்.எஸ்.ஜெனார்தனம், ஏ.கணேசன், இ.வேலுமேஸ்திரி, எம்.என்.சீனிவாசபாலாஜி, வி.எஸ்.புருஷோத்தமன், பி.பாபுராஜ், ஷரிகிருஷ்ணன், எல்.எஸ்.மகேஷ்குமார், ஏ.இளவரசன், டி.எம்.ஜி.பாபு, புலிமுருகன், எஸ்.மனோ உள்ளிட்டோர் கலந்து கொண்டனர்.