தற்போதைய செய்திகள்

2021 தேர்தலில் கழகம் வெற்றிபெற்று அம்மாவின் ஆட்சி தொடர உறுதுணையாக இருக்க வேண்டும் – அமைச்சர் கே.பி.அன்பழகன் வேண்டுகோள்

தருமபுரி

2021 தேர்தலில் கழகம் வெற்றிபெற்று அம்மாவின் ஆட்சி தொடர உறுதுணையாக இருக்க வேண்டும் என்று கழக நிர்வாகிகளுக்கு அமைச்சர் கே.பி.அன்பழகன் வேண்டுகோள் விடுத்துள்ளார்.

தருமபுரி மாவட்டம் பாலகோடு சட்டமன்ற தொகுதிக்குட்பட்ட கிராமங்களில் 500க்கும் மேற்பட்டவர்கள் மாற்றுக்கட்சிகளில் இருந்து விலகி கழகத்தில் இணைந்த நிகழ்ச்சியில் தருமபுரி மாவட்ட கழக செயலாளரும், உயர்கல்வித்துறை அமைச்சருமான கே.பி.அன்பழகன் பேசியதாவது:-

ஆட்சியையும் கட்சியையும் வழி நடத்திக் கொண்டிருக்கின்ற முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் இணைந்து இன்று தமிழ்நாட்டு மக்களுக்காக எப்படி புரட்சித்தலைவி அம்மா அவர்கள் தொடர்ந்து பல்வேறு நல திட்டங்களை வழங்கினார்களோ அதை வழங்கிக் கொண்டிருக்கின்ற அதேவேளையில், தமிழகத்திலுள்ள ஒன்றரை கோடி தொண்டர்களையும் அரவணைத்து செல்லுகின்ற இயக்கத்தின் தலைவர்களாகவும் திகழ்ந்து கொண்டிருக்கின்றனர். இதன் காரணத்தினால் அவருடைய ஆட்சிப்பொறுப்பை கண்டு நிர்வாகத்திறமை கண்டு இன்று ஓ.எம்.ஜி என்ற மாடுபிடியில் புகழ்பெற்ற குண்டன் தலைமையில் இந்த இணைப்பு விழா நடைபெறுகிறது.

நீண்ட நாட்களாக எப்பொழுது இணைப்பு விழா நடைபெறும் என்று என்னிடம் கேட்டுக் கொண்டிருந்தார். தருமபுரி மாவட்டத்தில் கொரோனாவில் இருந்து மாவட்ட மக்களை காக்க வேண்டும் என்ற நோக்கத்தோடு செயல்பட்டுக் கொண்டிருந்த எனக்கு முதலமைச்சர் சென்னையிலே மூன்று மண்டலங்களை ஒதுக்கி தந்தார்.

அப்பொழுது எனக்கு அந்த கொரோனோ தொற்று ஏற்பட்டது. ஆகவே காலதாமதமானது. இன்று மாற்று கட்சியில் இருந்து விலகி கழகத்தின் தலைமையை ஏற்று சேர்த்து கொள்கின்ற வாய்ப்பை எனக்கு கொடுத்த ஒட்டர் திண்ணை சின்னாறு அணை செங்காடு உள்ளிட்ட 8 கிராமங்களில் இருந்து 500க்கும் மேற்பட்டவர்கள் கழகத்தின் தலைமையை ஏற்று செல்லமாக அழைக்கப்படும் ஓஎம்ஜி என்கின்ற குண்டன் தலைமையிலே இணையும் இந்த நிகழ்ச்சியை ஏற்பாடு செய்த உங்களுடைய அன்புக்கும் பாசத்திற்கும் கட்டுப்பட்டு உங்களுடைய பகுதியின் தேவைகளை அறிந்து சேவை செய்பவனாக இருப்பேன் என்று கூறி நன்றியை தெரிவித்துக் கொள்கிறேன்.

இந்த பகுதியில் கடந்த 10 ஆண்டுகளாக பணியாற்றிக் கொண்டிருக்கிறேன். பாலக்கோடு தொகுதி சட்டமன்ற உறுப்பினராக 20 ஆண்டுகாலம் உங்களுக்கு பணியாற்றி வருகிறேன். 1996-ம் ஆண்டு முதல் 25 ஆண்டு காலமாக மக்களின் பேராதரவோடு மக்கள் பணி செய்கின்ற வாய்ப்பை வழங்கியவர் புரட்சித்தலைவி அம்மா அவர்கள்.

இன்றுவரை இயக்கத்திற்காக அர்ப்பணிப்போடு பணியாற்றி வருகிறேன். 2001 முதல் 2006 வரை இந்தப் பகுதி என்னுடைய சட்டமன்ற தொகுதியாக இல்லாவிட்டாலும் நான் அமைச்சராக இருந்தபோது மக்களின் தேவைகள் அறிந்து அனைத்து நல திட்டங்களையும் உதவிகளை செய்து வந்துள்ளேன்.

பஞ்சப் பள்ளியிலிருந்து டேம் வரை அந்த பாதையானது பொதுப்பணித்துறையின் கட்டுப்பாட்டில் இருந்த அந்தப் பாதை ரொம்ப மோசமாக இருந்தது. அப்பொழுது நான் உள்ளாட்சித்துறை அமைச்சராக இருந்தேன். ஆனால் அப்போது சட்டமன்ற உறுப்பினராக இல்லை. ஆனாலும் இந்த பகுதி மக்கள் என்னிடம் கோரிக்கை வைத்தார்கள். அதனால் சிறப்பு நிதியை ஒதுக்கித் தந்து பொதுப்பணித்துறை சார்பில் அந்த சாலை போடப்பட்டது. அதற்கு வாய்ப்பு வழங்கிய அம்மா அவர்களுக்கு என்றென்றும் கடமைப்பட்டுள்ளேன்.

அதேப்போல பல்வேறு பணிகளைச் செய்யக்கூடிய வாய்ப்பை வழங்கி உள்ளீர்கள். ஆகவே உள்ளப்பூர்வமாக நான் கொரோனா தொற்று ஏற்பட்ட பிறகு பல நிகழ்ச்சியில் கலந்து கொண்டாலும், இந்த ஒட்டர் திண்ணையில் நடக்கின்ற நிகழ்ச்சி உள்ள பூர்வமாக எனக்கு மிகுந்த மகிழ்ச்சியையும் உற்சாகத்தையும் தருகிறது. அம்மாவின் ஆட்சி என்று தொடர்ந்து நடைபெற்றுக் கொண்டிருக்கிறது.

அம்மா அவர்கள் மறைந்தாலும் அவர் அறிவித்த திட்டங்கள் எதுவும் தடைபட்டது இல்லை என்பது உங்களுக்கு தெரியும். மகளிர் குழுக்களுக்கு கடன், பணிக்கு செல்கின்ற பெண்களுக்கு இருசக்கர வாகனம், மகப்பேறு உதவித்தொகை , கொரோனா காலத்தில் கடந்த ஏப்ரல் மாதம் முதல் அரிசி பருப்பு அனைத்தும் விலையில்லாமல் வழங்கப்படுகிறது. பல்வேறு வகையில் அம்மாவின் வழியில் முதல்வர் ஆட்சி நடத்திக் கொண்டிருக்கிறார்.

முதலமைச்சரால் குடிமராமத்து திட்டம் என அறிவிக்கப்பட்டு வரத்துக் கால்வாய்கள் ஏரிகள் சுத்தம் செய்யப்பட்டதால் பெய்கின்ற மழை நீரை தேக்கி வைக்கின்ற அந்த சிறப்பு திட்டம் மக்களால் பாராட்டப்பட்டது. அதை போல எண்ணற்ற திட்டங்களை தமிழக மக்களுக்கு அம்மாவின் அரசு வழங்கி வருகிறது. அம்மா அறிவித்த திட்டங்கள் எதையுமே தடை இல்லாமல் தொடர்ந்து செய்து வருகிறது.

அம்மாவின் வழியில் கட்சியும் ஆட்சியும் வழி நடத்திக் கொண்டிருக்கின்றதை பார்த்து மாற்று கட்சியிலிருந்து விலகி வந்து இன்று இணையக்கூடிய வகையில் அரசு செயல்பட்டு கொண்டிருக்கிறது. இந்த எட்டு கிராமத்தில் இருந்து வருகை தந்து இருக்கின்றவர்களை மாவட்ட கழகத்தின் செயலாளர் என்ற முறையில் மாவட்ட கழகத்தின் சார்பில் வருக வருக என வரவேற்கிறேன். ஆகவே உங்கள் உணர்வை புரிந்து நடந்து கொள்பவன் நான், அமைச்சராக உள்ளார், எப்படி பேசுவது, அவரிடம் எப்படி போவது என்று நினைக்க வேண்டாம்.

எத்தனை முறை யார் போன் செய்து பேசினாலும் உடனடியாக அவர்களை தொடர்பு கொண்டு பேசுபவன். நான் பதவியில் இருக்கும் போதும் பொறுப்பில் இருக்கும் போதும் மக்களின் தேவைகளை பூர்த்தி செய்வது எனது கடமை. அதில் எதை செய்ய முடியும் என்பதை சொல்லிவிட்டு பூர்த்தி செய்யலாம். எதை செய்ய முடியாது என்பதை அவர்களை அழைக்காமல் நேரடியாக முடியாது என்று சொல்லிவிடலாம். அந்த வழியில் எப்போதும் நான் பழக்கப்பட்டு இருப்பதால் தொடர்ந்து கடந்த 25 ஆண்டு காலமாக மக்கள் பிரதிநிதியாக பணியாற்றும் வாய்ப்பைப் மக்களாகிய நீங்கள் எனக்கு தந்திருக்கிறீர்கள்.

96-ல் இரட்டை இலை சின்னத்தில் போட்டியிட்டு வெற்றிபெற்றவன் தொடர்ந்து 2020 வரை வெற்றி பெறுகின்ற வாய்ப்பை நீங்கள் வழங்கியுள்ளீர்கள். ஆகவே இன்று புரட்சித்தலைவர் உடைய காலத்திலே மூன்றுமுறை தமிழ்நாட்டு மக்கள் அவர் ஆளுகின்ற வாய்ப்பை தந்தார்கள். அதற்குப்பிறகு எந்த இயக்கத்திற்கு யாரும் தரவில்லை. மூன்று முறை புரட்சித்தலைவர் முதலமைச்சராக பதவி ஏற்கின்ற வாய்ப்பு. அதைப் பூர்த்தி செய்கின்ற வகையில் அம்மா அவர்கள் இரண்டு முறை 2011, 2016-ல் வெற்றி பெற்று ஆட்சி பொறுப்பில் ஏற்றார். இன்றைக்கு மூன்றாவது முறையாக தாய் இல்லை. தாய் இல்லை என்றாலும் தாயின் மூலம் அடையாளம் காட்டப்பட்ட இருவர் இன்று ஒன்றாக இணைந்து கட்சியையும் ஆட்சியையும் வழி நடத்திக் கொண்டிருக்கிறார்கள்.

ஆகவே அவர்களுக்கு அந்த வாய்ப்பை கொடுத்து வருகின்ற 2021 தேர்தலில் மீண்டும் அம்மாவின் ஆட்சி மலர்ந்து புரட்சித்தலைவர் காலம் போல 3 முறை தொடர்ந்து வெற்றி பெறக்கூடிய வாய்ப்பை உருவாக்கித் தந்துள்ளார்கள். 2021 பொதுத்தேர்தல் வரும் பொழுது அனைத்திந்திய அண்ணா திராவிட முன்னேற்ற கழகம் சார்பாக யார் போட்டியிடுகின்றார்களோ அவர்களுக்கு வெற்றிவாய்ப்பை தந்து இன்றைய முதலமைச்சராக இருக்க கூடியவர் துணை முதலமைச்சராக கூடியவர் வருவதற்கும், அம்மாவின் ஆட்சி தொடர உறுதுணையாக இருக்க வேண்டும்.

இவ்வாறு அமைச்சர் கே.பி.அன்பழகன் பேசினார்.