தற்போதைய செய்திகள்

கழக இளைஞர், இளம்பெண்கள் பாசறை செயல்பட வேண்டும் – பொள்ளாச்சி வி.ஜெயராமன் வேண்டுகோள்

திருப்பூர்

திமுகவினரின் பொய் பிரச்சாரத்தை முறியடிக்கும் வகையில் கழக இளைஞர் இளம்பெண்கள் பாசறை நிர்வாகிகள் செயல்பட வேண்டும் என்று துணை சபாநாயகர் பொள்ளாச்சி வி.ஜெயராமன் வேண்டுகோள் விடுத்துள்ளார்.

திருப்பூர் புறநகர் மாவட்ட கழகம் சார்பில் புதிய உறுப்பினர் சேர்க்கை முகாம் தாராபுரம் தொகுதிக்குட்பட்ட குண்டடம் ஒன்றிய பகுதியில் நடைபெற்றது. இதனை திருப்பூர் புறநகர் மாவட்ட கழக செயலாளரும், துணை சபாநாயகருமான பொள்ளாச்சி வி.ஜெயராமன் துவக்கி வைத்தார்.

திருப்பூர் புறநகர் மாவட்டம் குண்டடம் ஒன்றியம் மற்றும் ருத்ராவதி பேரூராட்சி கழக தகவல் தொழில்நுட்ப பிரிவினருக்கான நேர்முக தேர்வு. இளைஞர் பாசறை இளம்பெண்கள் பாசறை ஆலோசனை கூட்டம் திருப்பூர் புறநகர் மாவட்ட கழக செயலாளரும், துணை சபாநாயகருமான பொள்ளாச்சி வி.ஜெயராமன் தலைமையில் நடைபெற்றது. ஒன்றிய கழக செயலாளர் பி.செந்தில்குமார் முன்னிலை வகித்தார். மாவட்ட இளைஞர் பாசறை இளம்பெண்கள் பாசறை செயலாளர் எம்.எஸ்.காளீஸ்வரன் வரவேற்றார். இக்கூட்டத்தில் துணை சபாநாயகர் பொள்ளாச்சி வி.ஜெயராமன் புதிய உறுப்பினர்கள் படிவங்களை நிர்வாகிகளிடம் வழங்கினார்.

பின்னர் துணை சபாநாயகர் பொள்ளாச்சி வி.ஜெயராமன் பேசியதாவது:-

புரட்சித்தலைவர் எம்ஜிஆர் அவர்களால் விதைக்கப்பட்ட விதை கழகம் என்ற பேரியக்கம். இயக்கத்தை ஆலமரமாக வளர்த்தவர் புரட்சித்தலைவி அம்மா அவர்கள். மக்கள் நலனில் அக்கறை கொண்ட கட்சி அதிமுக. குடும்ப நலனில் அக்கறை கொண்ட கட்சி திமுக. கொள்கை என்பதே திமுக கட்சிக்கு கிடையாது. மக்களை ஏமாற்ற வேஷம் போடுகிறார் ஸ்டாலின். மக்களின் நலன் மீது அக்கறை இல்லாத கட்சி திமுக. அடிதடி ரவுடிகட்சி திமுக.

தொண்டர்களை வெளிச்சம் போட்டு காட்டுகின்ற இயக்கம் கழகம். உழைப்பவர்களுக்கும், விசுவாசமிக்கவர்களுக்கும் உயர்வு கொடுக்கும் கட்சி அதிமுக. ஜனநாயக மிக்க கட்சி அதிமுக. முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் தமிழகத்தில் மக்கள் போற்றும் உன்னதமான திட்டங்களை நிறைவேற்றி கட்சியையும் ஆட்சியையும் சிறப்பாக வழி நடத்தி வருகின்றனர். அம்மா கொண்டுவந்த அனைத்து திட்டங்களையும் கழக அரசு ஒன்றுவிடாமல் சிறப்பாக நிறைவேற்றி வருகிறது. ஒன்றரை கோடி தொண்டர்களை நம்பி உள்ள கட்சி அதிமுக.

கூலி ஏஜெண்டுகளை நம்பி கட்சி நடத்துகிறது திமுக. துரைமுருகனும், துண்டு சீட்டும் இல்லை என்றால் ஸ்டாலின் எந்த வெற்று அறிக்கையையும் வெளியிட முடியாது. மிகப்பெரிய ஆளுமை நிர்வாக திறமை கொண்ட தலைவராக முதல்வர் எடப்பாடி கே.பழனிசாமி விளங்குகிறார். இளைஞர்களுக்காக எண்ணற்ற வேலைவாய்ப்பை உருவாக்கி அவர்கள் மேன்மையடைய திட்டங்களை முதலமைச்சர் செயல்படுத்தி வருகிறார்.

கழக ஆட்சியில் ஒன்பது மருத்துவக் கல்லூரிகள் மற்றும் எய்ம்ஸ் மருத்துவமனை கொண்டு வரப்பட்டுள்ளது.
அரசுப் பள்ளியில் பயிலும் மாணவ-மாணவிகளுக்கு மருத்துவ கல்லூரியில் மருத்துவ படிப்புக்கு 7.5 சதவீதம் இடஒதுக்கீடு சட்டமாக இயற்றப்பட்டுள்ளது. விவசாயிகளின் நலனில் அக்கறை கொண்டு பாதுகாக்கப்பட்ட வேளாண் மண்டலம் உருவாக்கப்பட்டுள்ளது.

குடிமராமத்து நாயகன் முதல்வர் எடப்பாடி கே.பழனிசாமியின் சிறப்பான குடிமராமத்து பணிகளால் இன்று தமிழகம் நீர்மிகை மாநிலமாக விளங்குகிறது. புரட்சித்தலைவர் அவர்கள் மூன்று முறை தமிழகத்தின் முதல்வரானார். அத்தகைய வரலாற்றை உருவாக்க வருகின்ற 2021 சட்டமன்ற தேர்தலில் மீண்டும் கழக ஆட்சியை கொண்டு வந்து வரலாற்று சாதன படைக்க வேண்டும்.

புரட்சித்தலைவி அம்மா அவர்களால் 2008ம் ஆண்டு துவங்கப்பட்டது இளைஞர் இளம்பெண்கள் பாசறை அமைப்பு. தற்போது தேர்தல் வருவதால் பாசறை சார்பில் பூத் கமிட்டி அமைக்கும் பணி நடைபெறுகிறது. மேலும் உறுப்பினர்கள் சேர்க்கும் பணி நடைபெறுகிறது. வரும் சட்டமன்ற தேர்தலில் இளைஞர்கள் இளம்பெண்கள் தான் தேர்தல் பணியில் ஈடுபட வேண்டும். இன்றைக்கு ஆட்சியிலும் சரி, கட்சியிலும் சரி ஒரு சிறப்பான நிர்வாகத்தை முதல்வரும், துணை முதல்வரும் நடத்தி வருகின்றனர்.

ஸ்டாலின் இருட்டு அறைக்குள் உட்கார்ந்து கொண்டு வெற்று அறிக்கையை வெளியிட்டு வருகிறார். ஆனால் முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம் ஆகியோர் களத்தில் இறங்கி மக்களை சந்தித்து நலத்திட்ட உதவிகள் வழங்கி வருகின்றனர்.

மேலும் கழக நிர்வாகிகளும் களத்தில் இறங்கி மக்களை சந்தித்து மக்கள் குறைகளை கேட்டு நடவடிக்கை மேற்கொண்டு நலதிட்ட உதவிகளை வழங்கி வருகின்றனர். வருகின்ற சட்டமன்ற தேர்தலில் ஒருங்கிணைந்த திருப்பூர் மாவட்டத்தில் உள்ள 8 தொகுதிகளையும் வென்றெடுத்து வெற்றிக்கனியை தலைமையில் சமர்ப்பிக்க இளைஞர் இளம்பெண் பாசறை நிர்வாகிகள் அல்லும் பகலும் அயராது பாடுபட வேண்டும்.

திமுகவினரின் பொய் பிரச்சாரத்தை முறியடிக்கும் வகையில் இளைஞர் இளம்பெண்கள் பாசறை நிர்வாகிகள் செயல்பட வேண்டும். பாசறை என்பது கழகத்தின் உயிர்மூச்சு. கழக நிர்வாகிகள் பாசறை நிர்வாகிகளை நன்றாகப் பயன்படுத்திக் கொள்ள வேண்டும். அம்மா அரசின் சாதனைகளை இளைஞர், இளம்பெண்கள் பாசறை நிர்வாகிகள் மக்களிடம் கொண்டு சேர்க்க வேண்டும். 2011, 2016 சட்டமன்ற தேர்தலில் பாசறையின் சிறப்புமிக்க பணி கழக ஆட்சியின் வெற்றிக்கு உறுதுணையாக இருந்தது. கழகம் உயிரோட்டமுள்ள இயக்கம். கழகத்தில் எந்த பிரச்சினை வந்தாலும் புரட்சித்தலைவர் எம்ஜிஆர், புரட்சித்தலைவி அம்மா ஆகியோரின் ஆசியோடு அது காணாமல் போய்விடும்.

கழக ஆட்சி இன்று கலைந்து விடும் நாளை கலைந்து விடும் என்று கனவு கண்டவர்களிடையை 4 ஆண்டுகளாக முதல்வரும், துணை முதல்வரும் சிறப்பாக ஆட்சி செய்து விட்டனர். கழக ஆட்சியில் பல்வேறு திட்டப்பணிகள் செய்யப்பட்டுள்ளது. கழகம் நூறாண்டானாலும் அழிக்க முடியாது என அம்மா அவர்கள் கூறியது நம்மை நம்பிதான் அந்த வார்த்தை உண்மையாக்கும் விதத்தில் கழகப்பணி செய்து வரும் சட்டமன்ற தேர்தலிலும் 3-வது முறையாக கழக அரசு ஆட்சி நடைபெறும் என்பதை நிரூபிக்க வேண்டும்.

இவ்வாறு துணை சபாநாயகர் பொள்ளாச்சி வி.ஜெயராமன் பேசினார்.