தற்போதைய செய்திகள்

526 மாற்றுதிறனாளிகளுக்கு அரிசி பைகள் – வி.பன்னீர்செல்வம் எம்.எல்.ஏ. வழங்கினார்

திருவண்ணாமலை

திருவண்ணாமலை மாவட்டம் கலசப்பாக்கம் சட்டமன்ற தொகுதியில் 7 கிராமங்களை சேர்ந்த மாற்று திறனாளிகள் 526 பேருக்கு அரிசி பைகளை வி.பன்னீர்செல்வம் எம்.எல்.ஏ வழங்கினார். திருவண்ணாமலை மாவட்டம், கலசப்பாக்கம் சட்டமன்ற தொகுதி முழுவதும் உள்ள மாற்றுத்திறனாளிகளுக்கு கொரோனா வைரஸ் காரணமாக அனைவருக்கும் தலா 5 கிலோ அரிசி பைகளை வி.பன்னீர்செல்வம் எம்.எல்.ஏ. வழங்கி வருகிறார்.

இந்நிலையில் கலசப்பாக்கம் பகுதியில் உள்ள ஆணைவாடி, பெரியகாலூர், பத்தியவாடி, அணியாலை, காம்பட்டு, கீழ்பொத்தரை, கடலாடி உள்ளிட்ட 7 கிராமங்களைச் சேர்ந்த மாற்று திறனாளிகள் 526 பேருக்கு தலா 5 கிலோ அரிசி பைகளை நிவாரணமாக வி.பன்னீர்செல்வம் எம்.எல்.ஏ. வழங்கினார்.

பின்னர் வி.பன்னீர்செல்வம் எம்.எல்.ஏ. பேசியதாவது:-

மாற்று திறனாளிகள் என்ற உங்களுக்கு மாற்று திறன் உள்ளது என்று தான் அர்த்தம். நீங்கள் சாதிக்க பிறந்தவர்கள். உங்கள் தேவைகள் எதுவானாலும் உடனடியாக என்னிடம் தொடர்பு கொள்ளவும். உங்களுக்காக அரசு பல்வேறு சலுகைகள் அறிவித்து செயல்படுத்தி வருகிறது. கழக அரசு மக்களின் தேவைகளை அறிந்து செயல்படுகிறது. குறிப்பாக கலசப்பாக்கம் சட்டமன்ற தொகுதியில் ஏராளமான வளர்ச்சிப் பணிகள் செய்யப்பட்டுள்ளது.

பள்ளிக்கட்டடங்கள், கூட்டுறவு கடைகள் கட்டடங்கள், கலப்பாக்கம் ஊராட்சி ஒன்றிய அலுவலகக் கட்டடம், கோர்ட்டு கட்டடம் கட்டப்படவுள்ளது. பல்வேறு அரசு கட்டடங்கள் கட்டப்பட்டுள்ளது, குறிப்பாக கலசப்பாக்கத்தில் புதிய தாலுக்காவாக ஜமுனாமரத்தூர் அறிவிக்கப்பட்டுள்ளது.

இவ்வாறு எண்ணற்ற சாதனைகளை கலசப்பாக்கம் சட்டமன்ற தொகுதியில் கழக அரசு செய்துள்ளது. வரும் தேர்தலில் கலசப்பாக்கம் சடட்மன்ற தொகுதி தொடர்ந்து அதிமுகவின் கோட்டை என்று நிரூபிக்கும் வகையில் அதிகப்படியான வாக்களித்து கழகம் அறிவிக்கும் வேட்பாளரை வெற்றி பெறசெய்வோம்.

இவ்வாறு வி.பன்னீர்செல்வம் எம்.எல்.ஏ. பேசினார்.

இந்நிகழ்ச்சியில் பொதுக்குழு உறுப்பினர் பொய்யாமொழி, வழக்கறிஞர் செம்பியன், ஊராட்சி தலைவர் ஆறுமுகம், கழகநிர்வாகி சின்னபையன், முன்னாள் ஊராட்சித்துணைத்தலைவர் மணி, கேட்டவரம்பாளையம் ரமேஷ், தகவல் தொழில் நுட்பபிரிவு கபாலி உள்ளிட்டோர் கலந்து கொண்டனர்.