சிறப்பு செய்திகள் தமிழகம் தற்போதைய செய்திகள்

திருச்சி மாவட்ட அ.ம.மு.க. நிர்வாகிகள் கழகத்தில் ஐக்கியம்-இணை ஒருங்கிணைப்பாளர் எடப்பாடி கே.பழனிசாமி வாழ்த்து

சேலம்,

திருச்சி மாவட்ட அ.ம.மு.க. நிர்வாகிகள் சேலத்தில் கழக இணை ஒருங்கிணைப்பாளரும், முன்னாள் முதலமைச்சரும், சட்டமன்ற எதிர்க்கட்சி தலைவருமான எடப்பாடி கே.பழனிசாமியை நேரில் சந்தித்து கழகத்தில் இணைந்தனர்.

கழக இணை ஒருங்கிணைப்பாளரும், முன்னாள் முதலமைச்சரும், சட்டமன்ற எதிர்க்கட்சித் தலைவருமான எடப்பாடி பழனிசாமியை நேற்று சேலம் நெடுஞ்சாலை நகர் இல்லத்தில் அ.ம.மு.க. மாநில இளைஞரணி தலைவர் ஜோதிவாணன்,
திருச்சி மாநகர் மாவட்ட இளைஞர் பிரிவு பாசறை செயலாளர் பாலாஜி,

வழக்கறிஞர் பிரிவு இணை செயலாளர் ராஜா,மாவட்ட இளைஞரணி இணை செயலாளர் சரவணன், மாவட்ட மாணவரணி தலைவர் பாபு, அமைப்பு சாரா ஓட்டுநர் சங்க மாவட்ட செயலாளர் சொக்கலிங்கம், மாநகர வழக்கறிஞர் பிரிவு இணை செயலாளர் கவுசல்யா, நெசவாளர் அணி மாவட்ட செயலாளர் சீனிவாசன் ஆகியோர் சந்தித்து தங்களை கழகத்தில் இணைத்துக் கொண்டனர்.

இதேபோல் திருச்சி மாவட்டம் மலைக்கோட்டை பகுதி அ.ம.மு.க. செயலாளர் வேலு, பாலக்கரை பகுதி செயலாளர் கண்ணன், ஏர்போர்ட் பகுதி செயலாளர் நாகராஜ், 19-வது வட்ட கழக செயலாளர் கணேசன், 35-வது வட்ட கழக செயலாளர் சரவணன் ஆகியோரும் தங்களை கழகத்தில் இணைத்துக் கொண்டனர். புதியதாக கழகத்தில் இணைந்தவர்களுக்கு கழக இணை ஒருங்கிணைப்பாளரும், முன்னாள் முதலமைச்சரும், சட்டமன்ற எதிர்க்கட்சி தலைவருமான எடப்பாடி கே.பழனிசாமி வாழ்த்து தெரிவித்தார்.

இந்த நிகழ்வின்போது திருச்சி மாநகர் மாவட்ட கழக செயலாளரும், முன்னாள் அமைச்சருமான வெல்லமண்டி என்.நடராஜன், எம்.ஜி.ஆர். அணி மாநில இணை செயலாளர் சீனிவாசன், மலைக்கோட்டை பகுதி செயலாளர் அன்பழகன், உறையூர் பகுதி செயலாளர் பூபேந்திரன் ஆகியோர் உடனிருந்தனர்.