தற்போதைய செய்திகள்

உறுப்பினர்களை அதிகளவில் சேர்த்து ஒற்றுமையுடன் செயல்பட்டு கழகத்தை வெற்றிபெறச் செய்ய வேண்டும் – நிர்வாகிகளுக்கு, சிறுணியம் பி.பலராமன் வேண்டுகோள்

திருவள்ளூர்

உறுப்பினர்களை அதிகளவில் சேர்த்து ஒற்றுமையுடன் செயல்பட்டு கழகத்தை வெற்றிபெறச் செய்ய வேண்டுமென திருவள்ளூர் வடக்கு மாவட்ட கழக செயலாளரும், பொன்னேரி தொகுதி சட்டமன்ற உறுப்பினருமான சிறுணியம் பி.பலராமன் வேண்டுகோள் விடுத்துள்ளார்.

திருவள்ளூர் வடக்கு மாவட்டம் பொன்னேரி அடுத்த 15-வது வட்ட கழக சார்பில் கழக இளைஞர் மற்றும் இளம்பெண்கள் பாசறை புதிய உறுப்பினர் சேர்க்கைக்கான ஆலோசனைக்கூட்டம் திருவள்ளூர் வடக்கு மாவட்ட கழக செயலாளரும் பொன்னேரி தொகுதி சட்டமன்ற உறுப்பினருமான சிறுணியம் பி.பலராமன் தலைமையில் வட்ட கழக செயலாளர் எஸ்.காமராஜ் முன்னிலையில் நடைபெற்றது.

இந்த கூட்டத்தின் போது ஏராளமான இளைஞர் மற்றும் இளம்பெண்கள் ஆர்வத்துடன் பங்கேற்றனர். கூட்டத்தில் இளைஞர்கள் 50க்கும் மேற்பட்டோர் கழகத்தில் தங்களை இணைத்துக் கொண்டனர் அப்பொழுது இளைஞர்களை சால்வை அணிவித்து திருவள்ளூர் வடக்கு மாவட்ட கழக செயலாளரும், பொன்னேரி தொகுதி சட்டமன்ற உறுப்பினருமான சிறுணியம் பி.பலராமன் அனைவரையும் வரவேற்றார்.

இக்கூட்டத்தில் திருவள்ளூர் வடக்கு மாவட்ட கழக செயலாளரும், பொன்னேரி தொகுதி சட்டமன்ற உறுப்பினருமான சிறுணியம் பி.பலராமன் பேசுகையில், வருகின்ற 2021 சட்டமன்றத் தேர்தலில் திருவள்ளூர் வடக்கு மாவட்டத்தில் உள்ள பொன்னேரி மற்றும் கும்மிடிப்பூண்டி ஆகிய இரண்டு தொகுதிகளிலும் கழகம் அமோக வெற்றிபெற அனைவரும் பாடுபட வேண்டும் என்றும் உறுப்பினர்களை அதிகளவில் சேர்த்து ஒற்றுமையுடன் செயல்பட்டு கழகத்தை வெற்றிபெறச் செய்ய வேண்டுமென கேட்டுக்கொண்டார்.