தற்போதைய செய்திகள்

கழகத்தின் போராட்டத்தை வெற்றி பெற செய்வோம் – மாவட்ட செயலாளர் ஆர்.எஸ். ராஜேஷ் வேண்டுகோள்

சென்னை.

தேர்தலில் கொடுத்த வாக்குறுதியை நிறைவேற்றாமல் மக்களை ஏமாற்றும் தி.மு.க. அரசை கண்டித்து கழகம் சார்பில் நாளை நடைபெறும் போராட்டத்தை வெற்றி பெற செய்ய வேண்டும் என்று வடசென்னை வடக்கு கிழக்கு மாவட்ட நிர்வாகிகளுக்கு மாவட்ட செயலாளர் ஆர்.எஸ். ராஜேஷ் வேண்டுகோள் விடுத்துள்ளார்.

தேர்தல் வாக்குறுதிகளை நிறைவேற்றாத தி.மு.க. அரசை கண்டித்து உரிமைக்குரல் முழக்கப் போராட்டம் நடத்துவது தொடர்பாக வடசென்னை வடக்கு கிழக்கு மாவட்ட நிர்வாகிகள் ஆலோசனை கூட்டம் மாவட்ட செயலாளர் ஆர்.எஸ்.ராஜேஷ் தலைமையில் தண்டையார்பேட்டையில் உள்ள மாவட்ட அலுவலகத்தில் நடைபெற்றது.

ஆர்.கே.நகர் பகுதி கழக செயலாளர்கள் ஆர்.எஸ்.ஜெனார்த்தனம், ஆர்.நித்தியானந்தம், சீனிவாச பாலாஜி, பெரம்பூர் பகுதி கழக செயலாளர்கள் வியாசை எம்.இளங்கோவன், என்.எம்.பாஸ்கரன் ஆகியோர் முன்னிலை வகித்தனர்.

இக்கூட்டத்தில் மாவட்ட கழக செயலாளர் ஆர்.எஸ்.ராஜேஷ் பேசியதாவது:-

தேர்தலில் அறிவித்த வாக்குறுதிகளை நிறைவேற்றாத தி.மு.க. அரசை கண்டித்து கழகம் சார்பில் போராட்டம் அறிவிக்கப்பட்டுள்ளது. பகுதி, வட்ட கழக நிர்வாகிகள் தங்கள் வீடுகள் முன்பு பதாகைகள் ஏந்தி தி.மு.க. அரசின் பொய் வாக்குறுதிகளை மக்களின் கணத்திற்க்கு கொண்டு செல்ல வேண்டும். தேர்தல் நேரத்தில் நீட் தேர்வை உடனடியாக ரத்து செய்வோம் என கூறிவிட்டு இப்போது நீட் தேர்வு அறிவிக்கப்பட்டதும் மாணவர்கள் தேர்வுக்கு தயாராகும்படி உத்தரவிடுகிறது தி.மு.க. அரசு.

கழக ஆட்சியில் மின்வெட்டு என்ற பேச்சுக்கே இடமில்லாமல் மின்மிகை மாநிலமாக இருந்தது. தி.மு.க. ஆட்சிக்கு வந்ததும் தமிழகத்தில் பல இடங்களில் மின் வெட்டு ஏற்பட்டு மக்கள் அவதிப்படுகின்றனர்.

குடும்பத் தலைவிக்கு மாதா மாதம் ரூ.1000 தருவதாகவும், முதியோர் உதவிக்தொகை 500 ரூபாய் உயர்த்தி ரூ.1500 வழங்குவதாகவும், பெட்ரோல், டீசல், விலைவாசி குறைப்புக்கு வழிவகை செய்வதாகவும் கூறி மக்களை ஏமாற்றி வெற்றி பெற்ற தி.மு.க. அரசு. தற்போது வாக்குறுதிகளை நிறைவேற்றாமல் ஏமாற்றி வருகிறது.

இதனை மக்களிடம் எடுத்து செல்லும் வகையில் வடசென்னை வடக்கு கிழக்கு மாவட்ட கழகத்தின் சார்பில் கருப்பு சட்டை அணிந்து கண்டன போராட்டத்தை முன்னிலைப்படுத்தி வெற்றி பெற செய்வோம்.

இவ்வாறு மாவட்ட கழக செயலாளர் ஆர்.எஸ்.ராஜேஷ் பேசினார்.

கூட்டத்தில் எம்.ஏ.சேவியர், ஏ.கணேசன், ஆர்.மதுரைவீரன், டி.ஒய்.கே.செந்தில்குமார், ஏ.டேவிட் ஞானசேகரன், ஜெஸ்டின் பிரேம்குமார், பி.விஜயகுமார், இ.எஸ்.சதீஷ் பாபு, எஸ்.ஆர்.அன்பு, நெல்லை கே.குமார், இ.பாலமுருகன், து.சம்பத், ஆட்டோ தேவராஜ், மற்றும் ஆர்.கே.நகர் பகுதி வட்ட கழக செயலாளர்கள், பெரம்பூர் பகுதி கழக செயலாளர்கள், மாவட்ட பிரதிநிதிகள், பிற அணி அமைப்பு நிர்வாகிகள், மகளிரணியினர் திரளாக கலந்து கொண்டனர்.