சிறப்பு செய்திகள்

கூட்டணியில் இருந்து யாரும் விலகவில்லை – முதலமைச்சர் பேட்டி

சென்னை

கழகத்தின் தலைமையில் கடந்த நாடாளுமன்ற தேர்தலில் அமைக்கப்பட்ட கூட்டணி தொடர்கிறது. யாரும் விலகவில்லை என்று முதலமைச்சர் எடப்பாடி கே.பழனிசாமி தெரிவித்தார்.

முதலமைச்சர் எடப்பாடி கே.பழனிசாமி தலைமையில் நேற்று கரூர் மாவட்ட ஆட்சித்தலைவர் அலுவலகத்தில் நடைபெற்ற வளர்ச்சித் திட்டப் பணிகள் மற்றும் கொரோனா நோய்த் தொற்றுப் பரவல் தடுப்புப் பணிகள் குறித்த ஆய்வுக் கூட்டத்திற்குப் பிறகு செய்தியாளர்களுக்கு அளித்த பேட்டி:

கேள்வி: பாராளுமன்றத் தேர்தலில் இடம்பெற்ற கட்சிகள் சட்டமன்றத் தேர்தலில் அதிமுக கூட்டணியில் …

பதில்: நாங்கள் இப்போது வரையிலும் இருந்துகொண்டுதானே இருக்கிறோம். எந்தக் கட்சியும் விலகிப் போகவில்லையே.

கேள்வி: அ.தி.மு.க., பி.ஜே.பி கூட்டணி உறுதியாகிவிட்டதா?

பதில்: நாங்கள்தான் சொல்லிக்கொண்டுதானே இருக்கிறோம். அதாவது, கழகத்தின் தலைமையில் நாடாளுமன்றத் தேர்தலில் அமைக்கப்பட்ட கட்சிகள் தொடர்ந்து எங்கள் கூட்டணியில்தான் இடம் பெற்றிருக்கிறது.

இவ்வாறு முதலமைச்சர் எடப்பாடி கே.பழனிசாமி கூறினார்.