தற்போதைய செய்திகள்

அம்மா மினி கிளினிக் மக்கள் வாழ்த்தும் திட்டம் – அமைச்சர் சேவூர் எஸ்.ராமச்சந்திரன் பேச்சு

திருவண்ணாமலை

அம்மா மினி கிளினிக் திட்டம் மக்கள் வாழ்த்தும் திட்டம் என்று அமைச்சர் சேவூர் எஸ்.இராமச்சந்திரன் கூறினார்.

திருவண்ணாமலை மாவட்டம் ஆரணி அடுத்த சேவூர், அம்மாபாளையம், வண்ணாங்குளம் ஆகிய 3 இடங்களில் முதல்வரின் அம்மா மினி கிளினிக்குகள் திறப்பு விழா நடைபெற்றது விழாவிற்கு மாவட்ட ஆட்சித்தலைவர் சந்தீப்நந்தூரி தலைமை தாங்கினார். நிகழ்ச்சியில் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் சிறப்பு விருந்தினராக பங்கேற்று திறந்து வைத்தார்.

நிகழ்ச்சியில் அமைச்சர் சேவூர் எஸ்.இராமச்சந்திரன் பேசியதாவது:-

தமிழகத்தில் நடைபெறும் நல்லாட்சியில் முதலமைச்சரின் அம்மா மினி கிளினிக் என்ற சிறப்பு திட்டத்தை அறிவித்து செயல்படுத்தியுள்ளார் முதல்வர் தமிழகம் முழுவதும் 2000 கிளினிக்குகள் துவக்கப்படும் என்றார். முதல் கட்டமாக தமிழகத்தில் 630 மினி கிளினிக்குகளை துவக்கி வைத்தார் திருவண்ணாமலை மாவட்டத்தில் 73 மினி கிளினிக்குகள் துவங்கப்படவுள்ளது. இதில் முதல் கட்டமாக 23 மினி கிளினிக்குகள் துவங்கப்படுகிறது. மாவட்டத்தில் முதல் மினி கிளினிக் சேவூரில் திறக்கப்படுகிறது. அதைத்தொடர்ந்து அம்மாபாளையம், வண்ணாங்குளம் உள்ளிட்ட கிராமங்களில் துவங்கப்படுகிறது.

இந்த கிளினிக்கில் பொதுமக்கள் உடல் பரிசோதனை செய்து கொள்ளலாம், சர்க்கரை நோய் கண்டறிதல், ரத்தக்கொதிப்பு, உள்ளிட்ட பல்வேறு சிகிச்சைகள் அளிக்கப்படும், கிளினிக்கில் மருத்துவர், செவிலியர், உதவியாளர் இருப்பார்கள். காலையில் 8மணி முதல் 12 மணி வரையிலும், பகல் 4 மணி முதல் 7 மணி வரையிலும் செயல்படவுள்ளது. ஏழைமக்கள் பயன்பெறும் வகையில் இத்திட்டம் செயல்படுகிறது. ஒரு ஏழை கூட மருத்துவத்திற்கு 100 ரூபாய் செலவிடக்கூடாது என்ற நோக்கில் தமிழக முதல்வர் துவக்கிய திட்டமாகும். இவ்வாறு பல்வேறு திட்டங்களில் மினி கிளினிக் திட்டம் மக்கள் வாழ்த்தும் திட்டமாக உள்ளது.

இவ்வாறு அமைச்சர் சேவூர் எஸ்.இராமச்சந்திரன் பேசினார்.