தற்போதைய செய்திகள்

சசிகலாவை கழகத்தில் அனுமதிக்க மாட்டோம் – தூத்துக்குடி வடக்கு மாவட்ட நிர்வாகிகள் தீர்மானம்

தூத்துக்குடி

சசிகலாவை கழகத்தில் அனுமதிக்க மாட்டோம் என்று தூத்துக்குடி வடக்கு மாவட்ட கழக நிர்வாகிகள் கூட்டத்தில் தீர்மானம் நிறைவேற்றப்பட்டது.

தூத்துக்குடி வடக்கு மாவட்ட கழக நிர்வாகிகள் ஆலோசனை கூட்டம் முன்னாள் அமைச்சரும், கோவில்பட்டி தொகுதி சட்டமன்ற உறுப்பினருமான கடம்பூர் செ.ராஜூ தலைமையில் கடம்பூர் சிதம்பராபுரத்தில் நடைபெற்றது.

இக்கூட்டத்தில் நிறைவேற்றப்பட்ட தீர்மானங்கள் வருமாறு:-

இதயதெய்வம் புரட்சித்தலைவி அம்மா அவர்களின் மறைவுக்கு பிறகு நடைபெற்று முடிந்த சட்டமன்ற பொதுத்தேர்தலுக்கு முன்பாக அரசியலில் இருந்தும், பொது வாழ்வில் இருந்தும் விலகுகிறேன் என்று அறிக்கையை விட்டு மறைமுகமாக கழகத்தின் வெற்றிக்கு இடையூறாக செயல்பட்டு தி.மு.க. ஆட்சி அமைந்திட துணை போன சசிகலா மற்றும் அவரை சாந்தவர்களையும் எக்காரணம் கொண்டும் எந்த நிலையத்திலும் கழகத்திற்குள் அனுமதிக்கக்கூடாது.

தூத்துக்குடி மாவட்டத்தில் இரண்டாவது பெரிய நகரமாக நாளும் பெருகி வருகின்ற ேகாவில்பட்டியை தலைமை இடமாக கொண்டு புதிய மாவட்டத்தை உருவாக்க அரசை கேட்டுக் கொள்வது.

கோவில்பட்டியில் புதிய தொழிற்பூங்கா அமைத்திடவும் மற்றும் கோவில்பட்டியில் உற்பத்தியாகும் கடலை மிட்டாயை அங்கன்வாடி மற்றும் சத்துணவு திட்டத்தில் பயிலும் குழந்தைகளுக்கு வழங்கிட அரசு ஆவண செய்ய வேண்டும்.

கழக அரசால் கயத்தாரில் புதிய தீயணைக்கும் நிலையம் அமைக்கப்படும் என்ற அறிவிப்பை அரசு உடனடியாக செயல்படுத்த வேண்டும்

இவ்வாறு தீர்மானங்கள் நிறைவேற்றப்பட்டன.