சென்னை

விருகை வி.என்.ரவி எம்.எல்.ஏ. முன்னிலையில் மாற்றுக் கட்சியினர் 150 பேர் கழகத்தில் இணைந்தனர்

சென்னை

மாற்றுக்கட்சிகளில் இருந்து 100க்கும் மேற்பட்டோர் விலகி தென்சென்னை தெற்கு (மேற்கு) மாவட்ட கழக செயலாளரும், சட்டமன்ற உறுப்பினருமான விருகை வி.என்.ரவி முன்னிலையில் கழகத்தில் இணைந்தனர்.

தென்சென்னை தெற்கு (மேற்கு) மாவட்டம் விருகம்பாக்கம் பகுதியை சேர்ந்த அ.ம.மு.க. மற்றும் மாற்றுக்கட்சிகளை சேர்ந்த 150 க்கும் மேற்பட்டோர் அந்தந்த கட்சிகளில் இருந்து விலகி தென்சென்னை தெற்கு (மேற்கு) மாவட்ட செயலாளரும், விருகம்பாக்கம் தொகுதி சட்டமன்ற உறுப்பினருமான விருகை வி.என்.ரவி முன்னிலையில் கழகத்தில் இணைந்தனர்

தென் சென்னை தெற்கு (மேற்கு) மாவட்டம், விருகம்பாக்கம் தொகுதி சட்டமன்ற உறுப்பினர் அலுவலகத்தில் நடைபெற்ற இந்நிகழ்ச்சியில், மாவட்ட செயலாளரும்,சட்டமன்ற உறுப்பினருமான விருகை வி.என்.ரவி பேசியதாவது:-

புரட்சித்தலைவி அம்மா அவர்களின் வழியில் முதலமைச்சர் நல்லாட்சி நடத்துவதோடு தமிழக மக்களுக்கு எண்ணற்ற திட்டங்களை வாரி வழங்கி வருகிறார். இளைஞர்கள் இளம்பெண்கள் வருகின்ற தேர்தலில் சிறப்பாக பணியாற்றி கழகத்தை அதிக வாக்கு வித்தியாசத்தில் வெற்றிபெற செய்து புரட்சித்தலைவி அம்மா அவர்களின் சமாதியில் வெற்றிக்கனியை சமர்ப்பிக்க வேண்டும்.

அதற்காக மக்களிடம் வீடுகளுக்கு சென்று கழக அரசின் திட்டங்கள் குறித்து எடுத்துரைத்து வாக்குகளை முறையாக கழகத்திற்கு செலுத்த அயராது பாடுபட வேண்டும். இதற்காக நீங்கள் தகவல் தொழில் நுட்பத்தை பயன்படுத்தி அன்றாடம் நடக்கும் நல்ல நிகழ்வுகளை சிறப்பாக எடுத்துரைக்க செய்து கழக ஆட்சி தொடர உங்களது பங்களிப்பை முழுமனத்தோடு செலுத்த வேண்டும்.

இவ்வாறு விருகை வி.என்.ரவி எம்.எல்.ஏ பேசினார்.

இந்நிகழ்ச்சிக்கான ஏற்பாடுகளை 138-வது மேற்கு வட்ட கழக செயலாளர் ஏ.குட்டி செய்திருந்தார். நிகழ்ச்சியில் பகுதி கழக செயலாளர் ஏ.எம்.காமராஜ், மகா.பழனிசாமி, அண்ணாமலை, விருகை தனசேகர், ஜி.சுரேஷ், பன்னீர், நிர்மல், காணுநகர் தினேஷ், எம்.வைகுண்டராஜன், குமார் மற்றும் நிர்வாகிகளும், கழகத்தொண்டர்களும், பொது மக்களும் கலந்து கொண்டனர்.