தற்போதைய செய்திகள்

திருப்பத்தூரில் கழக தொழில் நுட்ப பிரிவு ஆலோசனைக்கூட்டம் – கழக செய்தி தொடர்பாளர் மருது அழகுராஜ் பங்கேற்பு

சிவகங்கை

சிவகங்கை மாவட்டம் திருப்பத்தூரில் நடைபெற்ற கழக தொழில்நுட்ப பிரிவு ஆலோசனைக் கூட்டத்தில் கழக செய்தி தொடர்பாளர் மருதுஅழகுராஜ் பங்கேற்று ஆலோசனை வழங்கினார்.

சிவகங்கை மாவட்டம் திருப்பத்தூர் சட்டமன்றத் தொகுதிக்குட்பட்ட தொழில் நுட்ப பிரிவு நிர்வாகிகள் ஆலோசனை கூட்டம் மாவட்டச் செயலாளர் செந்தில்நாதன் தலைமையில் திருப்பத்தூரில் நடைபெற்றது. இக்கூட்டத்தில் சிவகங்கை மாவட்ட தொழிநுட்பப் பிரிவு செயலாளர் கோபி, மாவட்ட அவைத்தலைவர் நாகராஜன், ஒன்றியக் கழகச் செயலாளர்கள் ராமலிங்கம் வாசு, ராஜமாணிக்கம், நகரச் செயலாளர் இப்ராஹிம் ஷா, மாவட்ட ஊராட்சி குழு உறுப்பினர் பொன்மணிபாஸ்கர் ,மாவட்ட இளம்பெண் மற்றும் இளைஞர் பாசறைச் செயலாளர் பிரபு ஆகியோர் பங்கேற்றனர்.

இக்கூட்டத்தில் கழகச் செய்தித் தொடர்பாளரும், நமது பத்திரிக்கை ஆசிரியருமான மருது அழகுராஜ் பேசுகையில், கழக தொழில்நுட்ப பிரிவு அணியை வலுப்படுத்த கழக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி கே..பழனிசாமி ஆகியோர் தகவல் தொழில்நுட்ப பிரிவு 4 மண்டலங்களாக அறிவித்து பொறுப்பாளர்களை நியமித்து உள்ளனர்.

இனி வர இருக்கிற தேர்தல்களில் தொழில்நுட்ப உத்திகள் தான் களத்தில் இருக்கப் போகின்றது. அதற்கேற்றாற்போல் நமது கழகத்தின் தகவல் தொழில்நுட்ப பிரிவு மாற்றம் செய்யப்பட்டு உள்ளது. நமது மாவட்டத்திற்கு நான்கு சட்டமன்றத் தொகுதிக்கு புதிய நிர்வாகிகள் நியமிக்கப்பட்டு ஆலோசனை கூட்டங்கள் நடைபெற்று வருகின்றன.

புதிதாக நியமிக்கப்பட்ட தகவல் தொழில்நுட்ப பிரிவு நிர்வாகிகளுக்கு மனமார்ந்த பாராட்டுக்களை தெரிவித்துக் கொள்கிறேன் என்றார். இக்கூட்டத்தில் மாவட்ட தகவல் தொழில்நுட்ப பிரிவு இணைச் செயலாளர் தவசு பாண்டியன் மற்றும் தகவல் தொழில்நுட்பப் பிரிவு நிர்வாகிகள் கலந்து கொண்டனர்.