தற்போதைய செய்திகள்

3-வது முறையாக கழக ஆட்சி அமைய சுழன்று சுழன்று பணியாற்றுவோம் : இளைஞர்-இளம்பெண்கள் பாசறை ஆலோசனை கூட்டத்தில் தீர்மானம்

சென்னை

எட்டு திக்கும் சுட்டு பாய்கிற தோட்டக்களாக புறப்படுவோம் என்றும், 3-வது முறையாக கழக ஆட்சி அமைய சுழன்று, சுழன்று பணியாற்றுவோம் என்று கழக இளைஞர், இளம்பெண்கள் பாசறை ஆலோசனை கூட்டத்தில் தீர்மானம் நிறைவேற்றப்பட்டது.

தமிழக மக்களின் நலனுக்காகவே தனது வாழ்நாளை அர்ப்பணித்து, தவ வாழ்வு வாழ்ந்த, நம் இதயதெய்வம் புரட்சித்தலைவி அம்மா அவர்களின் சிந்தனையில் உதித்து துவங்கப்பட்டு, சிறப்பாக களப்பணியாற்றி வரும் கழக இளைஞர் பாசறை, இளம்பெண்கள் பாசறைக்கு புதிய உறுப்பினர்களை சேர்க்கும் பணிகளை மேலும் விரைவுபடுத்துவது குறித்தும், 2021 சட்டமன்ற பொதுத்தேர்தலில் மீண்டும் அம்மாவின் ஆட்சி அமைவதற்கு, எவ்வாறு தேர்தல் பணியாற்ற வேண்டும் என்பது குறித்தும், கழக இளைஞர் பாசறை, இளம் பெண்கள் பாசறை மாவட்டச் செயலாளர்கள் ஆலோசனைக் கூட்டம் தலைமைக் கழகத்தில் நேற்று நடைபெற்றது. இக்கூட்டத்திற்கு கழக இளைஞர் பாசறை, இளம்பெண்கள் பாசறைச் செயலாளர் வி.பி.பி.பரமசிவம் எம்.எல்.ஏ தலைமை தாங்கினார்.

இக்கூட்டத்திற்கு முன்னாள் சட்டமன்ற உறுப்பினரும், கழக தலைமை செயற்குழு உறுப்பினரும், கழக இளைஞர் பாசறை, இளம்பெண்கள் பாசறை இணைச் செயலாளருமான ஆர்.ராஜலட்சுமி, கழக இளைஞர் பாசறை, இளம்பெண்கள் பாசறை இணைச் செயலாளர்கள் ஆர்.எஸ்.முத்துச்சாமி, கே.பி.ஆனந்த், கழக இளைஞர் பாசறை, இளம் பெண்கள் பாசறை துணைச் செயலாளர்கள் ஜி.பழனிவேல், ஆர்.சி.எம்.விஷ்ணுபிரபு, டாக்டர் கவிதா கிருஷ்ணமூர்த்தி, எஸ்.சிவக்குமார் ஆகியோர் முன்னிலை வகித்தனர்.

இக்கூட்டத்தில் கழக இலக்கிய அணிச் செயலாளரும், கழக செய்தித் தொடர்பாளரும், தமிழ்நாடு பாடநூல் நிறுவனத்தின் தலைவருமான பா.வளர்மதி, கழக கொள்கை பரப்பு துணைச் செயலாளரும், கழக செய்தித் தொடர்பாளரும்,
முன்னாள் அமைச்சருமான டாக்டர் வைகைச்செல்வன், கழக தகவல் தொழில்நுட்பப் பிரிவு சென்னை மண்டலச் செயலாளர் அஸ்பயர் கே.சுவாமிநாதன் ஆகியோர் சிறப்பு அழைப்பாளர்களாக கலந்து கொண்டனர்.

இக்கூட்டத்தில் நிறைவேற்றப்பட்ட தீர்மானங்கள் வருமாறு:-

தீர்மானம்-1 

2021-ல் நடைபெற உள்ள தமிழ்நாடு சட்டமன்றப் பேரவை பொதுத்தேர்தலில், அனைத்திந்திய அண்ணா திராவிட முன்னேற்றக் கழகத்தின் சார்பில் முதலமைச்சர் வேட்பாளராக, கழக இணை ஒருங்கிணைப்பாளரும், தமிழ்நாடு முதலமைச்சருமான எடப்பாடி கே.பழனிசாமியை அறிவித்தமைக்கு, கழக ஒருங்கிணைப்பாளரும், தமிழ்நாடு துணை முதலமைச்சருமான ஓ.பன்னீர்செல்வத்துக்கு, கழக இளைஞர் பாசறை, இளம்பெண்கள் பாசறை தனது நெஞ்சார்ந்த நன்றியை தெரிவித்துக் கொள்கிறது.

தீர்மானம் – 2 

அரசுப் பள்ளிகளில் பயில்கின்ற கிராமப்புற மாணவ, மாணவியர் பயன்பெறும் வகையில், மருத்துவக்கல்லூரிகளில் 7.5 சதவீத இடஒதுக்கீடு கிடைப்பதற்கு வழிவகை செய்துள்ள முதலமைச்சர் எடப்பாடி கே.பழனிசாமிக்கு, கழக இளைஞர் பாசறை, இளம்பெண்கள் பாசறை, தனது நெஞ்சார்ந்த நன்றியை தெரிவித்துக் கொள்கிறது.

தீர்மானம்-3

கழக அரசின் வரலாற்றுச் சிறப்பு மிக்க சாதனைகளில் சில, தொட்டில் குழந்தைத் திட்டம், மகளிர் காவல் நிலையம், பெண் கமாண்டோ படை, தாலிக்கு தங்கம், மகளிருக்கு மானிய விலையில் ஸ்கூட்டி, மாணவ, மாணவிகளுக்கு விலையில்லா மிதிவண்டி, விலையில்லா அரிசி, அம்மா உணவகம், அம்மா மருந்தகம், அம்மா குடிநீர், பேருந்து நிலையங்களில் தாய்மார்கள் பாலூட்ட தனியறைகள், ஏழை, எளிய மக்கள் பயன்பெற 2000 மினி கிளினிக்குகளை ஏற்படுத்தி சாதனைகள் பலவற்றை நிகழ்த்தி உள்ளதோடு, கொரோனா பெருந்தொற்று காலத்தில் கூட, தமிழகத்திற்கு 60 ஆயிரம் கோடி ரூபாய் முதலீட்டை ஈர்த்து, 80 ஆயிரம் இளைஞர்கள், இளம் பெண்களுக்கு வேலைவாய்ப்புகளை உருவாக்கி, இந்தியாவிலேயே முதன்மை மாநிலமாக தமிழகத்தை விளங்கச் செய்திருக்கும் முதலமைச்சர் எடப்பாடி கே. பழனிசாமிக்கும், துணை முதலமைச்சர் ஓ.பன்னீர்செல்வத்துக்கும், கழக இளைஞர் பாசறை, இளம் பெண்கள் பாசறை, தனது நெஞ்சார்ந்த நன்றியை தெரிவித்துக் கொள்கிறது.

தீர்மானம் – 4 

குடிமராமத்து, தடுப்பணை கட்டுதல் உள்ளிட்ட மகத்தான திட்டங்கள் மூலமும், மழைநீர் சேகரிப்பு போன்ற திட்டங்கள் மூலமும், நீரை சேமித்தும், நிலத்தடி நீரை உயர்த்தியும், நீர்மேலாண்மையில், இந்தியாவிலேயே தமிழ்நாடு முதன்மை மாநிலமாக விளங்கச் செய்திருக்கும், முதலமைச்சர் அண்ணன் எடப்பாடி கே.பழனிசாமிக்கும், துணை முதலமைச்சர் ஓ.பன்னீர்செல்வம்த்துக்கும், கழக இளைஞர் பாசறை, இளம்பெண்கள் பாசறை தனது நன்றி மலர்களை காணிக்கையாக்குகிறது.

தீர்மானம் – 5 

திமுக.வின் பொய்ப் பிரச்சாரங்களையும், பொய் வாக்குறுதிகளையும், கபட நாடகங்களையும் மக்கள் மன்றத்திலே தோலுரித்து, புரட்சித்தலைவர் டாக்டர் எம்.ஜி.ஆர், இதயதெய்வம் புரட்சித்தலைவி அம்மா ஆகியோரது வழியில் செயல்பட்டுக் கொண்டிருக்கும் கழக அரசின் மகத்தான சாதனைகளையும், சமூக நலத்திட்டங்களையும், சமூக ஊடகங்கள் மற்றும் இன்னபிற வழிமுறைகளில் பட்டிதொட்டியெங்கும் வாழும் மக்களிடம் கழக இளைஞர் பாசறை, இளம்பெண்கள் பாசறை எடுத்துச் செல்லும் என்று உறுதிமொழி ஏற்கிறது.

தீர்மானம் – 6 

புரட்சித்தலைவர் டாக்டர் எம்.ஜி.ஆர்., இதயதெய்வம் புரட்சித்தலைவி அம்மா ஆகியோர் கொடுத்துச் சென்ற நல்லாட்சியை, மீண்டும் 2021 சட்டமன்ற பொதுத்தேர்தலில் வெற்றிபெற்று, மூன்றாம் முறையாக தொடர்வதற்கு,
கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம், கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி ஆகியோர் இடுகின்ற பணிகளை, ஆணைகளை, தேர்தல் வியூகங்களை ஏற்று, கழக இளைஞர் பாசறை, இளம்பெண்கள் பாசறை எட்டுத் திக்கும் சுட்டுப்பாய்கின்ற தோட்டாக்களாக, சுற்றிச் சுழன்று பணியாற்றி, இதயதெய்வம் புரட்சித்தலைவி அம்மா அவர்களின் ஆட்சியை மூன்றாவது முறையாக மீண்டும் அமைப்போம், அமைப்போம் என்று கழக இளைஞர் பாசறை, இளம்பெண்கள் பாசறை இந்தக் கூட்டத்தின் வாயிலாக உளமார சூளுரை ஏற்கிறது.

இவ்வாறு தீர்மானங்கள் நிறைவேற்றப்பட்டன.