தமிழகம்

மின்வாரியத்தை தனியார்மயமாக்கும் எண்ணம் எதுவும் அரசுக்கு இல்லை – முதலமைச்சர் எடப்பாடி கே.பழனிசாமி திட்டவட்டம்

சேலம்

மின்வாரியத்தை தனியார் மயமாக்கும் எண்ணம் எதுவும் அரசுக்கு இல்லை என்று முதலமைச்சர் எடப்பாடி கே.பழனிசாமி திட்டவட்டமாக தெரிவித்தார்.

முதலமைச்சர் எடப்பாடி கே.பழனிசாமி சேலம் மாவட்டத்தில் நேற்று செய்தியாளர்களுக்கு அளித்த பேட்டி வருமாறு:-

கேள்வி:- உயர்நீதிமன்ற நீதிபதிகளும், RTI-ல் கேட்டதற்கு அது தொடர்பான எந்த விவரமும் இல்லை என்று தெரிவித்துள்ளார்கள். அதனால், தமிழக அரசுக்கு நிலம் கொடுக்க மனமில்லையா என்று கேட்டுள்ளார்களே?
பதில்: நிலம் கொடுப்பதாக சொல்லிவிட்டோம். அது தொடர்பாக மத்திய அரசுக்கும் கடிதம் எழுதிவிட்டோம். 2017-ல் முடிக்கப்பட்டுவிட்டது என்ற செய்தியையும் சொல்லிவிட்டோம். சம்பந்தப்பட்ட அதிகாரி வந்து நிலத்தை பெற்றுக்கொள்ள வேண்டும்.

கேள்வி:- மின்சார வாரியம் தனியார் மயமாக்கப்பட்டது என்று …

பதில்:- தனியார் மயமாக்கப்பட்டது என்ற நிலையே இல்லை. நான் தெளிவாக திரும்பத் திரும்ப சொல்லிக் கொண்டிருக்

கின்றேன். இதுவரை அப்படிப்பட்ட எண்ணம் தமிழ்நாடு அரசிற்கு இல்லை.

கேள்வி:- 10,000 கேங்க்மேன் தேர்வு எழுதிவிட்டு பாஸ் பண்ணி நீதிமன்றத்திற்கு சென்று இருக்கிறார்களே…
பதில்:- நீதிமன்றத்தில் இருப்பதால் நாங்கள் ஒன்றும் செய்ய முடியாது. இருந்தாலும், மின்துறை அமைச்சர், நாமக்கல்லில் இதற்குத் தகுந்த பதில் கொடுத்திருக்கிறார்.

கேள்வி:- காவலர்களுக்கான ஊதிய உயர்வு தொடர்பாக …

பதில்:- இந்த வழக்கு நீதிமன்றத்தில் இருக்கிறது. கேள்வி:- நீதிமன்றமே அந்தக் கேள்வி கேட்டிருக்கிறதே?
பதில்: நீதிமன்றத்தில் இந்த வழக்கு நடைபெற்றுக் கொண்டிருப்பதால் நீதிமன்றத்தில்தான் அந்த தகவலை தெரிவிக்க முடியும். வழக்கு இல்லையென்றால் நான் உங்களுக்கு தகுந்த பதிலை சொல்லலாம். ஆனால்,நீதிமன்றத்தில் வழக்கு இருக்கும்போது நான் உங்களுக்கு பேட்டி கொடுக்க முடியாது, அது தவறாக ஆகிவிடும். நீதிமன்றத்தில் சொல்ல வேண்டியதை இங்கு சொல்வது பொருத்தமாக இருக்காது.

இவ்வாறு முதலமைச்சர் எடப்பாடி கே.பழனிசாமி கூறினார்.