தற்போதைய செய்திகள்

நீட், கல்விக்கடன் ரத்து என்றாரே? பொய் முதல்வர் செய்தாரா- மக்களை ஏமாற்ற விடமாட்டோம் – ஒருங்கிணைப்பாளர்கள் உறுதி மொழி

சென்னை

நீட், கல்விக்கடன் ரத்து என்றாரே? செய்தாரா, செய்தாரா பொய் முதல்வர் செய்தாரா-மக்களை ஏமாற்ற விடமாட்டோம் என்று கழக ஒருங்கிணைப்பாளர்கள் உறுதிமொழி ஏற்றனர்.

5-ம் ஆண்டு நினைவு தினத்தை முன்னிட்டு சென்னை மெரினா கடற்கரையில் உள்ள கழகத்தின் நிரந்தர பொதுச்செயலாளர், இதயதெய்வம் புரட்சித்தலைவி அம்மா அவர்களின் நினைவிடத்தில் நேற்று மலர்வளயைம் வைத்து அஞ்சலி செலுத்திய கழக ஒருங்கிணைப்பாளர் ஓ.பன்னீர்செல்வம் தலைமையில் கழக இணை ஒருங்கிணைப்பாளர் எடப்பாடி கே.பழனிசாமி உள்பட கழகத்தினர் அனைவரும் உறுதிமொழி ஏற்றுக்கொண்டனர்.
பொய் வழக்குகள் பல போட்டு, நம்மை முடக்கிவிட நினைப்போரின், ஆணவத்தை அடக்கிடுவோம்.


நம் கழகத்தை அழித்திடலாம் என, பகல் கனவு காண்போரின்
சதி வலையை அறுத்தெறிவோம் என,
உறுதி ஏற்கிறோம்; உறுதி ஏற்கிறோம்.
ஆட்சிக்கு வந்தவுடன் நீட் தேர்வு ரத்தென்றார்;
ஆட்சிக்கு வந்தவுடன் கல்விக் கடன் ரத்தென்றார்;
ஆட்சிக்கு வந்தவுடன் விலைவாசி குறையுமென்றார்;
செய்தாரா… செய்தாரா… பொய் முதல்வர் செய்தாரா…
விடமாட்டோம்.. விடமாட்டோம்.. இனிமேலும் தமிழர்களை ஏமாற்ற,
விடமாட்டோம் என்று உறுதியேற்கிறோம்.. உறுதியேற்கிறோம்.

அம்மாவின் ஆட்சியிலே, மழை வந்தால் குடையானோம்;
புயல் வந்தால் துணை நின்றோம்;
பெருவெள்ளம் வந்தாலும், தண்ணீர் தேங்கவில்லை…
நம் சேவைகள் ஓயவில்லை… இன்றைய மக்கள் விரோத ஆட்சியிலே,
தெருவெங்கும் தண்ணீர்… தண்ணீர்…
தமிழர்களின் விழிகளிலே கண்ணீர்… கண்ணீர்…
தீயசக்தி ஆட்சியிலே, தண்ணீரும் வடியவில்லை;
தமிழர் வாழ்வும் விடியவில்லை!
மாற்றுவோம்… மாற்றுவோம்… இந்த அவல நிலையை மாற்றுவோம்…

இந்த ஆட்சியை மாற்றுவோம்; இந்த ஆட்சியை மாற்றுவோம் என்று,
உறுதி ஏற்கிறோம்… உறுதி ஏற்கிறோம்.
இவ்வாறு கழக ஒருங்கிணைப்பாளர்கள் தலைமையில் கழகத்தினர் அனைவரும் உறுதிமொழி ஏற்றனர்.