தற்போதைய செய்திகள்

நாகர்கோவிலில் 1500 பேருக்கு முக கவசம், கபசுர குடிநீர் பாக்கெட் – தமிழ்மகன்உசேன் வழங்கினார்

கன்னியாகுமரி

கன்னியாகுமரி மாவட்டம், நாகர்கோவில் நகரத்தில் 1500 பேருக்கு முககவசம், கபசுர குடிநீர் சூரணம் பாக்கெட்டுகளை அனைத்துலக எம்.ஜி.ஆர். மன்றச் செயலாளர் தமிழ்மகன் உசேன் வழங்கினார்.

கன்னியாகுமரி மாவட்டம், நாகர்கோவில் நகரத்தில், கல்கோவில் சந்திப்பு, பெண்கள் கிறிஸ்தவ கல்லூரி ரோடு சந்திப்பு பகுதியிலுள்ள பொதுமக்கள் 1500 பேருக்கு, அனைத்துலக எம்.ஜி.ஆர். மன்றம் சார்பாக, செயலாளர் டாக்டர் தமிழ்மகன் உசேன், முககவசம் மற்றும் கபசுர குடிநீர் சூரணம் பாக்கெட்டுகளை வழங்கினார்.

இந்நிகழ்ச்சியில் மாவட்ட இளைஞர் பாசறை செயலாளர் டி.ஷாநவாஸ், சிறுபான்மை மாவட்ட துணைச் செயலாளர் முகம்மது பஷீர், த. மாகீன் அபுபக்கர், மாவட்ட எம்.ஜி.ஆர். மன்றப் பொருளாளர் எஸ்.எம். பிள்ளை, மாவட்ட எம்.ஜி.ஆர். மன்ற இணைச் செயலாளர்கள் துபாய் மாகீன், நாஞ்சில் முருகன், மாவட்ட எம்.ஜி.ஆர். மன்ற துணைச் செயலாளர் முகம்மது ராபி, கமால் நாசர், சமூக சேவகர் ஜெயமோகன், ஜவாத் பாய், அல் அமீன் நகர் ரப்பானி, ரவூப் ஆலீம், தைக்காபள்ளி அஜீம், மஜீத், எஸ். நாகராஜன் ஆகியோர் கலந்து கொண்டனர்.