தமிழகம்

கொரோனா தடுப்பு நடவடிக்கைக்கு 675 புதிய மருத்துவர்கள் நியமனம்

சென்னை

கொரோனா நோய் தடுப்பு நடவடிக்கைக்கு மேலும் 675 புதிய மருத்துவர்களை நியமனம் செய்து சுகாதாரத்துறை உத்தரவிட்டுள்ளது.

கொரோனா பாதிப்பை கட்டுபடுத்த பல்வேறு நடவடிக்கைகளை தமிழக அரசு மேற்கொண்டு வருகிறது. ஏற்கனவே மருத்துவர்கள், செவிலியர்கள், லேப் டெக்னீசியன் ஆகியோர்களை தமிழக அரசு நியமனம் செய்துள்ளது. இந்த நிலையில், ஒப்பந்த அடிப்படையில் புதிதாக 675 மருத்துவர்களை 40 ஆயிரம் ரூபாய் தொகுப்பூதியத்தில் பணியமர்த்த முடிவு செய்யப்பட்டுள்ளது.

மருத்துவ தேர்வாணையத்தில் பதிவு செய்த மருத்துவர்களுக்கு அழைப்பு விடுக்கப்பட்டுள்ளது. உடனடியாக பணியில் சேரவும் தமிழக அரசு வேண்டுகோள் விடுத்துள்ளது. 3 மாத காலம் பணி தேவையேற்பின் பணி நீட்டிப்பு செய்யப்படும் என்றும் தேசிய நலவாழ்வு இயக்கத்தின் மூலம் நியமிக்க சுகாதாரத்துறை உத்தரவில் தெரிவிக்கப்பட்டுள்ளது. புதிதாக நியமனம் செய்யப்படவுள்ள 675 மருத்துவர்கள் தமிழகத்தில் உள்ள 25 மருத்துவக்கல்லூரிகளில் பெரிய மருத்துவக்கல்லூரிகளுக்கு 30 பேரும், சிறிய மருத்துவ கல்லூரிக்கு 20 பேரும் நியமிக்கப்படவுள்ளனர்.