ராமநாதபுரம்

எதிர்க்கட்சிகளுக்கு சிம்ம சொப்பனமாக பெண்கள் திகழ வேண்டும் – எம்‌.ஏ.முனியசாமி வேண்டுகோள்

மதுரை

அம்மா அரசின் திட்டங்களை மக்களுக்கு எடுத்துக் கூறி எதிர்க்கட்சிகளுக்கு சிம்ம சொப்பனமாக பெண்கள் திகழ வேண்டும் என்று ராமநாதபுரம் மாவட்ட கழக செயலாளர் எம்‌ஏ.முனியசாமி வேண்டுகோள் விடுத்துப் பேசினார்.

முதலமைச்சர் மற்றும் துணை முதலமைச்சர் ஆணைக்கிணங்க ராமநாதபுரம் மாவட்டத்தில் உள்ள ஆர்.எஸ் மங்கலம் ஒன்றியம் பகுதியில் குழு கொண்ட பூத் கமிட்டி கூட்டம் நடைபெற்றது. நிகழ்ச்சியில் ராமநாதபுரம் மாவட்ட கழக செயலாளரும், மாவட்ட மத்திய கூட்டுறவு வங்கி தலைவருமான எம்.ஏ.முனியசாமி கலந்து கொண்டு ஆலோசனை வழங்கி பேசியதாவது:-

இன்றைக்கு தமிழகத்தில் இளைஞர்களுக்கும், பெண்களுக்கும் திட்டங்களை வாரி வழங்கும் அரசாக புரட்சித்தலைவி அம்மாவின் அரசு திகழ்கிறது. புரட்சித்தலைவி அம்மா எப்படி சிறப்புமிக்க ஆட்சியை நடத்தினார்களோ அதேபோல் இன்றைக்கு முதல்வரும் துணை முதல்வரும் நடத்தி வருகின்றனர்.

திமுக ஆட்சியில் பெண்களுக்கும், இளைஞர்களுக்கும் எந்த நன்மையும் செய்யவில்லை என்பது உங்களுக்கெல்லாம் தெரியும் குறிப்பாக திமுக ஆட்சி காலத்தில் வேலை வாய்ப்பு இல்லை பெண்களுக்கு பாதுகாப்பு இல்லை, மேலும் குடும்ப வாரிசு அரசியல் தான் மேலோங்கியிருந்தது அதை முறியடித்தவர் புரட்சித்தலைவி அம்மா,

இந்த ஐந்து ஆண்டுகளில் எண்ணற்ற சாதனை திட்டங்களை முதலமைச்சர் வழங்கியுள்ளார். குறிப்பாக குடிமராமத்து திட்டம் உழைக்கும் பெண்களுக்கு மானிய விலையில் இருசக்கர வாகன திட்டம் இதனைத் தொடர்ந்து பல்வேறு திட்டங்களை வழங்கி வந்த நிலையில் தற்போது பொங்கல் பரிசாக 2,500 ரூபாயை முதலமைச்சர் அறிவித்து அதனை தொடங்கி வைத்துள்ளார்.பெண்களாகிய நீங்கள் அம்மா அரசு சாதனை திட்டங்களை வீடு வீடாக எடுத்துச் சென்று பிரச்சார பீரங்கியாக செயல்பட்டு திமுகவிற்கு சிம்ம சொப்பனமாக திகழவேண்டும்.

இவ்வாறு ராமநாதபுரம் மாவட்ட கழக செயலாளர் எம்.ஏ.முனியசாமி பேசினார்.

இக்கூட்டத்தில் இளைஞர் பாசறை மற்றும் மகளிர் குழு நிர்வாகிகளுடன் பல்வேறு ஆலோசனை வழங்கினார். இந்நிகழ்ச்சியில் ஒன்றிய கழக செயலாளர் நந்திவர்மன், இளைஞர், இளம்பெண்கள் பாசறை செயலாளர் பால்பாண்டியன், மாவட்ட துணை செயலாளர் பாதுஷா, மாவட்ட மாணவரணி செயலாளர் செந்தில்குமார், பொதுக்குழு உறுப்பினர் நாகராஜன் மற்றும் ஒன்றிய நிர்வாகிகள் உடனிருந்தனர்.