தற்போதைய செய்திகள்

பெண்களே வீடு, வீடாக சென்று வாக்கு சேகரிக்க வேண்டும் – துணை ஒருங்கிணைப்பாளர் கே.பி.முனுசாமி வேண்டுகோள்

கிருஷ்ணகிரி
தனி தொகுதியை கழகம் நிச்சயம் கைப்பற்றும், இதற்காக பெண்களே வீடு, வீடாக சென்று வாக்கு சேகரிக்க வேண்டும் என்று துணை ஒருங்கிணைப்பாளர் கே.பி.முனுசாமி கேட்டுக் கொண்டுள்ளார்.

கிருஷ்ணகிரி மாவட்டம், தளி சட்டமன்ற தொகுதிக்குட்பட்ட குந்துக்கோட்டை, பாலதோட்டன் உள்ளி உள்ள மலை கிராமங்களில் நடைப்பெற்ற கழக வாக்குசாவடி முகவர்கள் மற்றும் நிர்வாகிகள் கூட்டத்தில் கழக துணை ஒருங்கிணைப்பாளரும், மாநிலங்களவை எம்பியுமான கே.பி.முனுசாமி பங்கேற்று பேசியதாவது:-

கர்ப்பிணி பெண்கள் மற்றும் குழந்தைகளின் ஊட்டச்சத்திற்காக அம்மா வழங்கி வந்த 12000 ரூபாயை முதலமைச்சர் எடப்பாடி கே.பழனிசாமி 18,000 ரூபாயாக உயர்த்தியதுடன் அவர்களின் வங்கி கணக்கிற்கே செலுத்த உத்தரவிட்டார்.
தமிழக முதல்வரின் எண்ணத்தில் உதித்த மினி கிளினிக் திட்டத்தால் ஏழை மக்கள் அனைவரும் இலவச மருத்துவம் பார்ப்பதற்கான சூழல் ஏற்பட்டுள்ளது.

தயவு செய்து கிராமப் புறங்களில் உள்ள மினி கிளினிக்குகளில் மருத்துவர், செவிலியர்களிடம் பொதுமக்கள் அன்பாக நடந்து கொள்ள வேண்டும். தெய்வத்தை கண்ணில் பார்க்காத நாம் நோய் வாய் பட்டபோது தெய்வங்களாக இருப்பவர்கள் மருத்துவர், செவிலியர்களே.பட்டினியுடன் பள்ளிக்கு செல்லாமல் இருந்த குழந்தைகளை அரசின் மொத்த கஜானாவும் தீர்ந்தாலும் பரவாயில்லை பிச்சை எடுத்தாகிலும் படிக்க வைக்க வேண்டுமென சத்துணவு திட்டத்தை புரட்சித்தலைவர் எம்.ஜி.ஆர் அமல்படுத்தினார்.

தாய் 8 அடி பாய்ந்தால் பிள்ளை 16 அடி பாயும் என்கிற சொல்லைப்போல பெண்கள் நடந்து செல்லாமல் கூச்சம், வெட்கம் உள்ளிட்டவற்றை கடந்து தன்னம்பிக்கையுடன் செல்ல இலவச மிதிவண்டிகளை வழங்கினார் புரட்சித்தலைவி அம்மா.
டெல்லி உள்ளிட்ட மாநிலங்களில் பெண்களுக்கு 33 சதவீத இட ஒதுக்கீட்டை வழங்க முடியாத நிலையில், தமிழகத்தில் உள்ளாட்சி தேர்தலில் 50 சதவீத இட ஒதுக்கீட்டை வழங்கியவர் அம்மா.

அம்மா இல்லாத குறையை போக்கும் வகையில் அதிமுக அரசின் சாதனைகளை பெண்களே வீடு வீடாக சென்று வாக்குகளை சேகரிக்க வேண்டும் இந்த தேர்தலில் தளி தொகுதியை கழகம் நிச்சயம் கைப்பற்றும்.மருத்துவர்களும், செவிலியர்களும் கடமை உணர்வோடும் ஏழைகளுக்கு உதவிடும் சிந்தனையுடன் செயல்பட்டால் மட்டுமே அரசின் இந்த திட்டம் வெற்றியடையும்.

இவ்வாறு கழக துணை ஒருங்கிணைப்பாளர் கே.பி.முனுசாமி பேசினார்.

பின்னர் தளி தொகுதிக்குட்பட்ட வாக்குச்சாவடி முகவர்கள் மற்றும் ஆலோசனை கூட்டம் முன்னாள் அமைச்சரும், கிருஷ்ணகிரி மேற்கு மாவட்ட கழக செயலாளருமான பாலகிருஷ்ணா ரெட்டி தலைமையில் குந்துக்கோட்டை, உள்ளிட்ட நான்கு இடங்களில் நடைப்பெற்றது. தேன்கனிக்கோட்டை ஒன்றிய செயலாளர் ஜாகீர் உசேன் வரவேற்புரை ஆற்றினார்.