தற்போதைய செய்திகள்

ஆம்பூர் அடுத்த மாதனூரில் முதலமைச்சருக்கு சிறப்பான வரவேற்பு – அமைச்சர் கே.சி.வீரமணி சால்வை பூங்கொத்து வழங்கி வரவேற்றார்

வேலூர்

திருப்பத்தூர் மாவட்ட எல்லையான ஆம்பூர் அடுத்த மாதனூரில் முதலமைச்சருக்கு வேலூர் மேற்கு மாவட்ட கழகம் சார்பில் சிறப்பான வரவேற்பு அளிக்கப்பட்டது.

முதலமைச்சர் எடப்பாடி கே.பழனிசாமி நேற்று கிருஷ்ணகிரி மாவட்டத்தில் பல்வேறு நிகழ்ச்சியில் கலந்து கொள்வதற்காக சென்னையிலிருந்து திருப்பத்தூர் மாவட்ட எல்லையான ஆம்பூர் அடுத்த மாதனூர் பகுதிக்கு வருகை தந்த போது, வேலூர் மேற்கு மாவட்ட கழக செயலாளரும், வணிகவரி மற்றும் பத்திரப்பதிவுத்துறை அமைச்சருமான கே.சி.வீரமணி முதலமைச்சருக்கு பூங்கொத்து வழங்கியும் சால்வை அணிவித்தும் வரவேற்றார்.

அதைத்தொடர்ந்து திருப்பத்தூர் மாவட்ட ஆட்சியர் ம.ப.சிவன்அருள், மாவட்ட காவல்துறை கண்காணிப்பாளர் விஜயகுமார், வாணியம்பாடி வருவாய் கோட்டாட்சியர் காயத்ரி சுப்பிரமணி, ஆவின் தலைவர் த.வேலழகன், வேலூர் மேற்கு மாவட்ட தகவல் தொழில்நுட்ப பிரிவு செயலாளர் ஜனனீ பி.சதீஷ்குமார், வேலூர் மாவட்ட மத்திய கூட்டுறவு வங்கி தலைவர் வி.இராமு,
மாவட்ட அறங்காவலர் குழு தலைவர் கே.ஜெயபிரகாஷ், ஒன்றிய கழகச் செயலாளர் ஜெ.ஜோதி ராமலிங்க ராஜா, மாவட்டக் கழக துணைச் செயலாளர் எஸ்.ஆர்.கே.அப்பு ஆகியோர் சால்வை அணிவித்தும் பூங்கொத்து வழங்கியும் வரவேற்றனர்.

நிகழ்ச்சியில் மாவட்ட எம்ஜிஆர் இளைஞர் அணி தலைவர் எம்.புகழேந்தி, பகுதி கழக செயலாளர்கள் எஸ்.குப்புசாமி, எஸ்.நாகு, முன்னாள் ஊராட்சி கழக செயலாளர் செ.கு.வெங்கடேசன், மாவட்ட தகவல் தொழில்நுட்ப பிரிவு தலைவர் ராஜன், பாபு மாவட்ட பிரதிநிதி ஜேக்கப் மற்றும் நிர்வாகிகள் பலர் கலந்து கொண்டனர்.