தற்போதைய செய்திகள்

மதுரை திருமங்கலத்தில் நூதன பிரச்சாரம் : அமைச்சர் ஆர்.பி.உதயகுமார் தொடக்கம்

மதுரை

மதுரை திருமங்கலம் தொகுதியில் பொதுமக்களக்கு அமைச்சர் ஆர்.பி.உதயகுமார் முகக்கவசங்கள் வழங்கி நூதன பிரச்சாரம் செய்தார். அப்போது அவர் அரசின் சாதனைகளை மக்களுக்கு விளக்கி கூறினார்.

மதுரை மாவட்டம் திருமங்கலம் தொகுதியில் உள்ள டி.கல்லுப்பட்டி ஒன்றியத்தில் கொட்டாணிபட்டி, நல்ல மரம், முத்துலிங்காபுரம், வையூர் வெங்கடாசலபுரம், குச்சம்பட்டி, சத்திர பட்டி, கவசகோட்டை, மங்கம்மாள் பட்டி உள்ளிட்ட கிராமப்புற பகுதிகளில் முதலமைச்சரின் சாதனை திட்டங்களை எடுத்துரைத்து மக்களுக்கு முக கவசங்கள் வழங்கி நுதன பிரசாரத்தை கழக அம்மா பேரவை செயலாளரும், மதுரை புறநகர் மேற்க்கு மாவட்ட கழக செயலாளரும் அமைச்சருமான ஆர்.பி.உதயகுமார் செய்தார்.

அப்போது அவர் பொதுமக்கள் மத்தியில் பேசியதாவது:-

கடந்த நான்கரை ஆண்டு காலத்தில் திருமங்கலம் தொகுதிக்கு 40 ஆண்டுகால திட்டத்தினை முதலமைச்சர் வழங்கியுளளார். குறிப்பாக கடந்த 2016 தேர்தலில் போது அம்மாவின் ஆசி பெற்ற வேட்பாளராக நான் போட்டியிட்டபோது நீங்கள் பல்வேறு கோரிக்கைகளை என்னிடம் வைத்தீர்கள்.

அவை அனைத்தும் சட்ட விதிகளுக்கு உட்பட்டு நிறைவேற்றப்பட்டுள்ளது. தலைநகர் டெல்லியில் இருக்கும் எய்ம்ஸ் மருத்துவமனை நமது தொகுதியில் வர இருக்கிறது. இது மிகப்பெரிய வரப்பிரசாதம். இந்த மருத்துவமனை மூலம் 19 மாவட்ட மக்கள் பயன்பெறுவார்கள். மேலும் திருமங்கலம் தொகுதிக்கு பாஸ்போர்ட் வர உள்ளது. இந்த தொகுதியின் நீண்ட நாள் கோரிக்கையான திருமங்கலத்தில் ரயில்வே மேம்பாலம் அமைக்கும் பணி விரைவில் தொடங்க உள்ளது.

இன்றைக்கு முதலமைச்சரும், துணை முதலமைச்சரும் திருமங்கலம் தொகுதி மக்களுக்கு வேண்டிய திட்டங்களை கிள்ளி கொடுத்தால் போதாது என்று அள்ளி அள்ளி கொடுத்து வருகின்றனர். கடந்த உள்ளாட்சித் தேர்தலில் திருமங்கலம் தொகுதிக்கு உட்பட்ட திருமங்கலம், கள்ளிக்குடி, கல்லுப்பட்டி ஒன்றியக்குழு தேர்தலில் மகத்தான ஆதரவை கழகத்துக்கு திமுகவுக்கு பாடம் கற்பித்தீர்கள்.

அதேபோல் வருகின்ற 2021 சட்டமன்றத் தேர்தலில் இரட்டை இலைக்கு வாக்களித்து திருமங்கலத்தில் மற்ற கட்சிகளை டெபாசிட் இழக்கச் செய்யும் வகையில் சரியான பதிலடி கொடுக்க வேண்டும். மேலும் கழகத்தை எதிர்த்து நிற்க எந்த கட்சியும் அச்சப்பட வேண்டும் என்ற சூழ்நிலையை நீங்கள் உருவாக்குவதோடு திருமங்கலம் தொகுதி என்றைக்குமே அம்மாவின் கோட்டை என்று நிரூபிக்க வேண்டும்.

இவ்வாறு அமைச்சர் ஆர்.பி.உதயகுமார் பேசினார்.

இந்த நிகழ்ச்சியில் ஒன்றிய செயலாளர்கள் ராமசாமி, அன்பழகன், மாவட்ட பொருளாளர் திருப்பதி, மாவட்ட தலைவர் ஐய்யப்பன், சேர்மன் பாவடியான், அம்மா பேரவை மாவட்ட செயலாளர் தமிழழகன், பெருளாளர் பிச்சைகனி, மாவட்ட வழக்கறிஞர் பிரிவு செயலாளர் வக்கீல் தமிழ்செல்வம் மாணவர் அணி மகேந்திரன், மாணிக்கம், சம்பத், பாலசுப்ரமணி, செயலாளர் கல்யாணி, கண்ணன், முருகன், ரஞ்சித் குமார், ராமசுப்ரமணியம், சத்ய சொரூபன், மகளிரணி மீனா லட்சுமி, சுமதி, சாமிநாதன், இளைஞர் அணி கார்த்தி காவல்துறை துணை கண்காணிப்பாளர் மதியழகன், காவல் ஆய்வாளர் துரைபாண்டி,உள்பட பலர் கலந்து கொண்டனர்.