தற்போதைய செய்திகள்

கொரோனா தொற்றை தடுக்க மக்கள் அதிகம் கூடும் இடங்களில் அதிகளவு பரிசோதனை செய்யுங்கள் – அமைச்சர் சேவூர் எஸ்.இராமச்சந்திரன் அறிவுறுத்தல்

சென்னை

கொரோனா தொற்றை தடுக்கும் வகையில் திருவண்ணாமலை மாவட்டத்தில் உள்ள நகராட்சி பகுதிகளில் மக்கள் அதிகமாக கூடுமிடங்களில் அதிகளவில் பரிசோதனைகள் மேற்கொள்ள வேண்டும் என்று அமைச்சர் சேவூர் எஸ்.இராமச்சந்திரன் அறிவுறுத்தினார்.

கொரோனா வைரஸ் நோய் தொற்று பரவாமல் இருக்க மேற்கொள்ளப்பட்டு வரும் முன்னெச்சரிக்கை மற்றும் தடுப்பு நடவடிக்கைகள் குறித்து திருவண்ணாமலை மாவட்ட ஆட்சியர் அலுவலகத்தில் இந்து சமய அறநிலையத் துறை அமைச்சர் சேவூர் எஸ்.இராமச்சந்திரன் தலைமையில் ஆய்வுக்கூட்டம் நேற்று நடைபெற்றது.

இக்கூட்டத்தில், மாவட்ட ஆட்சித்தலைவர் க.சு.கந்தசாமி, மாவட்ட வருவாய் அலுவலர் பொ.இரத்தினசாமி, உதவி ஆட்சியர் (பயிற்சி) அமித்குமார், திருவண்ணாமலை வருவாய் கோட்டாட்சியர் கூதேவி, தனிதுணை ஆட்சியர் சமூகபாதுகாப்பு திட்டம் செல்வி. மந்தாகினி, திருவண்ணாமலை அரசு மருத்துவக்கல்லூரி சகில்அகமது, மருத்துவ நலப்பணிகள் இணை இயக்குநர் கண்ணகி, மருத்துவ நலப்பணிகள் துணை இயக்குநர் மீரா, மருத்துவ நலப்பணிகள் உதவி திட்ட இயக்குநர் விஜயரமணன், திருவண்ணாமலை நகராட்சி ஆணையர் நவேந்திரன், மருத்துவ நலப்பணிகள் மற்றும் அரசு அலுவலர்கள் காவல்துறையினர் கலந்து கொண்டனர். மேலும் இந்து சமய அறநிலையத் துறை அமைச்சர் சேவூர் எஸ்.இராமச்சந்திரன் திருவண்ணாமலை நகராட்சிக்குட்பட்ட 11 வார்டுகளில் கொரோனா ரைவஸ் நோய் தொற்று பரவாமல் இருப்பதற்காக மேற்கொள்ளப்பட்டு வரும் நடவடிக்கைகள் குறித்து நேரில் சென்று ஆய்வு செய்தார்.

திருவண்ணாமலை மாவட்டத்தில் 15.07.2020 அன்று வரை 71185 மாதிரிகள் சோதனைக்கு எடுத்துக் கொள்ளப்பட்டு 67436 முடிவகள் பெறப்பட்டுள்ளது. திருவண்ணாமலை மாவட்டத்தில் 3347 நபர்களுக்கு நோய் தொற்று உறுதி செய்யப்பட்டு அவர்களில் 2234 புரணகுணமடைந்து வீடு திரும்பியுள்ளனர். திருவண்ணாமலை மாவட்ட எல்லைகளில் 41 சோதனைச் சாவடிகள் அமைக்கப்பட்டு மருத்துவத்துறை, காவல் துறை, வருவாய்த் துறை மற்றும் இதர துறைகள் மூலம் 24 மணி நேரமும் தீவிர கண்காணிப்பு பணிகள் மேற்கொள்ளப்பட்டு வருகிறது. மாவட்டத்தில் உள்ள 4 நகராட்சிகள், 10 பேரூராட்சிகள், 860 கிராம ஊராட்சிகளிலும் தூய்மை பணியாளர்கள், சுகாதாரப் பணியாளர்கள் மூலம் சுகாதாரப் பணிகள் தொடர்ந்து மேற்கொள்ளப்பட்டு வருவது குறித்தும் அமைச்சர் ஆய்வு மேற்கொண்டார்.

திருவண்ணாமலை மாவட்டத்தில் கொரோனா வைரஸ் நோய் தொற்று பரவாமல் தடுப்பதற்காக மேற்கொள்ளப்பட்டு வரும் முன்னெச்சரிக்கை மற்றும் தடுப்பு நடவடிக்கைகள் குறித்து திருவண்ணாமலை அரசு மருத்தவக்கல்லூரி மற்றும் மருத்துவமனை, மக்கள் நல்வாழ்வு மற்றும் குடும்ப நலத்துறை, பொது சுகாதாரம் மற்றும் தடுப்பு மருந்துத் துறை, காவல்துறை, வருவாய்த் துறை, ஊரக வளர்ச்சி மற்றும் ஊராட்சித் துறை, நகராட்சி நிர்வாகம், பேரூராட்சிகள் துறை உள்ளிட்ட அனைத்து துறை அலுவலர்களுடன் விரிவான ஆய்வு மேற்கொண்டார்.

மேலும், நகர்புறம் மற்றும் கிராமப்புறப்பகுதிகளில் நோய் கண்டறியப்பட்ட பகுதிகளில் மேற்கொள்ளப்படும் நடவடிக்கைகள் குறித்;து ஆய்வு மேற்கொண்டு சம்மந்தப்பட்ட துறை சார்ந்த அலுவலர்களுக்கு அறிவுரைகள் அளித்தார். இந்திய மருத்துவ முறையில் அளிக்கப்படும் சிகிச்சை முறைகள் குறித்தும் ஆய்வு மேற்கொண்டார். கொரோனா தொற்றை தடுக்கும் வகையில் நகராட்சி பகுதிகளில் மக்கள் அதிகமாக கூடுமிடங்களில் அதிகளவில் பரிசோதனைகள் மேற்கொள்ள வேண்டும் என்று அமைச்சர் சேவூர் எஸ்.இராமச்சந்திரன் அறிவுறுத்தினார்.