தற்போதைய செய்திகள்

பொதுமக்கள் அனைவருக்கும் விரைந்து கொரோனா தடுப்பூசி

முன்னாள் அமைச்சர் அக்ரி எஸ்.எஸ்.கிருஷ்ணமூர்த்தி அறிவுறுத்தல்

திருவண்ணாமலை

பொதுமக்கள் அனைவருக்கும் விரைந்து தடுப்பூசி செலுத்த வேண்டும் என்று முன்னாள் அமைச்சர் அக்ரி எஸ்.எஸ்.கிருஷ்ணமூர்த்தி அறிவுறுத்தி உள்ளார்.

திருவண்ணாமலை மாவட்டம் போளூர் சட்டமன்ற தொகுதிக்குட்பட்ட சேத்துப்பட்டு ஒன்றியம் மன்சுராபத் பகுதியில்
சுகாதாரத்துறை சார்பில் கொரோனா தடுப்பூசி போடும் சிறப்பு முகாம் நடைபெற்றது.

இம்முகாமினை முன்னாள் அமைச்சரும், திருவண்ணாமலை தெற்கு மாவட்ட கழக செயலாளரும், சட்டமன்ற உறுப்பினருமான அக்ரி எஸ்.எஸ்.கிருஷ்ணமூர்த்தி நேரில் சென்று பார்வையிட்டு ஆய்வு செய்தார்.

தொடர்ந்து மருத்துவர்களிடம் கேட்டறிந்த முன்னாள் அமைச்சர் அக்ரி எஸ்.எஸ்.கிருஷ்ணமூர்த்தி துரித நடவடிக்கை மேற்கொண்டு அனைவருக்கும் விரைந்து தடுப்பூசி செலுத்தும்படி அறிவுரை வழங்கினார். பின்னர் முகாமிற்கு வந்திருந்த பொதுமக்களுக்கு ெகாரோனா தடுப்பு நடவடிக்கையாக கபசுர குடிநீர் வழங்கினார்.

இந்நிகழ்ச்சியில் சேத்பட் ஒன்றிய கழக செயலாளர்கள் ராகவன், ஸ்ரீதர், மாவட்ட இலக்கிய அணி செயலாளர் நாராயணன், போளூர் முன்னாள் ஒன்றியக்குழு தலைவர்கள் செல்வன், ராஜன், பெரணமல்லூர் மேற்கு ஒன்றிய கழக செயலாளர் வீரபத்திரன், குருவிமலை ஊராட்சி மன்ற தலைவர் கார்த்திகேயன், முன்னாள் மாவட்ட கவுன்சிலர் செந்தில்குமார், மண்டல தகவல் தொழில்நுட்ப பிரிவு துணை செயலாளர் தரணிதரன் உள்பட பலர் கலந்து கொண்டனர்.