தற்போதைய செய்திகள்

உழைப்பவர்களுக்கு நல்ல எதிர்காலம் உண்டு – பூத் கமிட்டி நிர்வாகிகளுக்கு கீர்த்திகா முனியசாமி அறிவுரை

ராமநாதபுரம்

கட்சியில் உழைப்பவர்களுக்கு நல்ல எதிர்காலம் உண்டு என்று பூத் கமிட்டி நிர்வாகிகளுக்கு மகளிரணி இணை செயலாளர் கீர்த்திகா முனியசாமி அறிவுரை வழங்கினார்.

ராமநாதபுரம் மாவட்டம் சாயல்குடி ஒன்றியம் சிக்கல், தனிச்சயம், ராஜாக்கபாளையம், ஆண்டிச்சிகுளம் இதம்பாடல் காலனி பகுதியில் பூத் கமிட்டி கூட்டம் நடைபெற்றது. கூட்டத்தில் கழக மகளிரணி இணை செயலாளர்

கீர்த்திகா முனியசாமி கலந்து கொண்டு ஆலோசனை பேசியதாவது:-

இன்றைக்கு ஒட்டுமொத்த பெண் சமுதாயத்தின் பாதுகாப்பு அரணாக அம்மாவின் அரசு உள்ளது. தி.மு.க. ஆட்சிக்காலத்தில் பெண்களுக்கு பாதுகாப்பு இல்லை. அப்போது சட்டம்-ஒழுங்கு சீர்கெட்டு இருந்தது.பெண் சமுதாயத்திற்கு பல்வேறு திட்டங்களான விலையில்லா மிக்சி, கிரைண்டர், மின்விசிறி திட்டம், தாலிக்கு தங்கம் திட்டம், மகளிர் சுய உதவி குழுக்களுக்கு நிதி உதவி, கர்ப்பிணி பெண்களுக்கு உதவி தொகை பெண் காவல் நிலையங்கள், உழைக்கும் பெண்களுக்கு
மானிய விலையில் இருசக்கர வாகனம், கிராமப்புற ஏழை பெண்களுக்கு விலையில்லா கறவை மாடுகள் ஆடுகள் இப்படி பல்வேறு திட்டங்களை விளங்கியது அம்மாவின் அரசாகும்

திமுக ஆட்சி காலத்தில் பெண்களுக்கு என்று எந்த திட்டமும் இல்லை. இதையெல்லாம் ஒவ்வொரு வீடு வீடாக சென்று நீங்கள் எடுத்துக் கூறவேண்டும். மேலும் வருகின்ற 2021 சட்டமன்ற தேர்தலில் தலைமை கழகம் அறிவிக்கும் வேட்பாளரை நீங்கள் வெற்றிபெற செய்ய வேண்டும். நீங்கள் இயக்கத்துக்காக நன்றாக பாடுபடுங்கள். உங்களுக்கு சிறப்பான எதிர்காலத்தை முதல்வரும், துணை முதல்வரும் உருவாக்கி தருவார்கள்.

இவ்வாறு அவர் பேசினார்.

இக்கூட்டத்தில் சாயல்குடி ஒன்றிய கழக செயலாளர் எ.எஸ்.பி..அந்தோணிராஜ், கடலாடி ஒன்றிய கழக செயலாளர் முனியசாமி பாண்டியன், மாவட்ட கவுன்சிலர் பிரவீன்குமார், ஒன்றிய கவுன்சிலர் எம்.வி.குமரையாத் தேவர், சாயல்குடி ஒன்றிய தகவல் தொழில் நுட்ப பிரிவு செயலாளர் முனீஸ்வரன் மற்றும் ஒன்றிய கழக நிர்வாகிகள், ஊராட்சி தலைவர்கள், கிளை கழக மற்றும் ஊராட்சி செயலாளர்கள் மற்றும் கழக நிர்வாகிகள் பலர் கலந்து கொண்டனர்.