தற்போதைய செய்திகள்

சிவகாசி தொகுதியில் 8 இடத்தில் புதிய சமுதாய சுகாதார வளாகம் – அமைச்சர் கே.டி.ராஜேந்திர பாலாஜி பூமிபூஜை

விருதுநகர்

விருதுநகர் மாவட்டம் சிவகாசி சட்டமன்ற தொகுதிக்குட்பட்ட பகுதிகளில் மகாத்மாகாந்தி தேசிய ஊரக வேலை உறுதித்திட்டம், தூய்மை பாரத இயக்கம் மற்றும் 15-வது நிதிக்குழு மானியம் ஆகிய நிதி திட்டங்களின் கீழ், ரூ.42 லட்சம் மதிப்பீட்டில் புதிதாக 8 சமுதாய சுகாதார வளாக கட்டடங்கள் கட்டுவதற்கான பூமிபூஜையை பால்வளத்துறை அமைச்சர் கே.டி.ராஜேந்திர பாலாஜி துவக்கி வைத்தார்.

சிவகாசி சட்டமன்ற தொகுதிக்குட்பட்ட பகுதிகளில், பல்வேறு மேம்பாட்டு நிதியின் கீழ் சமுதாய சுகாதார வளாகம், பல்நோக்கு கட்டடங்கள், நவீன கழிப்பிட கட்டடம், குடிநீர் சுத்திகரிப்பு நிலையங்கள், கலையரங்க கட்டடம், நியாயவிலை கடைகள், அங்கன்வாடி மையம், சமுதாய கூடம், மேல்நிலை நீர்த்தேக்க தொட்டி, பேவர் பிளாக் சாலைகள், பாலம், தார் சாலைகள், பயணியர் நிழற்குடை, அங்கன்வாடி மையம், கலையரங்கம் போன்ற பல்வேறு நலத்திட்ட பணிகள் மேற்கொள்ளப்பட்டு வருகிறது.

அதனடிப்படையில், ஊரக வளர்ச்சி மற்றும் ஊராட்சித்துறையின் மூலம் செயல்படுத்தப்பட்டு வரும் மகாத்மா காந்தி தேசிய ஊரக வேலை உறுதித்திட்டம், தூய்மை பாரத இயக்கம் மற்றும் 15-வது நிதிக்குழு மானியம் ஆகிய நிதி திட்டங்களின் கீழ் சிவகாசி ஊராட்சி ஒன்றியத்திற்குட்பட்ட செங்கமல நாச்சியார்புரம் ஊராட்சியில் இந்திரா காலனி மற்றும் கங்காகுளம் ஆகிய இடங்களில் தலா ரூ.5.25 லட்சம் மதிப்பீட்டிலும், சாமிநத்தம் ஊராட்சியில் சாமிநத்தம் கீழுரில் ரூ.5.25 லட்சம் மதிப்பீட்டிலும், ஊராம்பட்டி ஊராட்சியில் பர்மா காலனி மற்றும் மணியம்பட்டி ஆகிய இடங்களில் தலா ரூ.5.25 லட்சம் மதிப்பீட்டிலும்,

மாரனேரி ஊராட்சி ஈஸ்வரன் காலனியில் ரூ.5.25 லட்சம் மதிப்பீட்டிலும், ஆனையூர் ஊராட்சியில் ஏ.இலட்சுமியாபுரம் மற்றும் காந்திநகர் ஆகிய இடங்களில் தலா ரூ.5.25 லட்சம் மதிப்பீட்டிலும் என ஆக மொத்தம் 8 இடங்களில் ரூ.42 லட்சம் மதிப்பீட்டில் புதிதாக சமுதாய சுகாதார வளாகக் கட்டடங்கள் கட்டுவதற்கான பூமிபூஜையை அமைச்சர் கே.டி.ராஜேந்திரபாலாஜி ெதாடங்கி வைத்தார்.

இந்நிகழ்ச்சிகளில், மாவட்ட அறங்காவலர் குழு தலைவர் பலராம், தமிழ்நாடு கூட்டுறவு விற்பனை இணைய இயக்குநர் கருப்பசாமி, வட்டார வளர்ச்சி அலுவலர்கள் ராமமூர்த்தி, காமேஸ்வரி சிவகாசி ஊராட்சி ஒன்றிய பொறியாளர் நாராயணசாமி, உள்ளாட்சி அமைப்புகளின் பிரதிநிதிகள், கூட்டுறவு சங்கத் தலைவர்கள், அரசு அலுவலர்கள் மற்றும் பலர் கலந்து கொண்டனர்.