தற்போதைய செய்திகள்

276 பயனாளிகளுக்கு நலத்திட்ட உதவிகள் – அமைச்சர் கே.ஏ.செங்கோட்டையன் வழங்கினார்

ஈரோடு

ஈரோடு கிழக்கு தொகுதியில் நடைபெற்ற மனுநீதி திட்ட முகாமில் 276 பயனாளிகளுக்கு நலத்திட்ட உதவிகளை அமைச்சர் கே.ஏ.செங்கோட்டையன் வழங்கினார்.

ஈரோடு கிழக்கு தொகுதியில் ஈரோடு மாநகராட்சிக்குட்பட்ட, முத்துக்கருப்பண்ண வீதி, கலைமகள் கல்வி நிலையம், தொடக்கப்பள்ளியில் ஈரோடு ‘ஆ” கிராமம் பகுதியை சேர்ந்த பொதுமக்களுக்கு, மாவட்ட வருவாய் அலுவலர் ச.கவிதா தலைமையில், சட்டமன்ற உறுப்பினர்கள் கே.வி.இராமலிங்கம், கே.எஸ்.தென்னரசு, சு.ஈஸ்வரன் ஆகியோர் முன்னிலையில் நடைபெற்ற மாவட்ட ஆட்சித்தலைவரின் மனுநீதி திட்ட முகாமில், பள்ளிக்கல்வி, இளைஞர் நலன் மற்றும் விளையாட்டு மேம்பாட்டுத்துறை அமைச்சர் கே.ஏ.செங்கோட்டையன் கலந்து கொண்டு 276 பயனாளிகளுக்கு ரூ.73.14 லட்சம் மதிப்பீட்டில் பல்வேறு அரசு நலத்திட்ட உதவிகளை வழங்கினார்.

மேலும் ஈரோடு ‘ஆ” கிராமம் பகுதியை சேர்ந்த பொதுமக்களிடமிருந்து 160 கோரிக்கை மனுக்களை பெற்று, தொடர்புடைய அலுவலர்களிடம் உடனடி நடவடிக்கை மேற்கொள்ள உத்தரவிட்டார்.தொடர்ந்து, சமூகப் பாதுகாப்பு திட்டத்தின் கீழ் 69 பயனாளிகளுக்கு ரூ.8,28,000 மதிப்பீட்டில் இந்திராகாந்தி தேசிய முதியோர் உதவித்தொகை, விதவை உதவித்தொகை மற்றும் மாற்றுத்திறனாளிகள் உதவித்தொகை பெறுவதற்கான ஆணைகளையும், 125 பயனாளிகளுக்கு ரூ.12.50 லட்சம் மதிப்பீட்டில் புதிய மின்னணு குடும்ப அட்டைகளையும், 22 பயனாளிகளுக்கு ரூ.2,20,000 மதிப்பீட்டில் விலையில்லா தையல் இயந்திரங்களையும், 10 நபர்களுக்கு ரூ.49,000 மதிப்பீட்டில் விலையில்லா சலவை பெட்டிகளையும், 8 பயனாளிகளுக்கு ரூ.50,000 மதிப்பீட்டில் சிறு தொழில் தொடங்க நிதியுதவியும்,

தோட்டக்கலைத்துறையின் சார்பில் ஒரு பயனாளிக்கு ரூ.51,497 மதிப்பில் சொட்டுநீர் பாசன மானிய உதவியும், வேளாண்மைத்துறையின் சார்பில் ஒரு பயனாளிக்கு ரூ.1,21,312 மதிப்பீட்டில் சொட்டுநீர் பாசன மானிய தொகையும், தீ விபத்தில் உயிரிந்த நபரின் வாரிசுதாரருக்கு ரூ.4,00,000 மதிப்பில் நிவாரண தொகையும், தமிழ்நாடு தேசிய நகர்புற வாழ்வாதார இயக்கம், மாவட்ட இயக்க மேலாண்மை அலகு சார்பில் 17 பயனாளிகளுக்கு ரூ.43,45,000 மதிப்பீட்டில் பல்வேறு கடனுதவிகளையும், முதியோர் ஓய்வூதியம் பெறும் 22 பயனாளிகளுக்கு விலையில்லா வேட்டி, சேலைகளையும் என மொத்தம் 276 பயனாளிகளுக்கு ரூ.73,14,809 மதிப்பீட்டில் அரசு நலத்திட்ட உதவிகளை வழங்கினார்.

இந்நிகழ்ச்சிகளில் முன்னாள் மேயர் மல்லிகா பரமசிவம், பகுதி கழக செயலாளர்கள் கேசவமூர்த்தி, எஸ்.டி.தங்கமுத்து, முருகு சேகர், ஜெயராஜ், ரா.மனோகரன், ராமசாமி, மாவட்ட இலக்கிய அணி செயலாளர் சம்பத் நகர் ஜெகதீசன், மாவட்ட ஆவின் துணைத் தலைவர் ஈரோடு குணசேகரன், வட்ட செயலாளர் சோழா லோகநாதன், ஆவின் ராஜேந்திரன், சின்னு (எ) சண்முகம், பரிமளா ராஜேந்திரன், பி.பி.கே.மணிகண்டன், பாவை அருணாசலம், மாது (எ) மாதையன், சூரியசேகர், கஸ்தூரி, ஜெயலட்சுமி மோகன், பாப்பாத்திமணி, அரசு வழக்கறிஞர் துரை சக்திவேல், சாமிரத்தினம், யுவராஜ், கரூர் தங்கவேல், ஜீவா ரவி, பாசறை ரமேஷ், ஆஜம், சக்திவேல், பாலாஜி (எ) மோகன் குமார் உள்பட பலர் கலந்து கொண்டனர்.