தற்போதைய செய்திகள்

விருகம்பாக்கத்தில் திருநங்கைகளுக்கு அத்தியாவசிய தொகுப்பு – வி.என்.ரவி எம்.எல்.ஏ. வழங்கினார்

சென்னை

விருகம்பாக்கம் தொகுதியில் 100க்கும் மேற்பட்ட திருநங்கைகளுக்கு அத்தியாவசிய பொருட்கள் அடங்கிய தொகுப்புகளை தென் சென்னை தெற்கு மாவட்ட செயலாளரும், சட்டமன்ற உறுப்பினருமான விருகை வி.என். ரவி வழங்கினார்.

விருகம்பாக்கம் தொகுதி 129-வது வார்டு சாலிகிராமத்தில் உள்ள சட்டமன்ற அலுவலகத்தில் விருகம்பாக்கம் தொகுதியை சார்ந்த 100-க்கும் மேற்பட்ட திருநங்கைகளுக்கு அனைவருக்கும் 5 கிலோ அரிசி, துவரம் பருப்பு, கடலை பருப்பு, சமையல் எண்ணெய், சர்க்கரை, கோதுமை மாவு, உப்பு, கடுகு, சீரகம், மிளகாய் பொடி, ரவை, பிஸ்கட் பாக்கெட் 5 வகையான காய்கறிகள் ஆகியவை அடங்கிய தொகுப்புகளை தென்சென்னை தெற்கு மாவட்ட செயலாளரும், சட்டமன்ற உறுப்பினருமான விருகை வி.என்.ரவி வழங்கினார்.

இந்நிகழ்ச்சியில் ஏ.எம்.காமராஜ், அண்ணாமலை, இ.சங்கர், பில்டர் மோகன், செல்வநாயகம், வைகுண்டராஜன், ஆர்.சி.ரவி, காணுநகர் தினேஷ், டி.சி.அசோக்குமார், கோகுல், பாலாஜி, லோகேஷ், சீனிவாசன், தியாகராஜன், குபா, முரளி, சேகர், முத்து மற்றும் கழக நிர்வாகிகளும், கழகத் தொண்டர்களும், பொதுமக்களும் கலந்து கொண்டனர்.