மதுரை

சிறுபான்மை மக்களை தி.மு.க. தான் வஞ்சித்தது – எஸ்.எஸ்.சரவணன் எம்.எல்.ஏ குற்றச்சாட்டு

மதுரை

சிறுபான்மை மக்களை தி.மு.க. தான் வஞ்சித்தது என்று எஸ்.எஸ்.சரவணன் எம்.எல்.ஏ குற்றம் சாட்டியுள்ளார்.

மதுரையில் மருந்து உற்பத்தியாளர்கள் மற்றும் விற்பனையாளர்கள் சங்க கூட்டமைப்பு சார்பில் பொதுக்குழு கூட்டம் தமிழ்நாடு தொழில் வர்த்தக சங்க வளாகத்தில் நடைபெற்றது. சங்கத்தின் தலைவர் கணேசன் தலைமை தாங்கினார். சரவணன் முன்னிலை வகித்தார். கூட்டத்தில் மதுரை மாநகர் மாவட்ட அம்மா பேரவை செயலாளரும், மதுரை தெற்கு சட்டமன்ற உறுப்பினருமான எஸ்.எஸ்.சரவணன் பேசியதாவது:-

இன்றைக்கு தமிழக முதலமைச்சர் சுகாதாரத்துறையில் பல்வேறு சாதனை படைத்திருக்கிறார். உலகத்தை ஆட்டி படைத்த கொரோனா தொற்றுநோயை தனது மதிநுட்பத்தால் போர்க்கால தடுப்பு நடவடிக்கை எடுத்து பாரதப்பிரதமர் மூலம் பாராட்டு பெற்று இந்தியாவிற்கே வழிகாட்டும் மாநிலமாக தமிழகத்தை உருவாக்கியுள்ளார்.

மருத்துவ வணிகத்தில் சிறுபான்மை மக்கள் தான் விற்பனையாளர்களாகவும், உற்பத்தியாளர்களாகவும் திகழ்ந்து வருகின்றனர். கடந்த திமுக ஆட்சிக்காலத்தில் உங்களுக்கு பல்வேறு இடையூறுகளை திமுகவினர் செய்தனர். நீங்கள் நிம்மதியாக தொழிலில் ஈடுபட முடியவில்லை. இதற்கெல்லாம் நீங்கள் கடந்த தேர்தலில் தந்த பாடம் திமுகவுக்கு புகட்டினீர்கள்.

கடந்த பத்தாண்டுகளாக நீங்கள் நிம்மதியாக தொழில் செய்து வருகின்றீர்கள். தொடர்ந்து நீங்கள் வைக்கும் கோரிக்கைகளை எல்லாம் உடனுக்குடன் முதலமைச்சர் நிறைவேற்றுகிறார். தற்பொழுது 2021 சட்டமன்ற தேர்தலில் நீங்கள் அனைவரும் ஒட்டுமொத்தமாக கழகத்திற்கு வாக்களிக்க வேண்டும்.

இவ்வாறு மஎஸ்.எஸ்.சரவணன் எம்.எல்.ஏ பேசினார்.

கூட்டத்தில் தமிழ்நாடு தொழில் வர்த்தக சங்க தலைவர் ஜெகதீசன், முதுநிலைத் தலைவர் ரத்தினவேலு, தமிழ்நாடு செட்டியார் பேரவைத் தலைவர் ஜெகநாத் மிஸ்ரா உட்பட பலர் கலந்து கொண்டனர்.