தற்போதைய செய்திகள் திருப்பூர்

திருப்பூர் மாநகராட்சியில் பல்வேறு திட்டப்பணிகள் – சு.குணசேகரன் எம்.எல்.ஏ தொடங்கி வைத்தார்

திருப்பூர்:-

திருப்பூர் மாநகராட்சியில் பல்வேறு திட்டப்பணிகளை சு.குணசேகரன் எம்.எல்.ஏ தொடங்கி வைத்தார்.

திருப்பூர் தெற்கு தொகுதிக்குட்பட்ட, திருப்பூர் மாநகராட்சிப் பகுதிகளில் வெளியேறும் கழிவுநீரை சேகரம் செய்ய வடக்கு கரையோரம் ரூ.30.50 கோடியில் வடிகால் கட்டும் பணி, ரூ.29 கோடியில் தெற்குப்பகுதியில் வடிகால் கட்டும் பணி, ரூ.29 கோடியில் நொய்யல் ஆற்றின் இருபுறமும் தார்சாலை அமைத்தல் மற்றும் பேவர் பிளாக் கற்கள் பதிக்கும் பணிகள், ரூ.30 கோடியில் நொய்யல் ஆற்றின் வடக்குப்புறம் பூங்கா கட்டுதல் மற்றும் அணைக்காடு பகுதியில் பூங்காவுடன் கூடிய உணவகம் கட்டும் பணி,

ரூ.28.76 கோடியில் தடுப்புச்ச்சுவர் கட்டுதல், மணியாரம்பாளையம் பகுதியில் பூங்காவுடன் கூடிய அரங்கம் கட்டும் பணிகள் என மொத்தமாக ரூ. 147.26 கோடியில் நொய்யல் ஆற்றினை சீரமைக்கும் பணி, திருப்பூர் மாநகராட்சி 44 வது வார்டுக்குட்ப்பட்ட ரேணுகா நகரில் ரூ.69 லட்சத்தில் மழைநீர் வடிகால் கட்டி, தார்சாலை அமைக்கும் பணி ஆகியவற்றை திருப்பூர் தெற்கு தொகுதி எம்.எல்.ஏ., சு.குணசேகரன் பூமிபூஜை செய்து துவக்கி வைத்தார்.

இந்நிகழ்ச்சியில், உதவி கமிஷனர் சுப்பிரமணி, உதவி பொறியாளர் முனியாண்டி, இளம்பொறியாளர்கள் கனகராஜ், சிவக்குமார், முன்னாள் கவுன்சிலர் கண்ணப்பன், அர்பன் வங்கி தலைவர் சடையப்பன், நகர அண்ணா தொழிற்சஙக செயலாளர் கண்ணபிரான், மயூரிநாதன், ஜாபருல்லா, ஜவஹர் ராஜ், ஜீவானந்தம், செந்தில்குமார், சரவணன், சையது அலி, ரேணுகா நகர் குடியிருப்போர் நலச்சங்க நிர்வாகிகள் முகமது ஷெரிப், அப்துல் காசிம், சபீர் அலி, அப்துல் காதர், அப்துல் பஷீர், காஜா உசேன், சபி, குமார், கோமதி உள்பட பலர் பங்கேற்றனர்.