தமிழகம்

தி.மு.க. கட்சி அல்ல கார்பரேட் கம்பெனி – முதலமைச்சர் பேட்டி

கோவை விமான நிலையத்தில் முதலமைச்சர்செய்தியாளர்களுக்கு பேட்டி வருமாறு :-

கேள்வி: அஇஅதிமுக தேர்தல் வாக்குறுதிகள்….
பதில்: விரைவில் வாக்குறுதிகள் வரும். ஏனென்றால், தேர்தல் அறிக்கையில்தான் அவை வெளியிடப்படும்.

கேள்வி: நடிகர் விஜய் சந்திப்பு குறித்து…
பதில்: திரையரங்குகள் இன்னும் முழுமையாக திறக்கப்படவில்லை.

திரையரங்கங்கள் முழுமையாக திறப்பதற்கு அரசு நடவடிக்கை மேற்கொள்ள வேண்டுமென்று கேட்டுக் கொண்டார்.
கேள்வி: திமுக தலைவர் பேசும்போது, குடும்பத்தை கட்சியோடு இணைத்து பாடுபடுகிறோம் என்று பேசியுள்ளாரே?

பதில்: அவரே ஒத்து கொண்டாரல்லவா? கார்பரேட் கம்பெனி என்று ஒத்துக் கொண்டாரல்லவா? ஏனென்றால், நன்றாக சிந்தித்துப் பாருங்கள். முதலில் கலைஞர் வந்தார். அவருக்குப் பிறகு எவ்வளவு தலைவர்கள் வந்தார்கள்? அவர்களை
விட்டு, விட்டு, ஸ்டாலினை முன்னிலைப்படுத்தினார்கள். அவரும் ஓரளவு போராட்டங்களில் கலந்து கொண்டார். ஆனால், ஸ்டாலின் மகன் உதயநிதி எந்த போராட்டத்தில் கலந்து கொண்டார்? அவரின் வயது என்ன? இவருக்கு முன்பு துரைமுருகன், நேரு, பெரியசாமி இருக்கிறார்.

இவ்வாறு பல தலைவர்கள், அந்த கட்சிக்காக உழைத்தவர்கள் திமுகவில் இருக்கிறார்கள். ஏன், அவர்களை முன்னிறுத்தலாமே? நிறுத்தவில்லையே? அதனால்தான் வாரிசு என்று நான் சொல்கிறேன். அவருக்கு பின்னால் உதயநிதி மகன் வருவார். அது கட்சியல்ல,கார்ப்பரேட் கம்பெனி. அதனால் படிப்படியாக அவர்கள் வாரிசுதான் வரும். கழகத்தில்தான் தலைமைக்கும், மக்களுக்கும் உழைக்கின்றவர்கள் நிச்சயமாக உயர்ந்த பதவிக்கு வர முடியும், என் மாதிரி.

கேள்வி: தமிழகத்தில் கூட்டணி மந்திரி சபை….
பதில்: தமிழகத்தை பொறுத்தவரை கூட்டணி மந்திரி சபையை மக்கள் ஏற்றுக்கொள்ள மாட்டார்கள். அதுதான் கழகத்தின் நிலைப்பாடு.

இவ்வாறு முதலமைச்சர் எடப்பாடி கே.பழனிசாமி கூறினார்.