திருவள்ளூர்

கண்ணை இமை காப்பது போல் தமிழக மக்களை முதலமைச்சர் காத்து வருகிறார் – சிறுணியம் பி.பலராமன் எம்.எல்.ஏ பெருமிதம்

அம்பத்தூர்

கண்ணை இமை காப்பது போல் தமிழக மக்களை முதலமைச்சர் எடப்பாடி கே.பழனிசாமி காத்து வருகிறார் என்று மணலி புதுநகரில் நடைபெற்ற நிகழ்ச்சியில் திருவள்ளூர் மேற்கு மாவட்ட செயலாளர் சிறுணியம் பி.பலராமன் எம்.எல்.ஏ பேசினார்.

தமிழகத்தில் கொரோனா வைரஸ் தாக்கம் அதிகரித்து வரும் நிலையில் அதனை கட்டுப்படுத்தும் விதமாக தமிழக முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர் செல்வம் ஆகியோர் தமிழகம் முழுவதும் முழுவீச்சில் மருத்துத்துறை சுகாதாரத்துறை காவல்துறை ஆகியவற்றை முடுக்கிவிட்டு பல்வேறு நடவடிக்கைகளை எடுத்து வருகின்றனர் அந்த வகையில்.

திருவள்ளூர் கிழக்கு மாவட்டம் திருவொற்றியூர் பகுதி பொன்னேரி சட்டமன்றத் தொகுதிக்குட் பட்ட மணலி மண்டலம் 15-வது வார்டில் கொரோனா ஊரடங்கு காலத்தில் சிறப்பாக பணியாற்றும் சுகாதாரத்துறை ஊழியர்கள் துப்புரவு பணியாளர்கள் ஆகியோருக்கு கபசுரக் குடிநீர், முக கவசம், கிருமிநாசினி மற்றும் நிவாரணப் பொருட்கள் வழங்கும் நிகழ்ச்சி பொதுமக்களுக்கு மருத்துவ முகாம் காய்ச்சல் கண்டறியும் முகாம் ஆகியவை நடைபெற்றது.

இதில் திருவள்ளூர் கிழக்கு மாவட்ட கழக செயலாளரும் அம்பத்தூர் சட்டமன்ற உறுப்பினருமான வி.அலெக்சாண்டர், திருவள்ளூர் மேற்கு மாவட்ட கழக செயலாளரும், பொன்னேரி தொகுதி சட்டமன்ற உறுப்பினருமான சிறுணியம் பி.பலராமன் ஆகியோர் கலந்துகொண்டு சுகாதாரத் துறை பணியாளர்களுக்கு நிவாரணம் மற்றும் பாதுகாப்பு உபகரணங்களை வழங்கினர்.

நிகழ்ச்சியில் திருவள்ளூர் மேற்கு மாவட்ட கழக செயலாளர் சிறுணியம் பி.பலராமன் எம்.எல்.ஏ. பேசியதாவது:-

முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் ஆணைக்கிணங்க பொன்னேரி சட்டமன்ற தொகுதிக்குட்பட்ட மணலி புதுநகரில் கொரோனா வைரஸிலிருந்து பொதுமக்களை காக்கும் வகையில் பல்வேறு மருத்துவ முகாம்கள், பாதுகாப்பு உபகரணங்கள் தொடர்ந்து வழங்கப்பட்டு வருகின்றன.

மேலும் இந்த பகுதியில் உடனுக்குடன் குப்பைகள் அகற்றப்பட்டு அம்மா அவர்களின் அருளாசியுடன் தரமான சாலையில் எல்இடி விளக்குகள் அமைக்கப்பட்டு இந்தப் பகுதி சுகாதாரம் மிகுந்த பகுதியாக மாற்றியுள்ளோம்.

இந்த கொரோனா வைரஸ் தாக்கத்திலிருந்து தமிழக முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் கண்ணை எப்படி இமைகள் பாதுகாக்கின்றதோ அந்த மாதிரி தமிழக மக்களை பாதுகாக்கும் வகையில் பல்வேறு தீவிர நடவடிக்கைகளை எடுத்து வருகின்றனர்.

அதன் மூலம் கொரோனா வைரஸ் மிக விரைவில் தமிழ்நாட்டை விட்டு ஒழியும் மேலும் கடந்த நான்கு மாதங்களாக நடைமுறையில் உள்ள ஊரடங்கு காலத்தில் தங்களது வீட்டில் குழந்தைகள் உறவினர்கள் அனைவரையும் விட்டுவிட்டு பொதுமக்களுக்காக தினந்தோறும் அவர்களைக் காக்கும் வகையில் சாலைகளை பெருக்கி சுத்தம் செய்து கிருமிநாசினி தெளித்து அவர்களுக்காக பாடுபடும் நீங்கள் பல்லாண்டு காலம் எந்த நோய் நொடி இன்றி வாழ வேண்டும் என்று இறைவனை வேண்டிக்கொள்கிறேன்.

இவ்வாறு திருவள்ளூர் மேற்கு மாவட்ட கழக செயலாளர் சிறுணியம் பி.பலராமன் எம்.எல்.ஏ பேசினார்.

இந்நிகழ்ச்சியில் திருவெற்றியூர் பகுதி கழக செயலாளர் கே.கிருஷ்ணன், அண்ணா தொழிற்சங்கம் ராஜேஷ் சேகர், எம்.சி.சூர்யா, வட்ட செயலாளர் காமராஜ், ஜோசப், எம்.சின்னா, ஆர்.மணிக்குமார், ஆர்.வீரக்குமார், டி.என்.செல்வம், பூங்கா சி.மணி, விடிஎஸ்.இன்பநாதன், அம்சா தோட்டம் ஏ.ராஜு, டி.ரமணகுமார், கே.பிரகாஷ்ராஜ், ஏ.ஜெயமதன், கே.ஜெகதீஸ், ஏ.முத்துவேல், ஏ.பழனியப்பன் மற்றும் பலர் கலந்து கொண்டனர்.