தற்போதைய செய்திகள்

குடியரசு தலைவர்- பிரதமருக்கு துணை முதல்வர் புத்தாண்டு வாழ்த்து

சென்னை

குடியரசுத்தலைவர் ராம்நாத் கோவிந்த் மற்றும் பிரதமர் நரேந்திர மோடி ஆகியோருக்கு துணை முதலமைச்சர் ஓ.பன்னீர்செல்வம் புத்தாண்டு வாழ்த்து தெரிவித்துள்ளார்.

ஆங்கில புத்தாண்டை முன்னிட்டு துணை முதலமைச்சர் ஓ.பன்னீர்செல்வம், குடியரசு தலைவர் ராம்நாத் கோவிந்த், குடியரசு துணைத்தலைவர் வெங்கையா நாயுடு, பிரதமர் நரேந்திர மோடி, மத்திய உள்துறை அமைச்சர் அமித்ஷா, மத்திய நிதியமைச்சர் நிர்மலா சீதாராமன் மற்றும் பாரதிய ஜனதா கட்சியின் அகில இந்திய தலைவர் ஜே.பி.நட்டா ஆகியோருக்கு புத்தாண்டு நல் வாழ்த்துக்களை கடிதம் மூலம் தெரிவித்துள்ளார்.

மேலும் முதலமைச்சர் எடப்பாடி கே.பழனிசாமியை துணை முதலமைச்சர் ஓ.பன்னீர்செல்வம் நேரில் சந்தித்து பூங்கொத்து வழங்கி புத்தாண்டு வாழ்த்துக்களை தெரிவித்தார்.